ଜଳେଶ୍ୱର, ୨।୧୦(ଡି.ଏନ.ଏ.): ବାଲେଶ୍ୱର ଜିଲା ଜଳେଶ୍ୱର ବ୍ଲକ ରାଇବଣିଆ ଥାନା ଅଧୀନ ଏକ ଗାଁରେ ଜଣେ ପରିବାର ଦୀର୍ଘବର୍ଷ ଧରି ରହିଆସୁଥିବା ବେଳେ ସାପ କାମୁଡାରେ ଜଣଙ୍କର ମୃତ୍ୟୁ ହୋଇଥିଲା। କିନ୍ତୁ ସେ ସ୍ଥାୟୀ ବାସିନ୍ଦା ହୋଇ ନ ଥିବାରୁ ଗ୍ରାମବାସୀ ଶ୍ମଶାନରେ ସକତ୍ାର କରିବାକୁ ଦେଇ ନ ଥିବା ଅଭିଯୋଗ ହୋଇଛି। ଦୀର୍ଘ ୧୮ଘଣ୍ଟା ପରେ ସୁବର୍ଣ୍ଣରେଖା ନଦୀକୂଳରେ ଶବ ସକତ୍ାର ହୋଇଥିବା ଜଣାଯାଇଛି।
ଚମାରଗାଁ ପଞ୍ଚାୟତ ଚାଫଲା ଗାଁରେ ହରିଜନ ଶ୍ରେଣୀର ରାମଚନ୍ଦ୍ର ମହାଲଙ୍କ ପରିବାର ପ୍ରାୟ ୧୫ବର୍ଷ ଧରି ବାସ କରିଆସୁଥିଲେ। ତାଙ୍କ ପୁଅ ସୁରେନ୍ଦ୍ର ମାହାଲ (୪୬) ଗତ ୨୯ ତାରିଖ ରାତିରେ ଘରେ ଶୋଇଥିବା ବେଳେ ତାଙ୍କୁ ଏକ ସାପ କାମୁଡି ଦେଇଥିଲା। ପରିବାର ଲୋକେ ଭୋର ସମୟରେ ଜଳେଶ୍ୱର ଜିକେ ଭଟ୍ଟର ହସ୍ପିଟାଲକୁ ଚିକିତ୍ସା ଲାଗି ଆଣିଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ସେମାନେ ଗାଁରେ ସ୍ଥାୟୀ ବାସିନ୍ଦା ହୋଇ ନ ଥିବାରୁ ଗାଁ ଶ୍ମଶାନରେ ସକତ୍ାର କରିବାକୁ ଗ୍ରାମବାସୀ ମନା କରିଦେଇଥିଲେ। ମୃତ୍ୟୁର କାରଣ ଜାଣିବା ପାଇଁ ଗ୍ରାମବାସୀ ଶବ ବ୍ୟବଚ୍ଛେଦ ଲାଗି ହସ୍ପିଟାଲକୁ ପୁଣି ପଠାଇଥିଲେ। ସନ୍ଧ୍ୟା ପୂର୍ବରୁ ଶବ ବ୍ୟବଚ୍ଛେଦ ହୋଇ ଗାଁରେ ପହଞ୍ଚିଥିଲେ ହେଁ ଗ୍ରାମବାସୀ ଗାଁ ଶ୍ମଶାନରେ ସକତ୍ାର କରାଇ ଦେଇ ନ ଥିଲେ। ପରିବାର ଲୋକେ ମୃତଦେହକୁ ରାସ୍ତା ଉପରେ ରଖି ଦୀର୍ଘ ସମୟ ଧରି ପ୍ରତିବାଦ କରିଥିଲେ। ଖବର ପାଇ ରାଇବଣିଆ ପୋଲିସ ପହଞ୍ଚି ଗ୍ରାମବାସୀଙ୍କୁ ବୁଝାଶୁଝା କରିଥିଲେ ମଧ୍ୟ କୌଣସି ସମାଧାନ ହୋଇପାରି ନ ଥିଲା। ଶେଷରେ ମଧ୍ୟରାତ୍ରୀରେ ପରିବାର ପକ୍ଷରୁ ମୃତଦେହକୁ ନେଇ ସୁବର୍ଣ୍ଣରେଖା ନଦୀକୂଳ ଶିଖରପୁର ଘାଟରେ ସକତ୍ାର କରାଯାଇଛି।
