ସ୍ମୃତିରକ୍ଷା ପାଇଁ ସମୟ ନାହିଁ

ଢେଙ୍କାନାଳ ଅଫିସ, ୨୨।୯: ବ୍ୟାସକବିଙ୍କୁ ବାଦ୍‌ ଦେଇ ଅସମ୍ପୂର୍ଣ୍ଣ ବାଣୀଭଣ୍ଡାର। ଓଡ଼ିଆ ଭାଷା ସାହିତ୍ୟକୁ ରୁଦ୍ଧିମନ୍ତ କରିଥିବା ଏହି ମହାନ୍‌ ଯୋଗଜନ୍ମାଙ୍କ କୀର୍ତ୍ତି, କୃତିତ୍ୱକୁ ଶବ୍ଦରେ ପରିପ୍ରକାଶ କରାଯାଇ ନ ପାରେ। ଓଡ଼ିଶା ସାହିତ୍ୟର ଭଗୀରଥ ଭାବେ ପରିଚିତ କବିଙ୍କ ବିଷୟରେ ଜାଣିବାକୁ ଆଜି ବି ସାହିତ୍ୟପ୍ରେମୀଙ୍କ ମଧ୍ୟରେ ରହିଛି ସେତିକି ଉତ୍କଣ୍ଠା। ହେଲେ ଫକୀରମୋହନଙ୍କ ସାହିତ୍ୟ ସାଧନାର ଅନ୍ତୁଡ଼ିଶାଳ ଢେଙ୍କାନାଳରେ ତାଙ୍କ ସ୍ମୃତିରକ୍ଷା ପାଇଁ ପ୍ରଶାସନ ପାଖରେ ସମୟ ନାହିଁ। ରକ୍ଷଣାବେକ୍ଷଣ ଅଭାବରୁ ‘ବ୍ୟାସକବି ସ୍ମୃତିସଦନ’ ଭୁଶୁଡ଼ିବାକୁ ବସିଥିବାବେଳେ ବହୁମୂଲ୍ୟ ପୁସ୍ତକ ଖତ ଖାଉଛି। ବ୍ୟାସକବି ଜୟନ୍ତୀରେ ତାଙ୍କ ଫଟୋଚିତ୍ରରେ କେବଳ ଫୁଲମାଳ ଦେଇ ଅଧିକାରୀମାନେ ଦାୟିତ୍ୱ ସାରି ଦେଉଥିବାବେଳେ ଅଦ୍ୟାବଧି ସାଧନାପୀଠରେ କବିଙ୍କ ପ୍ରତିମୂର୍ତ୍ତିଟିଏ ନିର୍ମାଣ ହୋଇ ନ ପାରିବା ପରିତାପର ବିଷୟ ବୋଲି ସାଧାରଣରେ ଆଲୋଚନା ହେଉଛି।

