Posted inଖେଳ

ଓସିଏ ଆନ୍ତଃ ଜିଲା ସିନିୟର ଟି୨୦ ଲିଗ୍‌

ଭୁବନେଶ୍ୱର, ୧୯।୧୨(କ୍ରୀଡ଼ା ପ୍ରତିନିଧି)-
ଓଡ଼ିଶା କ୍ରିକେଟ ଆସୋସିଏଶନ (ଓସିଏ) ଆନୁକୂଲ୍ୟରେ ଭୁବନେଶ୍ୱର ଓ କଟକର ୯ଟି ଭେନ୍ୟୁରେ ଚାଲିଥିବା ଆନ୍ତଃ ଜିଲା ସିନିୟର ପୁରୁଷ ଟି୨୦ କ୍ରିକେଟ ଲିଗ୍‌ରେ ଶୁକ୍ରବାର ରାଉରକେଲା, କଟକ-ଏ, କେନ୍ଦୁଝର, ଭଦ୍ରକ, ବାଲେଶ୍ୱର, ଜଗତ୍‌ସିଂହପୁର, ଭୁବନେଶ୍ୱର-ବି, ଭୁବନେଶ୍ୱର-ଏ, ପୁରୀ, ବରଗଡ଼, ସୁନ୍ଦରଗଡ଼, ନୂଆପଡ଼ା, ଇକୋର୍ସା, କଟକ-ବି, ଖୋର୍ଦ୍ଧା, ଅନୁଗୋଳ, କୋରାପୁଟ ଓ ନବରଙ୍ଗପୁର ଦଳ ବିଜୟ ହାସଲ କରିଛନ୍ତି। ପ୍ରଦର୍ଶନ ଭିତ୍ତିରେ ଭୁବନେଶ୍ୱର ‘ଏ’, ‘ବି’, କଟକ ‘ଏ’, ବାଲେଶ୍ୱର ଓ ଇକୋର୍ସା ସୁପରଲିଗ୍‌ରେ ପ୍ରବେଶ କରିଛନ୍ତି।
ବାରବାଟୀ ଷ୍ଟାଡିୟମରେ କଟକ-ଏ ୧୫୨ ରନରେ ମାଲକାନଗିରିକୁ ପରାସ୍ତ କରିଛି। ବିଜୟୀ ଦଳର ଅରବିନ୍ଦ ସିଂ ସର୍ବାଧିକ ୮୭ ରନ ସ୍କୋର କରିଥିଲେ। ରାଉରକେଲା ୪୬ ରନରେ ଗଜପତିକୁ ହରାଇଛି। ଗଜପତିର ଗଣେଶ ଗୌଡ଼ା ୭୨ ରନ କରିଥିଲେ। ଡ୍ରିମ୍ସରେ ଅନୁଷ୍ଠିତ ମ୍ୟାଚରେ କେନ୍ଦୁଝର ୬ ଉଇକେଟରେ ନୟାଗଡ଼କୁ ହରାଇ ଦେଇଛି। କେନ୍ଦୁଝରର ଶୁଭ୍ରାଂଶୁ ସେନାପତି ସର୍ବାଧିକ ୫୬* ରନ କରିଥିଲେ। ଭଦ୍ରକ ୩୭ ରନରେ ଯାଜପୁରକୁ ପରାସ୍ତ କରିଛି। ବିଜୟୀ ଦଳର ଜ୍ୟୋତିରଞ୍ଜନ ୫୫ ଏବଂ ଯାଜପୁରର ଅମିନ ଖାଁ ୭୬ ରନ ସ୍କୋର କରିଥିଲେ। ନିମପୁର ଗ୍ରାଉଣ୍ଡରେ ଜଗତ୍‌ସିଂହପୁର ୭ ଉଇକେଟରେ ସୋନପୁରକୁ ହରାଇଛି। ବିଜୟୀ ଦଳ ପକ୍ଷରୁ ଶାମସୁଲ ଖାଁ ୬୧ ଓ ପବିତ୍ର ପ୍ରଧାନ ୫୦* ରନ କରିଥିଲେ। ବାଲେଶ୍ୱର ୭୨ ରନରେ ମୟୂରଭଞ୍ଜକୁ ପରାସ୍ତ କରିଛି। ବାଲେଶ୍ୱରର ସର୍ବେଶ୍ୱର ମହାନ୍ତି ଶତକ (୧୦୦ ରନ) ହାସଲ କରିଛନ୍ତି। କିଟ୍‌ରେ ଅନୁଷ୍ଠିତ ମ୍ୟାଚରେ ଭୁବନେଶ୍ୱର-ଏ ୧୦ ଉଇକେଟରେ ବୌଦ୍ଧକୁ ହରାଇଛି। ବିଜୟୀ ଦଳର ଦୀପକ ମାଝି ୬୧* ଓ ଦେବାଶିଷ ସାମନ୍ତରାୟ ୫୦* ରନ ସ୍କୋର କରିଥିଲେ। ପ୍ରତୀକ ଦାସଙ୍କ ଦ୍ରୁତ ୧୬୨* ରନ ସହାୟତାରେ ଭୁବନେଶ୍ୱର-ବି ୧୪୬ ରନରେ କନ୍ଧମାଳକୁ ପରାସ୍ତ କରିଛି। ବିକାଶ ଗ୍ରାଉଣ୍ଡରେ ପୁରୀ ୧୪ ରନରେ କିଟ୍‌କୁ ହରାଇ ଦେଇଛି। ପୁରୀର ସୁମନ ମହାପାତ୍ର ୯୩ ଓ ଦିବ୍ୟଜ୍ୟୋତି ରଥ ୫୭ ରନ କରିଥିଲେ। ବରଗଡ଼ ୩ ଉଇକେଟରେ ଝାରସୁଗୁଡ଼ାକୁ ପରାସ୍ତ କରିଛି।
ଭୁବନେଶ୍ୱର ଟାଉନ୍‌ କ୍ଲବ ପଡ଼ିଆରେ ଅନୁଷ୍ଠିତ ମ୍ୟାଚରେ ସୁନ୍ଦରଗଡ଼ ୪୨ ରନରେ ସମ୍ବଲପୁରକୁ ହରାଇଛି। ବିଜୟୀ ଦଳର ଓ୍ବାଲ୍ଟର ଟପ୍ପୋ ୫୫ ରନ କରିଥିଲେ। ପ୍ରୟାସ ସିଂଙ୍କ ୧୩୪* ରନ ବଳରେ ନୂଆପଡ଼ା ୬୩ ରନରେ ବଲାଙ୍ଗୀରକୁ ପରାସ୍ତ କରିଛି। ବିଡ଼ାନାସୀ ଗ୍ରାଉଣ୍ଡରେ ଇକୋର୍ସା ୯ ଉଇକେଟରେ କଳାହାଣ୍ଡିକୁ ହରାଇ ଦେଇଛି। ବିଜୟୀ ଦଳର ସୁଜିତ ଲେଙ୍କା ୬୯ ରନରେ ଅପରାଜିତ ରହିଥିଲେ। କଟକ-ବି ୯ ଉଇକେଟରେ ଦେବଗଡ଼କୁ ହରାଇଛି। ବିଜୟୀ ଦଳର ଅଭିଷେକ ଗିରି ମାତ୍ର ୩ ରନ ଦେଇ ୫ ଉଇକେଟ ସଫଳତା ପାଇଥିଲେ। ରେଭେନ୍ସା ଗ୍ରାଉଣ୍ଡ ମ୍ୟାଚରେ ଖୋର୍ଦ୍ଧା ୨୩ ରନରେ ଗଞ୍ଜାମକୁ ପରାସ୍ତ କରିଛି। ଖୋର୍ଦ୍ଧାର ଜ୍ୟୋତି ବେହେରା ୫୫ ରନ କରିଥିଲେ। ଅନୁଗୋଳ ୯ ଉଇକେଟରେ ପାରାଦୀକୁ ହରାଇ ଦେଇଛି। ସେଞ୍ଚୁରିଅନ ପଡ଼ିଆରେ ଅନୁଷ୍ଠିତ ମ୍ୟାଚରେ କୋରାପୁଟ ୪୦ ରନରେ ରାୟଗଡ଼ାକୁ ହରାଇଛି। ବିଜୟୀ ଦଳର ଆଦିତ୍ୟ ରାଉତ ସର୍ବାଧିକ ୬୮ ରନ କରିଥିଲେ। ଅନ୍ୟଏକ ମ୍ୟାଚରେ ନବରଙ୍ଗପୁର ୫ ଉଇକେଟରେ ଢେଙ୍କାନାଳକୁ ପରାସ୍ତ କରିଛି। ବିଜୟୀ ଦଳର ଶେଖ୍‌ ରିଆଜ ୬୦ ରନରେ ଅପରାଜିତ ରହିଥିଲେ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

