ଢେଙ୍କାନାଳ ଅଫିସ, ୭ା୭
ଚଳିତବର୍ଷ ଶ୍ରାବଣ ମାସର ପ୍ରଥମ ସୋମବାରରେ କପିଳାସ ଭକ୍ତଶୂନ୍ୟ ହୋଇପଡିଛି। କରୋନା ସଂକ୍ରମଣ ରୋକିବାକୁ ଜିଲା ପ୍ରଶାସନ ପକ୍ଷରୁ କପିଳାସ ସମେତ ଜିଲାର ୧୪ଟି ଶୈବପୀଠରେ କାଉଡିଆଙ୍କ ସମାଗମ ବନ୍ଦ କରିବାକୁ ୧୪୪ ଧାରା ଜାରି କରାଯାଇଛି। ଫଳରେ ପ୍ରଥମ ସୋମବାର ପ୍ରସିଦ୍ଧ ଶୈବପୀଠ କପିଳାସ ଭକ୍ତ ବିନା ଖାଁ ଖାଁ ହୋଇପଡିଥିଲା। ମନ୍ଦିରର ପ୍ରବେଶଦ୍ୱାର ପୂର୍ବରୁ ବାଉଁଶରେ ବ୍ୟାରିକେଡ୍ କରାଯାଇ ବାଟ ବନ୍ଦ କରାଯିବା ସହ ସେଠାରେ ପୋଲିସ ମୁତୟନ କରାଯାଇଥିଲା। ଦିନତମାମ ପୋଲିସ ପାଟ୍ରୋଲିଂ ମଧ୍ୟ ଜାରି ରହିଥିଲା ା କେବଳ ପୂଜକ ଓ ସେବାୟତମାନଙ୍କୁ ଛାଡି ମନ୍ଦିରରେ କୌଣସି ଭକ୍ତ ନ ଥିବା ଦେଖାଯାଇଥିଲା ା
