ରୂପ୍ସା,୧୨ା୯(ଡି.ଏନ୍.ଏ.): ବାଲେଶ୍ୱର ୬୦ନଂ ଜାତୀୟ ରାଜପଥର ସଦର ବ୍ଲକ ଅନ୍ତର୍ଗତ ହଳଦୀପଦା ଠାରେ ସୋମବାର ଭୋର୍ ସମୟରେ ଏକ ତୀର୍ଥଯାତ୍ରୀ ବସ୍ ଓଲଟି ପଡ଼ିଛି। ଫଳରେ ୬୫ରୁ ଊର୍ଦ୍ଧ୍ୱ ଯାତ୍ରୀ ଅଳ୍ପକେ ବର୍ତ୍ତି ଯାଇଥିବା ବେଳେ ୫ ଜଣ ଗୁରୁତର ହୋଇଥିବା ସୂଚନା ମିଳିଛି।
ସୂଚନାନୁଯାୟୀ ରାଜନନ୍ଦିନୀ ନାମକ ଡବ୍ଲ୍ୟୁବି ୨୯ ବି ୩୪୩୨ ନଂ ବିଶିଷ୍ଟ ଏକ ତୀର୍ଥଯାତ୍ରୀ ବସ୍ ପଶ୍ଚିମବଙ୍ଗ ମେଦିନୀପୁରରୁ ୬୫ରୁ ଊର୍ଦ୍ଧ୍ୱ ତୀର୍ଥଯାତ୍ରୀଙ୍କୁ ନେଇ ପୁରୀ ଯାଇଥିଲେ। ରବିବାର ରାତିରେ ଛତିଆରୁ ଦିଘା ଅଭିମୁଖେ ଯାତ୍ରା କରୁଥିବା ବେଳେ ଭୋର୍ ୪ଟାରେ ହଳଦୀପଦାଠାରେ ଏଭଳି ଦୁର୍ଘଟଣା ଘଟିଥିଲା। ଡ୍ରାଇଭରକୁ ନିଦ ଲାଗିଥିବା କାରଣ କିମ୍ବା ଅସାବଧାନତା ଯୋଗୁ ରାଜପଥ ପାର୍ଶ୍ୱ ନୟନଯୋଡ଼ିକୁ ବସ୍ଟି ଓଲଟି ପଡ଼ିଥିଲା।
ଘଟଣାସ୍ଥଳରେ ୫ ଯାତ୍ରୀ ଆହତ ହୋଇଥିଲା ବେଳେ ୧୦୮ ଆମ୍ବୁଲାନ୍ସ ଯୋଗେ ତାଙ୍କୁ ବାଲେଶ୍ୱର ମୁଖ୍ୟ ଡାକ୍ତର ଖାନାକୁ ସ୍ଥାନାନ୍ତର କରାଯାଇଛି। ଅନ୍ୟ ସମସ୍ତ ଯାତ୍ରୀ ଅଳ୍ପକେ ରକ୍ଷା ପାଇଯାଇଛନ୍ତି। ବସ୍ତା ଥାନା ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
