ନୂଆଦିଲ୍ଲୀ,୪ ।୧: ପ୍ରାୟ ୪୦ ଦିନ ହେବ କେନ୍ଦ୍ରର ନୂଆ କୃଷି ଆଇନକୁ ବିରୋଧ କରି ଆନ୍ଦୋଳନ ଜାରି ରଖିଛନ୍ତି ବିଭିନ୍ନ ରାଜ୍ୟର କୃଷକ । ଶୀତ କାକର ସାଙ୍ଗକୁ ବର୍ଷାରେ ଭିଜି ଥିଲେ ମଧ୍ୟ ଏମାନେ ନିଜ ଜିଦ୍ର ଅଟଳ ରହିଛନ୍ତି । ଇତିମଧ୍ୟରେ ଭାରତ କୃଷକ ୟୁନିୟନ, ଗାଜିପୁର ସୀମାରେ ଏହାର ପ୍ରବକ୍ତା ରାକେଶ ତଇକତ କହିଛନ୍ତି, ଆନ୍ଦୋଳନ ହେବା ପରଠାରୁ ୬୦ ଜଣ କୃଷକଙ୍କ ମୃତ୍ୟୁ ହୋଇ ସାରିଲାଣି । ଏଥିପାଇଁ ସରକାର ଦାୟୀ ଓ ସରକାର ଏହାର ଉତ୍ତର ଦିଅନ୍ତୁ ବୋଲି ସେ ଦାବି କରିଛନ୍ତି । ଦେଶର ପ୍ରତି ୧୬ ଘଣ୍ଟାରେ ଜଣେ କୃଷକଙ୍କମୃୁ୍ୟ ହେଉଥିବା ମଧ୍ୟ େ କହିଛନ୍ତି । ଅନ୍ୟପଟେ ଦୀର୍ଘ ୪୦ ଦିନ ହେବ ଆନ୍ଦୋଳନରତ କୃଷକ ନେତାଙ୍କ ସହ ସୋମବାର କେନ୍ଦ୍ର ସରକାର କଥା ହେବେ ବୋଲି କହିଛନ୍ତି । ଏହା ଉଭୟଙ୍କ ମଧ୍ୟରେ ସପ୍ତମଥର କଥାବାର୍ତ୍ତା । ଏହା ପୂର୍ବରୁ କୃଷକ ନେତା ଓ କେନ୍ଦ୍ର ସରକାରଙ୍କ ମଧ୍ୟରେ କଥାବାର୍ତ୍ତା ହୋଇଥିଲେ ବି ଏହାର କୌଣସି ସମାଧାନ ହୋଇପାରି ନାହିଁ । ଗୋଟିଏ ପଟେ ନୂଆ କୃଷି ଆଇନକୁ ଫେରାଇ ନେବା ଜିଦ୍ରେ କୃଷକ ଅଡି ବସିଥିବା ବେଳେ ସରକାର କହୁଛନ୍ତି ଏହି ଆଇନ କୃଷକଙ୍କ ସପକ୍ଷରେ ଯାଉଛି ତେଣୁ ଏହାକୁ ଫେରାଇ ନେବା ଠିକ୍ ହେବ ନାହିଁ । କିନ୍ତୁ ଏଥିରେ କୃଷକମାନେ ଅରାଜି ହୋଇଛନ୍ତି । ଅନ୍ୟପଟେ କୃଷକମାନେ ସରକାରଙ୍କଠାରୁ ଲିଖିତ ପ୍ରତିଶ୍ରୁତି ମଧ୍ୟ ମାଗିଛନ୍ତି ।
