ଖୋର୍ଦ୍ଧା ଅଫିସ,୩୦ା୧: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଜିଲା ପ୍ରଶାସନ ପକ୍ଷରୁ ପ୍ରକ୍ରିୟା ଜାରି ରହିଛି। ଜିଲାରେ ୫ଟି ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହେବ। ପ୍ରଥମ ପର୍ଯ୍ୟାୟ ଫେବୃୟାରୀ ୧୬ରେ ଟାଙ୍ଗୀ ଏବଂ ବୋଲଗଡ଼ ବ୍ଲକରେ ମତଦାନ କରାଯିବ। ୧୮ରେ ବାଣପୁର ଓ ବେଗୁନିଆ ବ୍ଲକ, ୨୦ରେ ଖୋର୍ଦ୍ଧା ବ୍ଲକରେ ଅନୁଷ୍ଠିତ ହେବ। ଚତୁର୍ଥ ପର୍ଯ୍ୟାୟ ୨୨ରେ ବାଲିପାଟଣା ଓ ଭୁବନେଶ୍ୱର ବ୍ଲକ ଏବଂ ପଞ୍ଚମ ପର୍ଯ୍ୟାୟ ବାଲିଅନ୍ତା ଏବଂ ଜଟଣୀ ବ୍ଲକରେ ମତଦାନ ଅନୁଷ୍ଠିତ ହେବ। ଜିଲାର ୩୦ ଜିଲା ପରିଷଦ, ୧୯୦ ସରପଞ୍ଚ ଓ ସମିତି ସଭ୍ୟ ଏବଂ ୨୭୧୨ ଓ୍ବାର୍ଡମେମ୍ବର ପ୍ରାର୍ଥୀଙ୍କ ପାଇଁ ମତଦାନ ହେବ। ନାମାଙ୍କନ ପ୍ରତ୍ୟାହାର ପରେ ଜିଲା ପରିଷଦରେ ୧୨୯, ସରପଞ୍ଚରେ ୭୮୮, ସମିତି ସଭ୍ୟରେ ୬୭୪ ଏବଂ ଓ୍ବାର୍ଡମେମ୍ବରରେ ୫୦୯୧ଜଣ ପ୍ରାର୍ଥୀ ରହିଛନ୍ତି। ୨୦୧୭ ପଞ୍ଚାୟତ ନିର୍ବାଚନରେ ୯,୬୧,୪୬୦ ଭୋଟର ମତଦାନ ସାବ୍ୟସ୍ତ କରିଥିଲେ। ତେବେ ୨୦୨୨ରେ ୧୦,୩୦,୬୦୯ଜଣ ଭୋଟର ରହିଛନ୍ତି। ସେଥିରୁ ନୂତନ ଭୋଟର ୬୯,୧୪୯ ରହିଛନ୍ତି। ଖୋର୍ଦ୍ଧା ବ୍ଲକରେ ୧,୧୧,୮୫୦ଜଣ ଭୋଟର ରହିଥିବା ବେଳେ ବେଗୁନିଆ ବ୍ଲକରେ ୧୦୯୫୬୧, ବୋଲଗଡ଼ ବ୍ଲକରେ ୧୦୮୨୧୮, ଟାଙ୍ଗୀ ବ୍ଲକରେ ୧୩୨୨୬୯, ଚିଲିକା ବ୍ଲକରେ ୯୬୨୨୯, ବାଣପୁର ବ୍ଲକରେ ୧୦୩୮୧୩, ଜଟଣୀ ବ୍ଲକରେ ୮୩୩୧୭, ଭୁବନେଶ୍ୱର ବ୍ଳକରେ ୧୦୧୦୪୯, ବାଲିଅନ୍ତା ବ୍ଲକରେ ୮୮୦୨୮ ଏବଂ ବାଲିପାଟଣା ବ୍ଲକରେ ୯୬୨୭୫ ଜଣ ଭୋଟର ରହିଛନ୍ତି। ଖୋର୍ଦ୍ଧା ଜିଲାରେ ୨୭୧୧ ପୋଲିଂ ବୁଥ୍ ରହିଛି। ସେଥିରୁ ଅତି ସମ୍ବେଦନଶୀଳ ବୁଥ୍ ୫୦୦, ସମ୍ବେଦନଶୀଳ ବୁଥ୍ ୧୨୬୩ ଏବଂ ସାଧାରଣ ବୁଥ୍ ୯୪୮ ରହିଛି।
