ନାଉଗାଁ ,୧୯ା୫(ସ୍ବ,ପ୍ର): ବିଦ୍ୟୁତ୍ ସେବା ଯୋଗାଉଥିବା କମ୍ପାନୀ ଏହାର ସରଞ୍ଜାମଗୁଡ଼ିକର ରକ୍ଷଣାବେକ୍ଷଣ ପ୍ରତି ଧ୍ୟାନ ଦେଉ ନ ଥିବାରୁ ବହୁ ସମୟରେ ଧନଜୀବନ ହାନି ଘଟୁଛି। ନାଉଗାଁ ବ୍ଲକର ଅନେକ ସ୍ଥାନରେ ବିଦ୍ୟୁତ୍ ଟ୍ରାନ୍ସଫର୍ମର ରାସ୍ତା ପାର୍ଶ୍ୱରେ ମୁକୁଳା ରହିଛି।
ଏହାର ଉଦାହରଣ ତିରୁଣା-ଗଙ୍ଗଦାକୁ ସଂଯୋଗ କରୁଥିବା ପ୍ରଧାନମନ୍ତ୍ରୀ ଗ୍ରାମ ସଡ଼କର ପାଇକସାହି ପାର୍ଶ୍ୱରେ ଦେଖିବାକୁ ମିଳିଛି। ଏଠାରେ ଥିବା ବିଦ୍ୟୁତ୍ ଟ୍ରାନ୍ସଫର୍ମର ଚତୁଃପାର୍ଶ୍ୱରେ ତାର ବାଡ଼ ଲଗାଯାଇନାହିଁ। ଏହା ଜନବସତି ନିକଟରେ ଥିବାରୁ ବିପଦ ଆଶଙ୍କା ରହିଛି। ବହୁ ସମୟରେ ଏହି ରାସ୍ତା ଦେଇ ଶହ ଶହ ଲୋକଙ୍କ ସମେତ ଗୃହପାଳିତ ପ୍ରାଣୀ ଯାତାୟାତ କରନ୍ତି। ଏନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ଏଠାରେ ସରକାରୀ ନିୟମର ଉଲ୍ଲଂଘନ କରାଯାଉଥିବା ଅଭିଯୋଗ କରି ତୁରନ୍ତ ଟ୍ରାନ୍ସଫର୍ମରର ଚତୁଃପାର୍ଶ୍ୱକୁ ଆବଦ୍ଧ କରିବାକୁ ସ୍ଥାନୀୟ ବାସିନ୍ଦାଙ୍କ ପକ୍ଷରୁ ପ୍ରଶାସନ ନିକଟରେ ଦାବି ହୋଇଛି।
ଏ ସମ୍ପର୍କରେ ବିଦ୍ୟୁତ୍ ସେବା ପ୍ରଦାନ କରୁଥିତ୍ବା ଟାଟା ପାଓ୍ବାରର ଲିଡ୍ ମ୍ୟାନେଜର ଦୀପକ ଭୂଇଁ କହିଛନ୍ତି, ସେ ଏବିଷୟରେ ଅବଗତ ନ ଥିଲେ। ଖୁବ୍ଶୀଘ୍ର ଏହାକୁ ଆବଦ୍ଧ କରିବା ପାଇଁ ବ୍ୟବସ୍ଥା କରାଯିବ।