ଢେଙ୍କାନାଳରେ ରହିଛି ବ୍ୟାସକବିଙ୍କ ସାହିତ୍ୟ ସାଧନା ସହିତ ଜଡ଼ିତ ଅଜସ୍ର ସ୍ମୃତି। ବିଶିଷ୍ଟ ସ୍ତମ୍ଭକାର ତଥା ଗବେଷକ ପଣ୍ଡିତ ଅନ୍ତର୍ଯ୍ୟାମୀ ମିଶ୍ର ତାଙ୍କର ‘ଢେଙ୍କାନାଳରେ ଫକୀର ମୋହନ’ ଲେଖାରେ ଏ ବିଷୟରେ ବିସ୍ତୃତ ଭାବେ ବର୍ଣ୍ଣନା କରିଛନ୍ତି। ଓଡ଼ିଆ ସାହିତ୍ୟର ଏହି ପ୍ରଜ୍ଞାପୁରୁଷ ୧୮୭୭ରୁ ୧୮୮୩ ପର୍ଯ୍ୟନ୍ତ ଢେଙ୍କାନାଳରେ ରହଣି କରିଥିଲେ। ଢେଙ୍କାନାଳ ଗଡ଼ଜାତ ରାଜ୍ୟର ସେ ଥିଲେ ସହକାରୀ ପରିଚାଳକ ବା ଆସିଷ୍ଟାଣ୍ଟ ମ୍ୟାନେଜର। ୧୦୦ ଟଙ୍କା ଦରମାରେ ସେ କାର୍ଯ୍ୟ କରୁଥିଲେ। ସେହି ସମୟରେ ଶିକ୍ଷା, ସାହିତ୍ୟ, ସଂସ୍କୃତି କ୍ଷେତ୍ରରେ ଢେଙ୍କାନାଳ ଗଡ଼ଜାତ ରାଜ୍ୟ ଓଡ଼ିଶାରେ ଥିଲା ଅଗ୍ରଣୀ। ତେବେ କୌଣସି ସରକାରୀ ବଙ୍ଗଳା ନ ଥିବାରୁ ତତ୍କାଳୀନ ରାଜାଙ୍କ ନିର୍ଦ୍ଦେଶରେ ଢେଙ୍କାନାଳ ରାଜପ୍ରାସାଦର ଉତ୍ତର ଦିଗରେ ଫକୀରମୋହନଙ୍କ ପାଇଁ ଏକ ବଙ୍ଗଳା ତୋଳାଯାଇଥିଲା। ସେଠାରେ ସ୍ତ୍ରୀଙ୍କ ସହ ରହୁଥିଲେ ବ୍ୟାସକବି। ଏବେ ସେହିସ୍ଥାନରେ ଉପଜିଲାପାଳଙ୍କ ସରକାରୀ ବାସଭବନ ନିର୍ମାଣ କରାଯାଇଛି। ସେଠାରେ ରହଣି ସମୟରେ ବ୍ୟାସକବିଙ୍କ ଏକମାତ୍ର ପୁତ୍ର ସନ୍ତାନର ଦେହାନ୍ତ ହୋଇଯାଇଥିଲା, ଯାହା କବି ଏବଂ ତାଙ୍କ ସ୍ତ୍ରୀଙ୍କୁ ମ୍ରିୟମାଣ କରିଦେଇଥିଲା। ପୁତ୍ରଙ୍କୁ ହରାଇବା ଦୁଃଖରୁ ବାହାରି ସେ ପାଦ ବଢ଼ାଇଥିଲେ ସାହିତ୍ୟ ସାଧନା ଆଡ଼କୁ। ଏହାପରେ ସେ ଅନୁବାଦ କରିଥିଲେ ‘ରାମାୟଣ’ ଏବଂ ‘ମହାଭାରତ’। ତାଙ୍କର ସାରସ୍ବତ ସୃଷ୍ଟିର ଉନ୍ମେଷ ଢେଙ୍କାନାଳରୁ ହିଁ ଆରମ୍ଭ ହୋଇଥିଲା। ୧୮୮୩ରେ ସେ ନିଜ ପଦବୀରୁ ଇସ୍ତଫା ଦେଇ ଢେଙ୍କାନାଳ ଛାଡ଼ିଥିଲେ।

ତେବେ ଜିଲା ବନଖଣ୍ଡ କାର୍ଯ୍ୟାଳୟ ପଛପାଖରେ ଥିବା ଆଜ୍‌ବେଷ୍ଟସ ଘରକୁ ପ୍ରଶାସନ ଏବଂ ସଂସ୍କୃତି ବିଭାଗ ପକ୍ଷରୁ ଫକୀର ମୋହନଙ୍କ ସାଧନାସ୍ଥଳୀ ଭାବେ ଚିହ୍ନଟ କରାଯାଇଛି। ୨୦୦୬ ଅଗଷ୍ଟ ୧୫ରେ ସେଠାରେ ଲୋକାର୍ପିତ ହୋଇଥିଲା ‘ବ୍ୟାସକବି ସ୍ମୃତିସଦନ’। ପରବର୍ତ୍ତୀ ସମୟରେ ଏହାକୁ ଜିଲା ପାଠାଗାରରେ ରୂପାନ୍ତରିତ କରାଯାଇ ବହୁ ମୂଲ୍ୟବାନ ପୁସ୍ତକ ରଖାଯାଇଥିଲା। ସେଠାରେ ଥିବା ଫକୀର ମୋହନଙ୍କ ଫଟୋଚିତ୍ର, ସେ ବ୍ୟବହାର କରୁଥିବା ଟେବୁଲ, ଚୌକି ଏବଂ ଷ୍ଟୁଲ୍‌ ଆଜି ବି ତାଙ୍କ ଅଲିଭା ସ୍ବାକ୍ଷର ବହନ କରୁଛି। ହେଲେ ରକ୍ଷଣାବେକ୍ଷଣ ଅଭାବରୁ ବ୍ୟାସକବିଙ୍କ ସାଧନାସ୍ଥଳୀ ଏବେ ଜରାଜୀର୍ଣ୍ଣ। ଘର କାନ୍ଥ ଦବିଗଲାଣି। ଆଜବେଷ୍ଟସ୍‌ ଛାତ ବିପଦସଙ୍କୁଳ ଅବସ୍ଥାରେ। ବାରମ୍ବାର ଦାବି ସତ୍ତ୍ୱେ ଜିଲା ସଂସ୍କୃତି ବିଭାଗ ପକ୍ଷରୁ କବିଙ୍କ ପ୍ରତିମୂର୍ତ୍ତିଟିଏ ନିର୍ମାଣ ହୋଇପାରୁନାହିଁ। ଉପଯୁକ୍ତ ରକ୍ଷଣାବେକ୍ଷଣ କରା ନ ଗଲେ ବର୍ଷ କେଇଟାରେ ‘ବ୍ୟାସକବି ସ୍ମୃତିସଦନ’ ମାଟିରେ ମିଶିଯିବ ବୋଲି ବୁଦ୍ଧିଜୀବୀମାନେ ଆଶଙ୍କା ବ୍ୟକ୍ତ କଲେଣି।

