ନଳକୂଅ ଧରାଇ ନୀରବ

ବଇଣ୍ଡା,୧୦ା୬:  ବସୁଧା ଯୋଜନାରେ ପ୍ରଚୁର ଅର୍ଥ ବ୍ୟୟ ହେଉଛି। ଏକାଧିକ ପାଣି ଟାଙ୍କି ଗ୍ରାମାଞ୍ଚଳ ଆକାଶ ଛୁଉଁଛି। ଘର ଟ୍ୟାପ୍‌ ଖୋଲିଲେ ଲୋକଙ୍କୁ ବିଶୁଦ୍ଧ ପାଇପ୍‌ ପାଣି ମିଳିପାରୁଛି। ହେଲେ ଅନୁଗୋଳ ଜିଲା କିଶୋରନଗର ବ୍ଲକର ୧୬ ଗ୍ରାମବାସୀ ଏଥିରୁ ବଞ୍ଚିତ। ଏଠାରେ କୌଣସି ପ୍ରକଳ୍ପ ହୋଇନି କି ସରକାରଙ୍କ ସ୍ବଚ୍ଛ ପାଣିର ସ୍ବାଦ ଚାଖିବାକୁ ମିଳିନି। ଜଙ୍ଗଲ ଅଧ୍ୟୁଷିତ ଗଁା ହୋଇଥିବାରୁ ଦୀର୍ଘବର୍ଷ ହେଲା ଲୋକଙ୍କୁ ନଳକୂଅ ଧରାଇ ସରକାର ନୀରବ ହୋଇଯାଇଛନ୍ତି। ଫଳରେ ପର୍ଯ୍ୟାପ୍ତ ପାଣି ପାଉ ନ ଥିବା ଏଠାକାର ଗ୍ରାମବାସୀଙ୍କୁ ବର୍ଷର ଅନେକ ସମୟରେ ପାହାଡ଼ି ନାଳର ଦୂଷିତ ଜଳ ଉପରେ ନିର୍ଭର କରିବାକୁ ପଡ଼ୁଛି।
କିଶୋରନଗର ବ୍ଲକର ହଣ୍ଡପା ଓ କଣ୍ଟେଇକୋଳିଆ ପଞ୍ଚାୟତରେ ରହିଛି ଏହି ୧୬ଟି ଗ୍ରାମ। ହଣ୍ଡପା ପଞ୍ଚାୟତର ପ୍ରତାପପୁରରେ ୬୦ ପରିବାର ରୁହନ୍ତି। ଏଠାକାର ଲୋକଙ୍କ ପାଇଁ ମାତ୍ର ଗୋଟିଏ ନଳକୂଅ ବ୍ୟବସ୍ଥା ହୋଇଥିବାରୁ ପାଣି ନିଅଣ୍ଟ ପଡ଼ୁଛି। ସେହିପରି ନୂଆଁ ବାଲିଖମଣରେ ୪୦ ପରିବାର ପାଇଁ ଗୋଟିଏ, ବାଲିଖମଣରେ ୩୫ ପରିବାର ପାଇଁ ଗୋଟିଏ, ଖୋଲାରେଗେଡ଼ାରେ ୭୦ ପରିବାର ନିମନ୍ତେ ୩ଟି, ନୂଆଁ ଖୋଲାରେଗେଡ଼ାରେ ୪୦ ପରିବାର ପାଇଁ ୨, ବଣିନାଳୀ ଗ୍ରାମର ୧୬୫ ପରିବାର ନିମନ୍ତେ ୪, ଅର୍ଜୁନଧରା ଗ୍ରାମର ୧୨୦ ପରିବାର ନିମନ୍ତେ ୪ ଓ ଗୁଣ୍ଡୁରୀମୁଣ୍ଡା ଗ୍ରାମରେ ବସବାସ କରୁଥିବା ୬୪ ପରିବାର ସଦସ୍ୟଙ୍କ ପାଇଁ ୩ଟି ନଳକୂଅ ରହିଛି। କେତୋଟି ଅଚଳ ଥିବାବେଳେ ବହୁ ନଳକୂଅରୁ ଲୌହଗୁଣ୍ଡଯୁକ୍ତ ପାଣି ବାହାରୁଥିବାରୁ ତାହା ପାନୀୟଯୋଗ୍ୟ ହୋଇପାରୁ ନାହିଁ। ସେହିପରି କଣ୍ଟେଇକୋଳିଆ ପଞ୍ଚାୟତର ଇଛାପୁର ଗ୍ରାମରେ ୪୦୦ ପରିବାରଙ୍କ ଆବଶ୍ୟକତା ମେଣ୍ଟାଇବାକୁ ୫ଟି ନଳକୂଅ ଖନନ କରାଯାଇଛି। ଅଁଳାବେରେଣି ଗ୍ରାମରେ ୧୧୦ ପରିବାର ପାଇଁ ୩ ନଳକୂଅ, ହିଞ୍ଜିରିଡା ଗ୍ରାମର ୭୫ ପରିବାର ନିମନ୍ତେ ୩, ଚାରିଖମଣ ଗ୍ରାମର ୫୦ ପରିବାର ପାଇଁ ୨, ଲକ୍ଷ୍ମୀପ୍ରିୟାପୁର ଗ୍ରାମର ୫୦ ପରିବାର ନିମନ୍ତେ ୨, ଗୁଣ୍ଡୁରୀଝରଣ ଗ୍ରାମର ୬୦ ପରିବାର ପାଇଁ ୩, ରାଜନପାଳ ଗ୍ରାମର ୫୦ ପରିବାର ନିମନ୍ତେ ୨ ଓ ବାଲିଆମ୍ବ ଗ୍ରାମର ୩୫ ପରିବାର ସଦସ୍ୟଙ୍କ ନିମନ୍ତେ ୨ଟି ନଳକୂଅ ବ୍ୟବସ୍ଥା କରାଯାଇଛି। ଅନେକ ଗ୍ରାମର ଲୋକସଂଖ୍ୟା ଅନୁଯାୟୀ ନଳକୂଅ ନ ଥିବାରୁ ଆବଶ୍ୟକ ପରିମାଣର ପାଣି ମିଳିପାରୁ ନାହିଁ। ବିଶେଷକରି ଖରାଦିନେ ଜଳାଭାବ ଦେଖାଦେଉଥିବାରୁ ନିକଟସ୍ଥ ଅଞ୍ଚଳରେ ଥିବା ଖୋଲା କୂଅ ଓ ନାଳରୁ ପାଣି ଆଣି ଲୋକେ ବ୍ୟବହାର କରୁଛନ୍ତି। ବସୁଧା ସହ ସୋଲାର ପମ୍ପ ପ୍ରକଳ୍ପ ଯୋଜନାରେ ପାଣି ଯୋଗାଇ ଦେବା ପାଇଁ ପଞ୍ଚାୟତ ପକ୍ଷରୁ ବହୁବାର ବ୍ଲକ, ଜିଲା ପ୍ରଶାସନ ଓ ସ୍ଥାନୀୟ ଲୋକପ୍ରତିନିଧିଙ୍କ ନିକଟରେ ଦାବି କରାଯାଉଥିଲେ ମଧ୍ୟ ବର୍ଷ ବର୍ଷ ଧରି ଜଙ୍ଗଲ ଅଧ୍ୟୁଷିତ ଏହି ଗ୍ରାମଗୁଡ଼ିକ ପ୍ରତି ସରକାରୀ ଅବହେଳା ଜାରି ରହିଥିବା ଲୋକେ ଅଭିଯୋଗ କରିଛନ୍ତି। ଏ ନେଇ କିଶୋରନଗର ବ୍ଲକ ଜଳଯୋଗାଣ ବିଭାଗ କନିଷ୍ଠ ଯନ୍ତ୍ରୀ ମନୋରଞ୍ଜନ ପ୍ରଧାନ କହିଛନ୍ତି, ହଣ୍ଡପା ଓ କଣ୍ଟେଇକୋଳିଆ ପଞ୍ଚାୟତରେ ଜଳ ପ୍ରକଳ୍ପ ନିର୍ମାଣ ନିମନ୍ତେ ସରକାରଙ୍କ ପକ୍ଷରୁ କୌଣସି ଅର୍ଥ ମଞ୍ଜୁର କରାଯାଇ ନାହିଁ। ଆଠମଲିକସ୍ଥିତ ମହାନଦୀରୁ ମେଗା ପ୍ରୋଜେକ୍ଟ ଜରିଆରେ କିଶୋରନଗର ବ୍ଲକର ୨୩ଟି ପଞ୍ଚାୟତକୁ ପିଇବା ପାଣି ଯୋଗାଇ ଦେବା ପାଇଁ ଲକ୍ଷ୍ୟ ରଖାଯାଇଛି। ଏହି ପ୍ରକଳ୍ପ ନିର୍ମାଣ ହେଲେ ଉପରୋକ୍ତ ଗ୍ରାମଗୁଡିକୁ ଏଥିରେ ସାମିଲ କରାଯିବ।

