ଇସଲାମାବାଦ,୬।୯: ଆର୍ଥିକ ଦାରିଦ୍ର୍ୟ ସହ ସଂଘର୍ଷ କରୁଥିବା ପାକିସ୍ତାନରେ ମଧ୍ୟ ଆଇନ ଶୃଙ୍ଖଳା ପରିସ୍ଥିତି ଏବେ ଭାଙ୍ଗଯାଇଛି। ପ୍ରତିଦିନ ପାକିସ୍ତାନର ଡକାୟତମାନେ ବନ୍ଧୁକ ମୁନରେ ଲୋକଙ୍କୁ ଖୋଲାଖୋଲି ଭାବେ ଲୁଟୁଛନ୍ତି। ଦେଶରେ ଅପରାଧ ହାରକୁ ନେଇ ଉଦ୍ବେଗ ପ୍ରକାଶ କରି ପାକିସ୍ତାନର ସିନ୍ଧ ପ୍ରଦେଶର କାର୍ଯ୍ୟନିର୍ବାହୀ ମନ୍ତ୍ରୀ ବ୍ରିଗେଡିୟର୍ (ଅବସରପ୍ରାପ୍ତ) ହରିସ ନୱାଜ ଲୋକମାନଙ୍କୁ ଏକ ଅଦ୍ଭୁତ ଅନୁରୋଧ କରିଛନ୍ତି।
ସେ କହିଛନ୍ତି ଲୋକମାନେ ମୋବାଇଲ ଫୋନ ଏପରି ସ୍ଥାନରେ ରଖନ୍ତୁ ଯେଉଁଠାରେ ଚୋରି ହୋଇପାରିବ ନାହିଁ ବୋଲି ମନ୍ତ୍ରୀ ଅନୁରୋଧ କରିଛନ୍ତି। ଅପରାଧ ହ୍ରାସ କରିବାରେ ନାଗରିକମାନେ ସରକାର ଏବଂ ପୋଲିସ ସହିତ ମଧ୍ୟ ସହଯୋଗ କରିବା ଉଚିତ। ସେ କହିଛନ୍ତି ଯେ ଫୋନକୁ ଲୁକ୍କାୟିତ ପକେଟରେ ରଖନ୍ତୁ, ଯାହାଫଳରେ ମୋବାଇଲ ଚୋରି ହେବ ନାହିଁ।
ମନ୍ତ୍ରୀଙ୍କ ଏହି ବୟାନକୁ ବହୁ ସମାଲୋଚନା କରାଯାଉଛି। ଇଣ୍ଟରନେଟରେ ଅନେକ ୟୁଜର ମନ୍ତ୍ରୀଙ୍କ ଏହି ବୟାନ ବିରୋଧରେ ଆପତ୍ତି ଉଠାଇଛନ୍ତି।
ଉଲ୍ଲେଖନୀୟ କଥା ହେଉଛି, ଯେତେବେଳେ ପାକିସ୍ତାନର ଜଣେ ସରକାରୀ ଅଧିକାରୀ ଏଭଳି ମନ୍ତବ୍ୟ ଦେଇଛନ୍ତି, ଏହା ପ୍ରଥମ ଘଟଣା ନୁହେଁ। ଗତ ବର୍ଷ କରାଚିର ତତ୍କାଳୀନ ପୋଲିସ ମହାନିର୍ଦ୍ଦେଶକ ଜାଭେଦ ଆଲାମ ଓଡୋ ସହରରେ ଅପରାଧ ବଢିବାରେ ଲାଗିଥିବା ଦାବିକୁ ଅସ୍ବୀକାର କରିଥିବାବେଳେ ସହରର ବ୍ୟବସାୟ ସମ୍ପ୍ରଦାୟକୁ ଗଣମାଧ୍ୟମ ମାଧ୍ୟମରେ ଅସୁରକ୍ଷିତ ଭାବନା ସୃଷ୍ଟି କରିଥିବା ଅଭିଯୋଗ କରିଥିଲେ।
ପାକିସ୍ତାନ ନ୍ୟୁଜ ଚ୍ୟାନେଲ ଜିଓ ନ୍ୟୁଜ ରିପୋର୍ଟ ଅନୁଯାୟୀ,୨୦୨୩ର ପ୍ରଥମ ତିନି ମାସରେ କରାଚିରେ ୨୧,୦୦୦ ରୁ ଅଧିକ ସଡ଼କ ଅପରାଧ ମାମଲା ରୁଜୁ ହୋଇଥିଲା।