କରୋନା ଭାଇରସ ପ୍ରଭାବ: ଭାରତୀୟ ମହିଳା ହକି ଦଳର ଚାଇନା ଗସ୍ତ ବାତିଲ

ନୂଆଦିଲ୍ଲୀ,୭।୨(ପି.ଟି.)- କରୋନା ଭାଇରସ ଯୋଗୁ ଭାରତୀୟ ମହିଳା ହକି ଦଳର ଚାଇନା ଗସ୍ତ ବାତିଲ କରାଯାଇଛି। ଏଥିଯୋଗୁ ହକି ଇଣ୍ଡିଆ (ଏଚ୍‌ଆଇ) ସମସ୍ୟାରେ ଘେରି ହୋଇଯାଇଛି।...

କୃଷ୍ଣକାୟ ଖେଳାଳିଙ୍କ ପାଇଁ ବାଟ ବନ୍ଦ କରି ଦେଇଥିଲେ ଗ୍ରେମ ସ୍ମିଥ

ଜୋହାନ୍ସବର୍ଗ, ୨୦।୫ : ପୂର୍ବତନ ଅଧିନାୟକ ତଥା ବର୍ତ୍ତମାନ ଦକ୍ଷିଣ ଆଫ୍ରିକା ବୋର୍ଡର ଡିରେକ୍ଟର ଗ୍ରେମ ସ୍ମିଥଙ୍କ ନାମରେ ସାଂଘାତିକ ଅଭିଯୋଗ ଆଣିଛନ୍ତି ପୂର୍ବତନ ସାଥି...