ଯୋଜନାରେ ମେଣ୍ଟିବନି ଶୋଷ
ହଣ୍ଡପା ପଞ୍ଚାୟତରେ ଗୋଟିଏ ହେଲେ ଜଳ ପ୍ରକଳ୍ପ ନାହିଁ। ବହୁ ନଳକୂଅ ଅଚଳ ରହୁଥିବାରୁ ଖରାଦିନେ ପଞ୍ଚାୟତବାସୀ ଡହଳବିକଳ ହେଉଛନ୍ତି। ମହାନଦୀ ପାଣିକୁ ନେଇ କେବଳ ମେଗା ଯୋଜନା ଘୋଷଣା କରିଦେଲେ ଶୋଷ ମେଣ୍ଟିବ ନାହିଁ। ଲୋକଙ୍କ ନିକଟରେ ସ୍ବଚ୍ଛ ପାନୀୟ ଜଳ ପହଞ୍ଚିବା ଆବଶ୍ୟକ।
-ଦୁଲା ପ୍ରଧାନ, ଅର୍ଜୁନଧରା

ପଦକ୍ଷେପ ନେଉନି ପ୍ରଶାସନ
ବସୁଧା ଯୋଜନାରେ ପଞ୍ଚାୟତରେ ପ୍ରକଳ୍ପ ନିର୍ମାଣ କରି ୮ ଗ୍ରାମକୁ ଜଳ ଯୋଗାଣ ନିମନ୍ତେ ବହୁବାର ପ୍ରଶାସନକୁ ଅଭିଯୋଗପତ୍ର ମାଧ୍ୟମରେ ଅବଗତ କରାଯାଇଛି। ହେଲେ ଏ ନେଇ ପଦକ୍ଷେପ ନିଆଯାଉ ନାହିଁ। ଫଳରେ ଖରାଦିନେ ବହୁ ଗ୍ରାମବାସୀ ଜଳ ସଙ୍କଟର ସମ୍ମୁଖୀନ ହୋଇ ହନ୍ତସନ୍ତ ହେଉଛନ୍ତି।
-ଅମୀୟ କୁମାର ପ୍ରଧାନ, ସରପଞ୍ଚ, ହଣ୍ଡପା

ନୂଆ ପ୍ରକଳ୍ପ ନିର୍ମାଣ କରାଯାଉ
ଗ୍ରାମରେ ବର୍ଷ ସାରା ପିଇବା ପାଣି ଅଭାବ ଲାଗି ରହିଛି। ନିର୍ମାଣ ହୋଇଥିବା ଗୋଟିଏ ସୋଲାର ପ୍ରକଳ୍ପ ଅଚଳ ଅବସ୍ଥାରେ ପଡିଛି। ନଳକୂଅଗୁଡିକରୁ ଲୌହଗୁଣ୍ଡ ମିଶା ପାଣି ବାହାରୁ ଥିବାରୁ ଲୋକେ ତାହାକୁ ବ୍ୟବହାର କରୁନାହାନ୍ତି। ତୁରନ୍ତ ନୂଆ ପ୍ରକଳ୍ପ ନିର୍ମାଣ କରାଯାଇ ପାଣି ଯୋଗାଇ ଦିଆଯାଉ।
-ସୁନୀଲ ସେଠୀ, ଅଁଳାବେରେଣି

ସମସ୍ୟାର ସମାଧାନ ହେଉନାହିଁ
ଗ୍ରାମରେ ୪ ଶହରୁ ଊର୍ଦ୍ଧ୍ୱ ପରିବାର ରହୁଥିଲେ ମଧ୍ୟ ସରକାରଙ୍କ ପକ୍ଷରୁ ଏଠାରେ ଜଳ ପ୍ରକଳ୍ପଟିଏ ନିର୍ମାଣ କରାଯାଉ ନାହିଁ। ପ୍ରତିବର୍ଷ ପାଣି ସମସ୍ୟା ଲାଗି ରହୁଛି। ଏହାର କୌଣସି ସମାଧାନ କରାଯାଉ ନ ଥିବାରୁ ଲୋକେ ଅସୁବିଧାର ସମ୍ମୁଖୀନ ହେଉଛନ୍ତି। ତୁରନ୍ତ ସରକାର ଏଥିପ୍ରତି ଦୃଷ୍ଟି ଦିଅନ୍ତୁ।
-ଉତ୍ତମ କୁମାର ମାଟିଆରୀ, ଇଚ୍ଛାପୁର

