ଛତ୍ରପୁର,୮।୬(ଦିଲୀପ ସାମଲ): ମହେନ୍ଦ୍ରମେଳାରେ ଯୋଗଦେଇ ଛତ୍ରପୁର ସର୍କିଟ ହାଉସ ଆସିଥିବାବେଳେ କିଛି କମ୍ପାନୀମାନେ ପ୍ରକଳ୍ପ ପାଇଁ ଜମି ନେଇଥିବା ବେଳେ ତାହା କୌଣସି କାର୍ଯ୍ୟକାରୀ କରୁ ନ ଥିବା ନେଇ ଗଣମାଧ୍ୟମ ପ୍ରଶ୍ନରେ ପ୍ରତିକ୍ରିୟା ରଖିଛନ୍ତି ରାଜସ୍ବ ମନ୍ତ୍ରୀ ସୁରେଶ ପୂଜାରୀ । ଏନେଇ ସେହି ବାବଦରେ ଜିଲାପାଳ ଓ ଆରଡିସିଙ୍କୁ ନିର୍ଦ୍ଦେଶ ଦିଆଯାଇଛି। ନିର୍ଦ୍ଦିଷ୍ଟ କୌଣସି ପ୍ରକଳ୍ପ ପାଇଁ କେତେ ଜାଗା ଆମେ ଦେଇଛୁ କାହାକୁ ଦେଇଛୁ ଏବଂ ସେ ପ୍ରକଳ୍ପ ଆରମ୍ଭ ହେଲା ନା ନାହିଁ ,ଯଦି ଆରମ୍ଭ ନ ହୋଇ ୨ ରୁ ୩ ବର୍ଷ ହେଲା ପଡିଆ ପଡିଛି,ଆମେ ଦେଇଥିବା ଜମିର ଦୂରୁପଯୋଗ ହେଉଛି ଅନ୍ୟ କାମରେ ବ୍ୟବାହର ହେଉଛି ତାହାକୁ ଠାବ କରିବା ପାଇଁ ନିଦ୍ଦେର୍ଶ ଦିଆଯାଇଛି। ଏହାସହ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ସହ ଯେଉଁ ଜମିକୁ ନିର୍ଦ୍ଦିଷ୍ଟ ପ୍ରକଳ୍ପ ପାଇଁ ଦେଇଛୁ। ପ୍ରକଳ୍ପ ନାହିଁ ତ ଜମି ନାହିଁ। ଫେରସ୍ତ ପରେ ଖେଳ ପଡିଆ ହେବ, ସରକାରୀ ଭିତିଭୂମି,ଷ୍ଟାଡିୟମ ହେବ ବୋଲି ମନ୍ତ୍ରୀ କହିଥିଲେ। ସହଜରେ ଜମି ଖୋଜିଲେ ଖଣ୍ଡେ ମିଳୁନାହିଁ ଅନ୍ୟମାନେ ନେଇଛି ମାଡି ବସିଛନ୍ତି କିନ୍ତୁ ପ୍ରକଳ୍ପ କରୁନାହାନ୍ତି। ସେହିପରି ବନ୍ଦ ଥିବା ପ୍ରକଳ୍ପ ଉପରେ ସମୀକ୍ଷା ହେବ ଆସନ୍ତା ମାସରେ ପ୍ରଥମ ସପ୍ତାହରେ ଗଞ୍ଜାମ ଜିଲାକୁ ଆସି ଏହାର ସମିକ୍ଷା କରିବେ ବୋଲି ମନ୍ତ୍ରୀ କହିଥିଲେ।
ସେହିପରି ଗୋପାଳପୁରସ୍ଥିତ ଗୋଳାବନ୍ଧଠାରେ ସେନାବାହିନୀ ଜମିରେ ଲୋକମାନେ ରହୁଛନ୍ତି। ସେମାନଙ୍କୁ ସେଠାରୁ ସ୍ଥାନାନ୍ତର ହେବା ସହ ଥଇଥାନ କରାଯିବ ସେ ବାବଦରେ ଶହେ କୋଟି ଟଙ୍କା ଖର୍ଚ୍ଚ ହେବ। ସେହି ଜାଗାକୁ ଭାରତୀୟ ସେନାକୁ ପ୍ରଦାନ କରାଯିବ । ସେଠାରେ ସେମାନେ ଅତ୍ୟାଧୁନିକ ଯନ୍ତ୍ରପାତି ଲଗାଇବେ। ଜିଲାରେ ବିକାଶର କାମ କେତେଦୁର ଗଲା ଶିଳ୍ପ କେତେ ଆସିଲା ଏବଂ ନ ଆସିଲା କେତେ ଜମି ମାଡି ବସିଛନ୍ତି ତାହାର ସମୀକ୍ଷା କରିବେ । ଏପରିକି କିଛି କମ୍ପାନୀ ଆସି ଥଇଥାଇ କରିବା ବେଳେ ସଠିକ ଭାବେ କରୁନାହାନ୍ତି ଏବଂ ସ୍ଥାନୀୟ ଯୁବକ ମାନଙ୍କୁ ଅବହେଳା କରାଯାଇଛି ବୋଲି ଅଭିଯୋଗ ଆସିଛି। ଏହା ଉପରେ ମଧ୍ୟ ଆସନ୍ତା ମାସ ପ୍ରଥମ ସପ୍ତାହରେ ସମୀକ୍ଷା କରାଯିବ ବୋଲି ମନ୍ତ୍ରୀ କହିଥିଲେ । ଏପରିକି କିଛି କମ୍ପାନୀ ଆବଶ୍ୟକଠାରୁ ଅଧିକ ଜମି ମାଡି ବସିଥିବା ନେଇ ମନ୍ତ୍ରୀଙ୍କୁ ଅଞ୍ଚଳବାସୀ ଅଭିଯୋଗ କରାଯାଇଥିଲା । ମନ୍ତ୍ରୀଙ୍କ ସହ ଛତ୍ରପୁର ବିଧାୟକ କୃଷ୍ଣଚନ୍ଦ୍ର ନାୟକ ମଧ୍ୟ ଉପସ୍ଥିତ ଥିଲେ ।
Dharitri – Odisha’s No.1 Odia Daily
