ନୂଆଦିଲ୍ଲୀ,୧୩।୬ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଘୋଷଣା କରିଛନ୍ତି ଚଳିତ ମାସର ‘ମନ କି ବାତ’ ରେଡିଓ କାର୍ଯ୍ୟକ୍ରମ ଜୁନ ୧୮ ରବିବାରରେ ପ୍ରସାରିତ ହେବ।
ସାଧାରଣତଃ ‘ମନ କି ବାତ’ କାର୍ଯ୍ୟକ୍ରମ ପ୍ରତ୍ୟେକ ମାସର ଶେଷ ରବିବାରରେ ଅନୁଷ୍ଠିତ ହୋଇଥାଏ। ମାତ୍ର ଚଳିତ ମାସରେ ପ୍ରଧାନମନ୍ତ୍ରୀ ଜୁନ ୨୧ ରୁ ୨୪ ପର୍ଯ୍ୟନ୍ତ ଆମେରିକା ଗସ୍ତରେ ଯିବେ। ତେଣୁ ମନ କି ବାତ୍ କାର୍ଯ୍ୟକ୍ରମ ଧାର୍ଯ୍ୟ ଦିନ ପୂର୍ବରୁ ପ୍ରସାରିତ ହେବ।
ନ୍ୟୁୟର୍କରେ ମିଳିତ ଜାତିସଂଘର ଜୁନ ୨୧ ରେ ଅନ୍ତର୍ଜାତୀୟ ଯୋଗ ଦିବସ ପାଳନ ପାଇଁ ପ୍ରଧାନମନ୍ତ୍ରୀ ନେତୃତ୍ୱ ନେବାର ସମ୍ଭାବନା ରହିଛି। ଯାହା ଅନ୍ତର୍ଜାତୀୟ କମିଟିର ବହୁ ବ୍ୟକ୍ତି ବିଶେଷ ଅଂଶଗ୍ରହଣ କରିବେ ବୋଲି ଆଶା କରାଯାଉଛି। ମୋଦି ତାଙ୍କ ଗସ୍ତ ସମୟରେ ବରିଷ୍ଠ ବ୍ୟବସାୟିକ ନେତାମାନଙ୍କୁ ମଧ୍ୟ ଭେଟିବେ ଏବଂ ଆମେରିକାର ରାଜନୈତିକ କ୍ଷେତ୍ରର ନେତାଙ୍କ ସହ ଆଳୋଚନା କରିବେ।
ପ୍ରଧାନମନ୍ତ୍ରୀ ତାଙ୍କ ରାଜ୍ୟ ଗସ୍ତ ସମୟରେ ଆମେରିକା କଂଗ୍ରେସର ମିଳିତ ଅଧିବେଶନକୁ ମଧ୍ୟ ସମ୍ବୋଧିତ କରିବେ। କିଛି ଦିନ ପୂର୍ବରୁ ମୋଦୀ ମିଳିତ ଅଧିବେଶନକୁ ସମ୍ବୋଧିତ କରିବା ପାଇଁ କଂଗ୍ରେସ ନେତାଙ୍କ ନିମନ୍ତ୍ରଣ ଗ୍ରହଣ କରିଥିଲେ।
