କଟକ ଅଫିସ,୨୪।୯: ମହାନଦୀର ମୁଣ୍ଡଳି ବ୍ୟାରେଜ୍ ନିକଟରେ ଫସି ରହିଥିବା ହାତୀକୁ ଉଦ୍ଧାର କରିବାକୁ ଯାଇ ଶୁକ୍ରବାର ଜଣେ ରିପୋର୍ଟର ପ୍ରାଣ ହରାଇଛନ୍ତି। ସେ ହେଲେ ବୈଦୁତିକ ଗଣମାଧ୍ୟମ ଓଟିଭିର ଚିଫ୍ ରିପୋର୍ଟର ଅରିନ୍ଦମ ଦାସ। ଏନେଇ କଟକ ଏସ୍ସିବି ଜରୁରୀକାଳୀନ ଅଧିକାରୀ ଭୁବନାନନ୍ଦ ମହାରଣା ସୂଚନା ଦେଇଛନ୍ତି।
ପ୍ରକାଶ ଯେ, ଭୋର୍ରୁ ମୁଣ୍ଡୁଳିଠାରେ ମହାନଦୀରେ ଏକ ହାତୀ ଫସି ରହିଥିଲା। ହାତୀଟିକୁ କୂଳକୁ ଆଣିବାକୁ ବନ ବିଭାଗ ଅଧିକାରୀ, କର୍ମଚାରୀ, ଓଡ୍ରାଫ୍ ଟିମ୍ ଘଟଣାସ୍ଥଳରେ ପହଞ୍ଚିଥିଲେ। ପରେ ଏକ ରବର ବୋଟ୍ରେ ଅପରେଶନ୍ରେ ଓଡ୍ରାଫ ଟିମ୍ଙ୍କ ସହ ଉକ୍ତ ଗଣମାଧ୍ୟମର ୨ଜଣ ପ୍ରତିନିଧି ଥିଲେ। ହେଲେ ବ୍ୟାରେଜ୍ ନିକଟରେ ପାଣିର ସୁଅ ଜୋର୍ ଥିବା ଯୋଗୁ ବୋଟ୍ଟି ଓଲଟି ପଡ଼ିଥିଲା। ଏଥିରେ ରିପୋର୍ଟର ଅରିନ୍ଦମଙ୍କ ଅକାଳ ମୃତ୍ୟୁ ଘଟିଥିବା ବେଳେ କ୍ୟାମେରାମ୍ୟାନ୍ ପ୍ରଭାତ ଗୁରୁତର ହୋଇଥିଲେ।
