ମାଲକାନଗିରି,୧୬।୧୧(ଦୁର୍ଯ୍ୟୋଧନ ପାତ୍ର): ମାଲକାନଗିରି ଜିଲା ସୀମା ଛତିଶଗଡ଼ କାଙ୍କେର ଜିଲାରେ ଯବାନ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ଘଟିଛି। ଏଥିରେ ୫ ମାଓବାଦୀଙ୍କ ମୃତ୍ୟୁ ଘଟିଥିବା ଜଣାପଡିଛିା।
ସୂଚନାନୁଯାୟୀ, ଶନିବାର ସକାଳେ ଛତିଶଗଡ଼ କାଙ୍କେରଜିଲା ସୀମାବର୍ତ୍ତୀ ଓ ନାରାୟଣପୁର ଅଞ୍ଚଳ ନିକଟ ଜଙ୍ଗଲ ଅଭୁଜମାଡ ଜଙ୍ଗଲରେ ସିଆର୍ପିଏଫ୍, ଡିଆର୍ଜି ଓ ନାରାୟଣପୁର ପୋଲିସ ମିଳିତ ଭାବେ କମ୍ବିଂ ଅପରେଶନ କରୁଥିବା ସମୟରେ ମାଓବାଦୀମାନେ ପୋଲିସ ଆସୁଥିବା ଜାଣି ପୋଲିସ ଉପରକୁ ଗୁଳି ଚାଳନା କରିଥିଲୋ। ପାଲଟା ଜବାବରେ ଯବାନ ଓ ପୋଲିସ ମଧ୍ୟ ଗୁଳି ଚଳାଇଥିଲେ।। ଦୀର୍ଘ ସମୟ ଧରି ଗୁଳି ଚାଳନା ପରେ ମାଓବାଦୀମାନେ ଘଟଣାସ୍ଥଳରୁ ଛତ୍ରଭଙ୍ଗ ଦେଇଥିବା ବେଳେ ଯବାନ ଓ ପୋଲିସ ତଲାସି କରୁଥିବା ସମୟରେ ୫ ମାଓବାଦୀଙ୍କ ମୃତଦେହ ଜବତ କରିଥିଲେ। ଏହା ସହ ବିପୁଳ ପରିମାଣ ଅସ୍ତ୍ରଶସ୍ତ୍ର ମଧ୍ୟ ଜବତ କରିଥିବା ଜଣାପଡିଛି। ଦୁଇ ଯବାନ ମଧ୍ୟ ସାମାନ୍ୟ ଆହତ ହୋଇଥିବା ବେଳେ ଉଭୟଙ୍କୁ ରାୟପୁର ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ତେବେ ବର୍ତ୍ତମାନ ସୁଦ୍ଧା ଉକ୍ତ ଅଞ୍ଚଳରେ କମ୍ବିଂ ଅପରେଶନ ଜାରି ରହିଥିବା ବେଳେ ଅପରେଶନ ପରେ ସମ୍ପୂର୍ଣ୍ଣ ବିବରଣୀ ଓ ମୃତ ମାଓବାଦୀଙ୍କ ପରିଚୟ ପ୍ରଦାନ କରାଯିବ ବୋଲି ଛତିଶଗଡ଼ ବସ୍ତର ଆଇଜି ପି ସୁନ୍ଦରାଜ ସୂଚନା ଦେଇଛନ୍ତି।