ଏ ସଂକ୍ରାନ୍ତରେ ଜିଲା ସଂସ୍କୃତି ଅଧିକାରୀ ପ୍ରିୟମ୍ବଦା ବେହେରା କୁହନ୍ତି, ‘ବ୍ୟାସକବି ସ୍ମୃତି ସଦନ’ ଐତିହ୍ୟ କୀର୍ତ୍ତିରାଜି ହୋଇଥିବାରୁ ଏହାର ରକ୍ଷଣାବେକ୍ଷଣ ‘ଇନ୍‌ଟାକ୍‌’ କରିବା ପାଇଁ ସ୍ବୀକୃତି ପାଇଛି। ଏ ସଂକ୍ରାନ୍ତରେ ବିଭାଗୀୟ ଉଚ୍ଚ କର୍ତ୍ତୃପକ୍ଷ ଓ ଉକ୍ତ ସଂସ୍ଥାକୁ ଅବଗତ କରାଯାଇଛି। ବ୍ୟାସକବିଙ୍କ ପ୍ରତିମୂର୍ତ୍ତି ନିର୍ମାଣ ପାଇଁ ଆଲୋଚନା ହୋଇଛି। ଜିଲାପାଳଙ୍କ ସହ ଏ ସମ୍ପର୍କରେ ବିଚାରବିମର୍ଷ କରି ପଦକ୍ଷେପ ନିଆଯିବ।


Enter your email to get our daily news in your inbox.

All Right Reserved By Dharitri.Com

‘ଠିକଣା ବେଳେ ଜବାବ ଦେବୁ’

ନବରଙ୍ଗପୁର,୧୩।୩(ବି.ପ୍ର.): ନିର୍ବାଚନ ଆସିଲେ ନେତା ଦେଇଥାନ୍ତି ପ୍ରତିଶ୍ରୁତି। ଜିତିଲା ପରେ ପୁଣି ତାହାକୁ ଭୁଲିଯାଆନ୍ତି। ସାହି ସମସ୍ୟା ଯୋଉଁଠି ଥିଲା ସେଇଠି। ତେଣୁ ଏଥର ଠିକଣାବେଳେ ଉଚିତ...

ଖାନ୍‌ନଗରରେ ନିର୍ମାଣ ହେବ ବିଶ୍ୱସ୍ତରୀୟ ‘ନେତାଜୀ ବସ୍‌ ଟର୍ମିନାଲ’: ଭିତ୍ତିପ୍ରସ୍ତର ସ୍ଥାପନ କଲେ ମୁଖ୍ୟମନ୍ତ୍ରୀ

କଟକ ଅଫିସ,୨୩।୧: ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜୟନ୍ତୀ ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଟକ ଖାନ୍‌ନଗର ଅଞ୍ଚଳର ୧୨ ଏକର ପରିମିତ ଜମିରେ ନିର୍ମାଣ...

୬ଷ୍ଠ ଦିନରେ ଭଦ୍ରକ କାଳୀପୂଜା: ସହର ଲୋକାରଣ୍ୟ

ଭଦ୍ରକ ଅଫିସ,୨।୧୧-ଐତିହାସିକ ଭଦ୍ରକ କାଳୀପୂଜା ଲାଗି ସାରା ସହର ଲୋକାରଣ୍ୟ ହୋଇପଡ଼ିଛି। ଶୁକ୍ରବାର କାଳୀପୂଜାର ୬ଷ୍ଠ ଦିନରେ ବିଭିନ୍ନ ପୂଜା ମଣ୍ଡପ ନିକଟରେ ଶ୍ରଦ୍ଧାଳୁଙ୍କ ନାହିଁ...

