ଛତ୍ରପୁର,୨୨।୨( ଦିଲ୍ଲୀପ ସାମଲ): ସାଇବର ଅପରାଧୀ ଉପରେ ଲଗାମ ଲଗାଇବା ପାଇଁ ଓଡ଼ିଶା ପୋଲିସ ପକ୍ଷରୁ ଆରମ୍ଭ ହୋଇଛି ଅପରେଶନ ସାଇବର କବଚ । ଏହି ଅବସରରେ ଗଞ୍ଜାମ ପୋଲିସ ଜିଲାକୁ ମିଳିଛି ବଡ ସଫଳତା । ଗୋଟିଏ ଦିନରେ ୮୬ଟି ବେନାମୀ ବ୍ୟାଙ୍କ ଆକାଉଣ୍ଟ ଣ୍ ଚିହ୍ନଟ ହୋଇଥିବା ବେଳେ ୧୧ଟି ମାମଲା ରୁଜୁ ହେବାସହ ୧୧ ଜଣକୁ ଆଇନଗତ ନୋଟିସ ଜାରି କରାଯିବା ସହ ୬ଜଣ ଗିରଫ ହୋଇଛନ୍ତି। ହିଞ୍ଜିଳି ଥାନା ପକ୍ଷରୁ ୪ ଜଣ ପିଣ୍ଟୁ ଦାସ, ବାୟା ଦାସ, ରାଜେଶ ପାତ୍ର ଓ ସରୋଜ ପାତ୍ର ସେହିପରି ବୁଗୁଡା ଥାନା ପକ୍ଷରୁ ୨ ଜଣ ଗିରଫ।ମନୋଜ ସ୍ବାଇଁ ଓ ଅଶ୍ୱିନୀ କୁମାର ରାଉତ ଉଭୟଙ୍କ ଘର ଆସିକା ଥାନା ଅଞ୍ଚଳରେ ବୋଲି ଜଣାପଡ଼ିଛି । ୩୨ ଲକ୍ଷ ୫୯ ହଜାର ୯୫୬ ଟଙ୍କା ସିଜ୍ କରାଯାଇଛି।
ଏହି ସବୁ ବେନାମୀ ବ୍ୟାଙ୍କ ଆକଉଂଟରେ ୮କୋଟି ୭୮ ଲକ୍ଷ ୭୩ ହଜାର ୮୧୪ ଟଙ୍କା କାରବାର ହୋଇଥିବା ଜଣାପଡିଛି । ଏନେଇ ସୂଚନା ଦେଇଛନ୍ତି ଗଞ୍ଜାମ ଏସ୍ପି ସୁଭେନ୍ଦୁ କୁମାର ପାତ୍ର । ଗିରଫ ବ୍ୟକ୍ତି ମାନଙ୍କ ଠାରୁ ଫୋନ ସମେତ ବିଭିନ୍ନ ବ୍ୟାଙ୍କର ପାସବୁକକୁ ଜବତ କରିଛି ପୋଲିସ । ଏବେବି ଏହାର ତଦନ୍ତ ଜାରି ରହିଛି । ଜିଲାରେ ବହୁ ମାତ୍ରରେ ବେନାମୀ ବ୍ୟାଙ୍କ ଆକାଉଣ୍ଟ ଣ୍ଖୋଲାଯାଇ ବେଆଇନ ଭାବେ ଟଙ୍କାକାରବାର କରାଯାଉଛି। ତେବେ ଏହି ଏହି ଚେର କେଉଁ କେଉଁ ଯାଏ ଲମ୍ବିଛି ଓ କେଉଁ ସାଇବର ଅପରାଧୀ ପାଇଁ ଏସବୁ ଆକାଉଣ୍ଟକୁ ବ୍ୟବହାର କରାଯାଇଛି ସେ ଦିଗରେ ପୋଲିସ ଅଧିକ ତଦନ୍ତ ଜାରି ରଖିଛି ।
ବିଶେଷକରି ସାଇବର ଅପରାଧୀମାନେ ଅନଲାଇନ ଠକେଇ, ନିବେଶ ଏବଂ ଟ୍ରେଡିଂ ଠକେଇ, ଡିଜିଟାଲ ଆରେଷ୍ଟ , ଲୋଭନୀୟ ଅଫର, ନକଲି ପରିଚୟ , ଏଟିଏମ ଠକେଇ କରି ବିଭିନ୍ନ ଉପାୟରେ ଲୋକଙ୍କୁ ଠକିଦେଇଥାନ୍ତି ସାଇବର ଅପରାଧି । ସାଇବର ଲୁଟେରା ମାନେ ପ୍ରଥମେ ଲୋଭ ଦେଖାଇ ଆଶା ବିଶ୍ୱାସ ଜମାଇ ସରଳ ଉପାୟରେ ଓଟିପି କିମ୍ବା ପାସୱାର୍ଡ ମାଗି ଆକାଉଣ୍ଟ ହ୍ୟାକ କରି ଟଙ୍କା ହଡପ କରିଦେଇଥାନ୍ତି । ତେଣୁ ଏହିସବୁକୁ ଦୁରେଇ ରହିବାକୁ ପୋଲିସ ପକ୍ଷରୁ ଜନସାଧାରଣମାନଙ୍କୁ ଅନୁରୋଧ କରାଯାଇଛି । ସାଇବର ଅପରାଧୀ ବର୍ତ୍ତମାନ ସମାଜ ପାଇଁ ଏକ ବଡ ଆହ୍ବାନ ସୃଷ୍ଟି କରିଛି । ଏହା କେବଳ ଜନସେଚତନା ହିଁ ରୋକିବାରେ ସଫଳ ହେବ । ଯଦି କୈାଣସି ଲୋକ ସାଇବର ଠକେଇର ଶିକାର ହୁଅନ୍ତି ତୁରନ୍ତ ହେଲ୍ପଲାଇନ ନଂ ୧୯୩୦କୁ ଅବଗତ କରାଇବାକୁ କୁହାଯାଇଛି ।