ମୌଳିକ ଆବଶ୍ୟକତା ପୂରଣ ହେଉନି
ଜଙ୍ଗଲାଞ୍ଚଳ ହୋଇଥିବାରୁ ସରକାରୀ ଯୋଜନାଗୁଡିକ ଏଠାରେ ପହଞ୍ଚିପାରୁ ନାହିଁ। ଲୋକଙ୍କ ମୌଳିକ ଆବଶ୍ୟକତା ପୂରଣ ଦିଗରେ ସରକାରଙ୍କ ପକ୍ଷରୁ ଠିକ୍‌ ଭାବେ ପଦକ୍ଷେପ ନିଆଯାଉ ନାହିଁ। ତୁରନ୍ତ ପ୍ରତି ଗ୍ରାମରେ ସୋଲାର ପ୍ରକଳ୍ପ ନିର୍ମାଣ କରାଯାଇ ବିଶୁଦ୍ଧ ପାଣି ଯୋଗାଇ ଦିଆଯାଉ।
-ସୁଜିତ ମହାପାତ୍ର, ରାଜନପାଳ

ସରକାରୀସ୍ତରରେ ଉଦ୍ୟମ କରାଯାଉଛି
ପ୍ରତ୍ୟେକ ଗ୍ରାମକୁ ବିଶୁଦ୍ଧ ପାଇପ୍‌ ଜଳ ଯୋଗାଇବାକୁ ସରକାରୀସ୍ତରର ଉଦ୍ୟମ ଜାରି ରହିଛି। ଆଠମଲ୍ଲିକସ୍ଥିତ ମହାନଦୀରୁ ମେଗା ପ୍ରୋଜେକ୍ଟ ଦ୍ୱାରା ପାଣି ଅଣାଯାଇ କିଶୋରନଗର ବ୍ଲକର ସମସ୍ତ ଗ୍ରାମକୁ ଯୋଗାଇ ଦିଆଯିବାର ଯୋଜନା ରହିଛି। ଏ ନେଇ ମୁଖ୍ୟମନ୍ତ୍ରୀଙ୍କୁ ଅବଗତ କରାଯାଇଛି। ଅଚଳ ନଳକୂଅ ସଚଳ କରିବାକୁ ଏବଂ ଆବଶ୍ୟକସ୍ଥଳେ ନୂଆ ଖନନ ପାଇଁ ନିର୍ଦ୍ଦେଶ ଦିଆଯିବ।
-ରମେଶ ଚନ୍ଦ୍ର ସାଏ, ବିଧାୟକ, ଆଠମଲ୍ଲିକ


Enter your email to get our daily news in your inbox.

All Right Reserved By Dharitri.Com

ଚିରନ୍ତନ ପ୍ରେମର ସନ୍ତକ ନିମୁହିଁ ମନ୍ଦିର

ସୋନପୁର,୧୫।୩(ନି.ପ୍ର.) ସୁବର୍ଣ୍ଣପୁରର ନିମୁହିଁ ମନ୍ଦିର ଏକ ବିସ୍ମୟ। ମନ୍ଦିରର ଉଚ୍ଚତା ପ୍ରାୟ ୨୫ ଫୁଟ । ଲମ୍ବ ୧୨ ଫୁଟକୁ ପ୍ରସ୍ଥ ପ୍ରାୟ ୧୨ ଫୁଟ୍‌...

ସରିଲା ଦୁର୍ଗାପୂଜା: ଅପେକ୍ଷା ଆରବର୍ଷକୁ

ଭୁବନେଶ୍ୱର,୯।୧୦(ବ୍ୟୁରୋ): ସରିଛି ଶାରଦୀୟ ଦୁର୍ଗାପୂଜା। ଧରାପୃଷ୍ଠରୁ ବିଦାୟ ନେଉଛନ୍ତି ଜଗତ୍‌ଜନନୀ ମା’ ଦୁର୍ଗା। ପୁଣି ବର୍ଷେ ପର୍ଯ୍ୟନ୍ତ ମା’ଙ୍କୁ ଅପେକ୍ଷା କରିବାର ସମୟ ଆସିଛି। ବୁଧବାର...

