ଭୁବନେଶ୍ୱର,୭ା୧: ରାଜ୍ୟର ପ୍ରମୁଖ ମନୋରଞ୍ଜନଭିତ୍ତିକ ଘରୋଇ ଓଡ଼ିଆ ଚ୍ୟାନେଲ ଜୀ ସାର୍ଥକର ନୂଆ ସିନେମା ‘ଉଡ଼ନ୍ତା ଥାଳିରେ ଆସିଛି ପ୍ରିୟା’ର ରିଲିଜ ପୂର୍ବରୁ ଉକ୍ତ ଚଳଚ୍ଚିତ୍ରର ପୋଷ୍ଟର କରାଯାଇଛି। ଏପରିକି ଜାନୁୟାରୀ ୮ ସା ୬ଟା ୩୦ମିନିଟରେ ଉକ୍ତ ଚଳଚ୍ଚିତ୍ରର ପ୍ରିମିୟର ଜୀ-ସାର୍ଥକରେ ହେବାକୁ ଯାଉଛି। ବିଶେଷକରି ପୃଥିବୀ ବାହାରେ ଅନ୍ୟ କେଉଁ ଗ୍ରହରେ ଜୀବନ ଅଛି, ଅନ୍ୟ ଗ୍ରହରୁ ଏଲିଏନ୍ କ’ଣ ପୃଥିବୀକୁ ଆସନ୍ତି। ଉଡ଼ନ୍ତା ଥାଳିଆ ପରି କିଛି ଯାନ ଅଛି କି, ଏପରି ଅନେକ ପ୍ରଶ୍ନ ଆମ ମନରେ ଉଙ୍କି ମାରୁଥିବା ବେଳେ ଏପରି ଏକ ବିଜ୍ଞାନଭିତ୍ତିକ କାହାଣୀ ଉପରେ ଆଧାରିତ ଏକ ନୂଆ ଚଳଚ୍ଚିତ୍ର ‘ଉଡ଼ନ୍ତା ଥାଳିରେ ଆସିଛି ପ୍ରିୟା’ର ପ୍ରସାରଣ ଜୀ-ସାର୍ଥକରେ ହେବ। ଉକ୍ତ ଚଳଚ୍ଚିତ୍ରରେ ଗୋଟିଏ ଆକାଶ ଯାନ ପୃଥିବୀ ମୁହଁା ହେଉଥିବା ବେଳେ ଦୁର୍ଘଟଣାର ଶିକାର ହୋଇଛି। ଏପରିକି ଉକ୍ତ ଦୁର୍ଘଟଣାରେ ଗୋଟିଏ ଏଲିଏନ୍ ସୌଭାଗ୍ୟବଶତଃ ବଞ୍ଚତ୍ୟାଇଛି ଏବଂ ଘଟଣାକ୍ରମେ ସେ ଏକ ଝିଅର ରୂପ ନେଇ ପୃଥିବୀରେ ରହୁଛୁ। ପୃଥିବୀରେ ରହିବା ସମୟରେ ସେ ଅନେକ କିଛି ଘଟଣାର ସମ୍ମୁଖୀନ ହେବା ସହ ତା’ ଜୀବନରେ ଅନେକ କିଛି ଘଟଣା ମଧ୍ୟ ଘଟୁଛି, ଯାହାକୁ ନେଇ ଚଳଚ୍ଚିତ୍ରର କାହାଣୀ ଅଗ୍ରସର ହେଉଛି। ଅପରପକ୍ଷରେ କାତ୍ୟାୟନୀ ଶୁକ୍ଳାଙ୍କ ପରିକଳ୍ପନା ତଥା ସଞ୍ଜୟ ନାୟକଙ୍କ ରଚନା ଓ ନିର୍ଦ୍ଦେଶନାରେ ନିର୍ମିତ ଉକ୍ତ ଚଳଚ୍ଚିତ୍ରରେ ଅଭିଜିତ ଦାସ ମୁଖ୍ୟ ଚରିତ୍ର ବାଦଲ ଭୂମିକାରେ ଅଭିନୟ କରିଥିବା ବେଳେ ମୁଖ୍ୟ ଚରିତ୍ର ପରି ଓ ଏଲିଏନ୍ ଭୂମିକାରେ କୁକିଜ୍ ସ୍ବାଇଁ ଅଭିନୟ କରିଥିବା ଜଣାପଡ଼ିଛି। ଉକ୍ତ ଚଳଚ୍ଚିତ୍ରର ଗୀତଗୁଡ଼ିକୁ ବିଶିଷ୍ଟ ସଙ୍ଗୀତ ନିର୍ଦ୍ଦେଶକ ବୈଦ୍ୟନାଥ ଦାଶ ସଙ୍ଗୀତରେ ସଜେଇଥିବାବେଳେ ଡ. ଶୁଭ ଦାସ, ଅରୁଣ ମନ୍ତ୍ରୀ, ନିହାର ପ୍ରିୟଦର୍ଶୀ ଗୀତ ରଚନା କରିଛନ୍ତି। ସେହିଭଳି ହ୍ୟୁମାନ ସାଗର, ଦେବାନ୍ସି ଓ ଅନ୍ତରା ଚକ୍ରବର୍ତ୍ତୀ ଉକ୍ତ ସିନେମାରେ କଣ୍ଠଦାନ କରିଛନ୍ତି। ଉକ୍ତ ଚଳଚ୍ଚିତ୍ରର ନିର୍ମାଣରେ ଭଗତ ସିଂହ କ୍ୟାମେରାରେ ସହାୟତା କରିଥିବା ବେଳେ ରଞ୍ଜନ ଖଟେଇ ସମ୍ପାଦନା କରିଛନ୍ତି। ବିଜ୍ଞାନର କୌତୂହଳତା ଓ ଭରପୂର ମନୋରଞ୍ଜନର ସମ୍ମିଶ୍ରଣରେ ଉକ୍ତ ଚଳଚ୍ଚିତ୍ରଟି ଦର୍ଶକଙ୍କୁ ବାନ୍ଧି ରଖିବ ବୋଲି ଜ଼ୀ ସାର୍ଥକ ଚ୍ୟାନେଲ ହେଡ୍ ପ୍ରତୀକ ସିଲ୍ ମତପ୍ରକାଶ କରିଛନ୍ତି।
