ଧାମନଗର, ୨୧।୪(ସ୍ବ.ପ୍ର./ଡି.ଏନ.ଏ.): ଭଦ୍ରକ ଜିଲା ଧାମନଗର ଏନ୍ଏସି (ବିଜ୍ଞାପିତ ଅଞ୍ଚଳ ପରିଷଦ)ର ଉପାଧ୍ୟକ୍ଷ ନିର୍ବାଚନ ବୁଧବାର ଅନୁଷ୍ଠିତ ହୋଇଯାଇଛି। ୬ନଂ. ୱାର୍ଡର କାଉନ୍ସିଲର ଓସିମ ଏଜଦାନୀ କାଦ୍ରୀ(ନୁରାନି) ନିର୍ଦ୍ୱନ୍ଦ୍ୱରେ ଉପାଧ୍ୟକ୍ଷ ଭାବେ ନିର୍ବାଚିତ ହୋଇଛନ୍ତି।
ପ୍ରକାଶ ଯେ, ଗତ ମାର୍ଚ୍ଚ ୨୪ରେ ମତଦାନ ସମୟରେ ହିଂସାକାଣ୍ଡ ଯୋଗୁ ଏନ୍ଏସି ନିର୍ବାଚନ ବାଧାପ୍ରାପ୍ତ ହୋଇଥିଲା। ପରେ ଏପ୍ରିଲ ୫ରେ ୬ଟି ବୁଥ୍ରେ ସାନି ମତଦାନ ହୋଇଥିଲା। ଏନ୍ଏସି ଅଧ୍ୟକ୍ଷ ପଦବୀ ବିଜେଡି ହାତକୁ ଯାଇଥିଲା। ସେହିପରି ୧୧ ଓ୍ବାର୍ଡ ମଧ୍ୟରୁ ୯ଟି ବିଜେଡି ଓ ୨ଟି ଭାଜପା ଦଖଲ କରିଥିଲା। ଉପାଧ୍ୟକ୍ଷ ଆସନ ମଧ୍ୟ ବିଜେଡି ହାତେଇ ନେଇଛି।
