ଲକ୍ଷ୍ନୌ,୮ ।୧୧: ପାଖେଇ ଆସୁଛି ଉତ୍ତର ପ୍ରଦେଶ ବିଧାନସଭା ନିର୍ବାଚନ । ସୋମବାର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କୈରାନା ପହଞ୍ଚିଛନ୍ତି । ସେଠାରେ ସେ କହିଛନ୍ତି ଏହା ପୂର୍ବର ସରକାରଙ୍କର ରାଜନୈତିକ ଅପରାଧିକରଣର ଶିକାର ହୋଇଥିଲେ ଲୋକେ । ହେଲେ ଏବେ ଲୋକେ ଭୟ ନ କରି ନିଜ ପୂର୍ବଜଙ୍କ ଜମି ଉପରେ ରହୁଛନ୍ତି । ଯୋଗୀ କହିଛନ୍ତି ମୁଜଫରନଗର ଦଙ୍ଗା ହେଉ ଅବା କୈରିନା ଚାଲିଯିବା ଘଟଣା ଏହା ତାଙ୍କ ନିର୍ବାଚନର ଅସ୍ତ୍ର ହେବ ନାହିଁ । ଲୋକଙ୍କ ସୁରକ୍ଷା ତାଙ୍କ ସରକାରର ପ୍ରାଥମିକତା ବୋଲି ଯୋଗୀ କହିଛନ୍ତି । ସେ ଆହୁରି ମଧ୍ୟ କହିଛନ୍ତି, ଆଜି ଉତ୍ତର ପ୍ରଦେଶରେ ଯଦି କେହି ମାଫିଆ ବା ଗୁଣ୍ଡା କୌଣସି ବ୍ୟବସାୟୀଙ୍କ ଉପରକୁ ଗୁଳି ଚଳାଉଛନ୍ତି ତେବେ ଏହି ଗୁଳି ବ୍ୟବସାୟୀଙ୍କୁ ଲାଗୁ ବା ନ ଲାଗୁ ହେଲେ ଗୁଳିଟି ଚଳାଇବା ଲୋକର ଛାତିରେ ନିଶ୍ଚୟ ବାଜିବ । କେତେଜଣ ଲୋକ ଭୋଟରଙ୍କୁ ପ୍ରୋତ୍ସାହିତ କରିଥିବା ବେଳେ, ସେ କହିଛନ୍ତି ପୂର୍ବରୁ ଯେଉଁ ଲୋକେ ମନ୍ଦିର ଯିବାକୁ ସଙ୍କୋଚ ପ୍ରକାଶ କରୁଥିଲେ ସେମାନେ ଆଜି ଏତେବଡ ଟିକା ଲାଗଉଛନ୍ତି ଯେମିତିକି ସେମାନେ ସବୁଠାରୁ ବଡ ହିନ୍ଦୁ । ଏମାନେ ଏମିତି ଏଥିପାଇଁ କରୁଛନ୍ତି କାରଣ ସେମାନେ ଏବେ ମୁକ୍ତ ।