ସ୍ବମନ୍ଦିର ଫେରିଲେ ଦେବଦମ୍ପତି

ପୁରୁଣା ଭୁବନେଶ୍ୱର, ୧୭ା୬ (ଡି.ଏନ୍‌.ଏ.): ଶ୍ରୀଲିଙ୍ଗରାଜ ମହାଦେବଙ୍କ ବିବାହ ଉତ୍ସବ ଶେଷ ହେବା ପରେ ଶ୍ରୀଜୀଉ ବୁଧବାର ସ୍ବମନ୍ଦିର ପ୍ରତ୍ୟାବର୍ତ୍ତନ କରିଛନ୍ତି। ଏ ନେଇ ପ୍ରାତଃରୁ...

ପ୍ରଦୂଷଣ ସାର୍ଟିଫିକେଟ ନ ଦେଖାଇଲେ ଜରିମାନା: ୧ରୁ ଆଉ ଛାଡ଼ ନାହିଁ

ଭୁବନେଶ୍ୱର,୨୪।୯(ବ୍ୟୁରୋ): ଆଉ ଛାଡ ନାହିଁ। ପ୍ରଦୂଷଣ ନିୟନ୍ତ୍ରଣାଧୀନ (ପିୟୁସି) ସାର୍ଟିଫିକେଟ ନ ଥିଲେ ଗଣିବାକୁ ପଡିବ ଜରିମାନା। ଆସନ୍ତା ଅକ୍ଟୋବର ପହିଲାରୁ ଏହାକୁ କଡାକଡି ଲାଗୁ...

ବଲାଙ୍ଗୀର ବାଳକଙ୍କ ବିରଳ କୃତିତ୍ୱ

ବଲାଙ୍ଗୀର ଅଫିସ, ୬ା୧: କମ୍ପ୍ୟୁଟର ପ୍ରୋଗ୍ରାମିଂରେ ବିଶ୍ୱସ୍ତରରେ ବିରଳ କୃତିତ୍ୱ ଅର୍ଜନ କରିଛନ୍ତି ବଲାଙ୍ଗୀରର ୭ବର୍ଷର ବାଳକ ଭେଙ୍କଟରମଣ ପଟ୍ଟନାୟକ। ସେ ଅନ୍ୟତମ କନିଷ୍ଠ ଛାତ୍ରଭାବେ...

ନିଲାମ ବନ୍ଦ ପରେ ଲଗାମ ଢିଲା: ବଢୁଛି ବଉଳମାଳ ପଥର ଚୋରା ଚାଲାଣ

ଖୋର୍ଦ୍ଧା ଅଫିସ,୧୨।୧୦: ଖୋର୍ଦ୍ଧା ତହସିଲର ନରଣଗଡ଼ ଅଞ୍ଚଳରେ ଥିବା ବଉଳମାଳ ପଥର ଖଣିର ନିଲାମ ପ୍ରାୟ ୬ ବର୍ଷ ଧରି ବନ୍ଦ ରହିଛି। ହେଲେ ବେଆଇନ...

ଯୁବନେତାଙ୍କୁ ଚାପୁଡା ମାରିଲେ ଏମ୍‌ପି

ପାରଳାଖେମୁଣ୍ଡି,୨୫।୯(ସ୍ବ.ପ୍ର.):ଗଜପତି ଜିଲା ସଦର ମହକୁମା ପାରଳାଖେମୁଣ୍ଡିସ୍ଥିତ ବିଜୁ କଲ୍ୟାଣ ମଣ୍ଡପ ପରିସରରେ ମଙ୍ଗଳବାର ଜିଲା ବିଜେଡିର ଏକ ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି। ଏହି...

ଗତିପଥ ବଦଳାଇଲା ମଙ୍ଗଳା ମୁହାଣ

ପୁରୀ ଅଫିସ,୧୯।୯: ପ୍ରାୟ ପ୍ରତିବର୍ଷ ମଙ୍ଗଳା ନଦୀ ମୁହାଣ ଗତିପଥ ବଦଳୁଛି। ବିଭିନ୍ନ ସମୟରେ ପ୍ରାକୃତିକ ମୁହାଣ ପୋତିହୋଇ ଭିନ୍ନ ଜାଗାରେ ନୂଆ ଧାର ସୃଷ୍ଟି...

Advertisement


Archives

Model This Week