ନିର୍ଦ୍ଧାରିତ ସମୟ ପୂର୍ବରୁ ଦୋକାନ ଖୋଲି ଜରିମାନା ଦେଲେ ଦୋକାନୀ

ଭଞ୍ଜନଗର,୧୪।୪(ଡି.ଏନ.ଏ)-ଭଞ୍ଜନଗର ଉପଖଣ୍ଡ ପ୍ର୍ରଶାସନ ପକ୍ଷରୁ ଲକ୍‌ ଡାଉନ କଟନଣା କଡାକଡି ଭାବେ ପାଳନ କରାଯାଉଛି। ମଙ୍ଗଳବାର ସକାଳ ୫ଟାରୁ ଉପ ଜିଲାପାଳ ରାଜେନ୍ଦ୍ର ମିଞ୍ଜ, ବିଡିଓ...

ଚାଷ ପାଇଁ ପାଣି ନାହିଁ: ମେଗା ପ୍ରକଳ୍ପ ଅଫିସ୍‌ରେ ତାଲା ପକାଇଲେ ଚାଷୀ

ଘଣ୍ଟାପଡା, ୧୯।୭ (ଡି.ଏନ.ଏ): ଅନିୟମିତ ବର୍ଷା ଯୋଗୁ ଘଣ୍ଟାପଡା ଅଞ୍ଚଳରେ ଧାନଚାଷ ଉଜୁଡିବାକୁ ବସିଲାଣି । ଆଷାଢ଼ ମାସ ସରି ଶ୍ରାବଣ ହେଲା, ବର୍ଷାର ନାଁ...

ଡ୍ୟୁଟିରେ ଥିଲେ ନର୍ସ: ଛୁରୀ ଭୁଷି ହତ୍ୟାକଲେ ସ୍ବାମୀ

କଟକ ଅଫିସ,୮।୭- କଟକ ଜିଲା ନିଆଳିରେ ଜଣେ ନର୍ସ ତାଙ୍କର ବୃତ୍ତିଗତ କର୍ତ୍ତବ୍ୟ ପାଳନ କରୁଥିବା ସମୟରେତାଙ୍କୁ ହତ୍ୟା କରାଯାଇଛି। ନର୍ସଙ୍କ ସ୍ବାମୀ ଛୁରୀ ଭୁଷି...

ସଙ୍ଗରୋଧ କେନ୍ଦ୍ରରେ ଅନ୍ତର୍ଜାତୀୟ ଯୋଗ ଦିବସ ପାଳିଲେ ଅନ୍ତେବାସୀ

ବୁଗୁଡ଼ା,୨୧ା୬(ଡି.ଏନ୍‌.ଏ.): ଗଞ୍ଜାମ ଜିଲା ବୁଗୁଡ଼ା ବ୍ଲକ ଅନ୍ତର୍ଗତ ତାଳଶାକର ମହାମାୟୀ ଉଚ୍ଚ ବିଦ୍ୟାଳୟ ସଙ୍ଗରୋଧ କେନ୍ଦ୍ରରେ ରବିବାର ବିଶ୍ୱ ଯୋଗ ଦିବସ ପାଳିତ ହୋଇଯାଇଛି। ଏହି...

ଏସ୍‌ଏସ୍‌ସି ଆସିଷ୍ଟାଣ୍ଟ ଅଡିଟ୍‌ ଅଫିସର ପରୀକ୍ଷା: ସର୍ବଭାରତୀୟ ସ୍ତରରେ ରୋଷନ ଟପ୍ପର

ଖୋର୍ଦ୍ଧା ଅଫିସ,୯।୪: କଠିନ ପରିଶ୍ରମ, ଲକ୍ଷ୍ୟସ୍ଥଳରେ ପହଞ୍ଚିବାର ସ୍ବପ୍ନ ଏବଂ ଦୃଢ଼ ମନୋବଳ ସଫଳତା ଆଣିଦିଏ। ଏହାର ଉଦାହରଣ ପାଲଟିଛନ୍ତି ଖୋର୍ଦ୍ଧା ଜିଲା ଜଟଣୀର ରୋଷନ...

Advertisement
Archives

Model This Week