ନୂଆଦିଲ୍ଲୀ,୧୬।୧୧: ସୂର୍ଯ୍ୟକୁମାର ଯାଦବଙ୍କ ଅଧିନାୟକତ୍ୱରେ ଟିମ୍ ଇଣ୍ଡିଆର ଦକ୍ଷିଣ ଆଫ୍ରିକା ଗସ୍ତ ସ୍ମରଣୀୟ ପାଲଟିଛି। ଦଳ ୪ ମ୍ୟାଚ୍ର ଟି୨୦ ସିରିଜର ୩-୧ରେ ବାଜି ମାରିଛି। ସିରିଜର ଅନ୍ତିମ ମୁକାବିଲାରେ ଭାରତୀୟ ଖେଳାଳିମାନେ ଐତିହାସିକ ପ୍ରଦର୍ଶନ କରିଥିଲେ। ୨୦ ଓଭରରେ ୨୮୩ ରନ୍ର ଟାର୍ଗେଟ ଦେଇଥିଲେ। ସେହିଭଳି ଦକ୍ଷିଣ ଆଫ୍ରିକା ୧୮.୨ ଓଭରରେ ୧୪୮ ରନ୍ରେ ସମସ୍ତ ଉଇକେଟ ହରାଇଥିଲା। ଏହି ସିରିଜରେ ସୂର୍ଯ୍ୟକୁମାରଙ୍କ ଅଧିନାୟକତ୍ୱ ସହ ବୋଲିଂ ଚର୍ଚ୍ଚାରେ ରହିଥିଲା। ହେଲେ ଏବେ ଭାରତୀୟ ପ୍ରଶଂସକ ତାଙ୍କୁ ମିସ୍ କରିବାକୁ ଯାଉଛନ୍ତି।
ଏବେ ସୂର୍ଯ୍ୟକୁମାର ଭାରତୀୟ ଟି୨୦ ଏବଂ ଦିନିକିଆ ଟିମ୍ର ଅଂଶ ଅଛନ୍ତି। ଚଳିତ ବର୍ଷ ଟିମ୍ ଆଉ ହ୍ବାଇଟ୍ ବଲ୍ ମ୍ୟାଚ ଖେଳିବ ନାହିଁ। ଅର୍ଥାତ ସୂର୍ଯ୍ୟକୁମାର ୨୦୨୪ର ଅନ୍ତିମ ଅନ୍ତର୍ଜାତୀୟ ମୁକାବିଲା ଖେଳିସାରିଛନ୍ତି। ଏବେ ସେ ଆସନ୍ତା ବର୍ଷ ଦଳ ପାଇଁ ଖେଳିବେ।
ଚଳିତ ବର୍ଷ ଶ୍ରୀଲଙ୍କା ଗସ୍ତ ପୂର୍ବରୁ ସୂର୍ଯ୍ୟକୁମାର ଯାଦବ ଭାରତୀୟ ଟି -୨୦ ଦଳର କମାଣ୍ଡ ପାଇଥିଲେ। ତାଙ୍କ ଅଧିନାୟକତ୍ୱରେ ଭାରତୀୟ ଟି -୨୦ ଦଳର ପ୍ରଦର୍ଶନ ଅତ୍ୟନ୍ତ ସ୍ମରଣୀୟ ଥିଲା। ଟିମ ଇଣ୍ଡିଆ ଶ୍ରୀଲଙ୍କାକୁ ୩-୦ରେ ପରାସ୍ତ କରିବା ପରେ ବାଂଲାଦେଶକୁ ନିଜ ଘରେ ୩-୦ରେ ପରାସ୍ତ କରିଥିଲା। ବର୍ତ୍ତମାନ ଦକ୍ଷିଣ ଆଫ୍ରିକାକୁ ମଧ୍ୟ ୩-୧ରେ ପରାସ୍ତ କରିଛି। ଭାରତୀୟ କ୍ରିକେଟ ଇତିହାସରେ ପ୍ରଥମ ଥର ପାଇଁ ଦକ୍ଷିଣ ଆଫ୍ରିକା ବିପକ୍ଷ ଟି -୨୦ ସିରିଜରେ ଟିମ ଇଣ୍ଡିଆ ୩ ମ୍ୟାଚ ଜିତିଛି। ଏହାପୂର୍ବରୁ କୌଣସି ଅଧିନାୟକ ଏହି ସଫଳତା ହାସଲ କରିବାରେ ସକ୍ଷମ ହୋଇ ନ ଥିଲେ।
