ଷ୍ଟକହୋମ,୬।୧୦: ୨୦୨୫ ବର୍ଷର ନୋବେଲ ଚିକିତ୍ସା ଓ ଶାରୀରିକ ବିଜ୍ଞାନ ପୁରସ୍କାର ବୈଜ୍ଞାନିକ ମେରୀ ବ୍ରଙ୍କୋ, ଫ୍ରେଡ ରାମସଡେଲ ଏବଂ ଶିମନ ସାକାଗୁଚିଙ୍କୁ “ପେରିଫେରାଲ ଇମ୍ୟୁନ ଟଲେରାନ୍ସ” ସମ୍ବନ୍ଧୀୟ ଆବିଷ୍କାର ପାଇଁ ପ୍ରଦାନ କରାଯାଇଛି। ସ୍ୱୀଡେନର କାରୋଲିନସ୍କା ଇନଷ୍ଟିଟ୍ୟୁଟ ନୋବେଲ ଆସେମ୍ବ୍ଲି ଏହି ପୁରସ୍କାର ଘୋଷଣା କରିଛି। ବିଜେତାମାନେ ୧୧ ମିଲିୟନ ସ୍ୱୀଡିଶ କ୍ରୋନ (୧.୨ ମିଲିୟନ ଡଲାର) ଓ ସ୍ୱର୍ଣ୍ଣପଦକ ପାଇବେ।
ଏହି ଆବିଷ୍କାର ଏକ ନୂତନ ଗବେଷଣା କ୍ଷେତ୍ରର ମୂଳଦୁଆ ସ୍ଥାପନ କରିଛି ଏବଂ କର୍କଟ ଓ ଅଟୋଇମ୍ୟୁନ ରୋଗର ଚିକିତ୍ସା ପାଇଁ ନୂଆ ଉପାୟ ବାହାର କରିଛି। ନୋବେଲ ପୁରସ୍କାର, ଯାହା ୧୯୦୧ ମସିହାରୁ ଆଲଫ୍ରେଡ ନୋବେଲଙ୍କ ଇଚ୍ଛାପତ୍ର ଅନୁଯାୟୀ ବିଜ୍ଞାନ, ସାହିତ୍ୟ ଓ ଶାନ୍ତି କ୍ଷେତ୍ରରେ ଦିଆଯାଉଛି, ଚିକିତ୍ସା ପୁରସ୍କାର ସହ ପ୍ରତିବର୍ଷ ଆରମ୍ଭ ହୁଏ। ଆଗାମୀ ଦିନରେ ଅନ୍ୟାନ୍ୟ କ୍ଷେତ୍ରର ପୁରସ୍କାର ଘୋଷଣା କରାଯିବ।
ଡିସେମ୍ବର ୧୦ ତାରିଖରେ ସ୍ୱୀଡେନ ଓ ନରୱେର ରାଜପରିବାରଙ୍କ ଉପସ୍ଥିତିରେ ଏହି ପୁରସ୍କାର ପ୍ରଦାନ ସମାରୋହ ଅନୁଷ୍ଠିତ ହେବ।
BREAKING NEWS
The 2025 #NobelPrize in Physiology or Medicine has been awarded to Mary E. Brunkow, Fred Ramsdell and Shimon Sakaguchi “for their discoveries concerning peripheral immune tolerance.” pic.twitter.com/nhjxJSoZEr— The Nobel Prize (@NobelPrize) October 6, 2025