ଅଲିମ୍ପିକ୍ସରେ କ୍ରୀଡ଼ାବିତ୍‌ଙ୍କ ବିରଳ ମହାନୁଭବତା

କ୍ରୀଡ଼ାରେ ଖେଳୁଆଡ଼ ମନୋଭାବ ପ୍ରଦର୍ଶନ କରିବା କିଛି ନୂଆ କଥା ନୁହେଁ। କିନ୍ତୁ ଅଲିମ୍ପିକ୍‌ ଇତିହାସରେ କେତେଜଣ ମହାନ୍‌ କ୍ରୀଡ଼ାବିତ୍‌ ଅଭୂତପୂର୍ବ ଖେଳୁଆଡ଼ ମନୋଭାବ, ପରସ୍ପର...

ଏଭଳି ଥିଲା ଭୁବନେଶ୍ୱରଙ୍କ ଲଭ୍‌ଷ୍ଟୋରୀ: ଘରଲୋକଙ୍କ ପୂର୍ବରୁ ଇଣ୍ଟରଭ୍ୟୁ ନେଇଥିଲେ ପ୍ରେମିକା; ଚିଠି ପଠାଇବା ପାଇଁ..

ନୂଆଦିଲ୍ଲୀ,୧୮।୯: ଭାରତୀୟ ଟିମ୍‌ର ଦ୍ରୁତ ବୋଲର ଭୁବନେଶ୍ୱର କୁମାର ୨୧ ଟେଷ୍ଟରେ ୬୩ ଓ୍ବିକେଟ୍‌ ନେଇଛନ୍ତି। ଏହାଛଡ଼ା ୧୧୪ ଏକଦୀବସୀୟ ମ୍ୟାଚ୍‌ରେ ୧୩୨ ଏବଂ ୪୩...

ଏକାସଙ୍ଗେ ଖେଳିପାରନ୍ତି ମେସି, ରୋନାଲ୍ଡୋ

ବାର୍ସିଲୋନା,୬।୨- ବର୍ତ୍ତମାନ ଫୁଟବଲ କ୍ରୀଡ଼ାର ଦୁଇ ବଡ଼ ନାମ କ୍ରିଷ୍ଟିଆନୋ ରୋନାଲ୍ଡୋ ଓ ଲିଓନେଲ ମେସି। ଦୁହିଁଙ୍କ ପ୍ରଶଂସକଙ୍କ ସଂଖ୍ୟା ଖୁବ୍‌ ଅଧିକ। ବହୁବାର ଦୁଇ...

ଘରକୁ ଫେରିଲେ ବିରାଟ କୋହଲି: ଏବେ ସ୍ତ୍ରୀଙ୍କ ସହ ମିଶି କରିବେ ଏହି କାମ

ଆଇପିଏଲ ୨୦୨୧ର ୧୪ତମ ସିଜନକୁ ଅର୍ନିଦ୍ଦିଷ୍ଟ କାଳ ପାଇଁ ସ୍ଥଗିତ ରଖାଯାଇଛି। ଆଇପିଏଲର ସ୍ଥଗିତାଦେଶ ପରେ ଖେଳାଳିମାନେ ନିଜ ନିଜ ଘରକୁ ଫେରୁଛନ୍ତି। ଏହି କ୍ରମରେ...

ହାଲେପ୍‌ ଇଟାଲିଆନ ଓପନ୍‌ ସେମିଫାଇନାଲରେ

ରୋମ୍‌, ୨୦ା୯ (ଏପି)-ପିଠିର ନିମ୍ନ ଭାଗରେ ଯନ୍ତ୍ରଣା ଯୋଗୁ କାଜାଖସ୍ତାନର ୟୁଲିଆ ପୁଟିଣ୍ଟସେଭା ମ୍ୟାଚ୍‌ ଅଧାରୁ ଓହରିଯିବା ଫଳରେ ଟପ୍‌ ସିଡ୍‌ ସିମୋନା ହାଲେପ୍‌ ପ୍ରଥମ...

ସ୍କଟ୍‌ଲାଣ୍ଡର ରେକର୍ଡ ଟି୨୦ ବିଜୟ

ଲଣ୍ଡନ, ୧୭।୯ (ଏଏଫ୍‌ପି)- ଏଠାରେ ଚାଲିଥିବା ତ୍ରି-ରାଷ୍ଟ୍ରୀୟ ଟି୨୦ ସିରିଜର ଏକ ମ୍ୟାଚ୍‌ରେ ସ୍କଟ୍‌ଲାଣ୍ଡ୍‌ ୫୮ ରନରେ ନେଦରଲାଣ୍ଡ୍ସକୁ ପରାସ୍ତ କରିଛି। ଏହି ମ୍ୟାଚ୍‌ରେ ସ୍କଟ୍‌ଲାଣ୍ଡ...

Ten Cric Info
Advertisement


Archives

Model This Week

Why Dharitri