ଓଡ଼ିଶାରେ କୌଣସି ବିକାଶ ହୋଇ ନାହିଁ: ରାଜନାଥ

ଖୋର୍ଦ୍ଧା,୨୦।୫(ପ୍ରଭାତ ପାଣିଗ୍ରାହୀ): ଖୋର୍ଦ୍ଧା ହାବେଳି ପଡ଼ିଆରେ ରବିବାର ଆୟୋଜିତ ବିଜୟ ସଂକଳ୍ପ ସମାବେଶରେ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ତଥା ବରିଷ୍ଠ ଭାଜପା ନେତା ରାଜନାଥ ସିଂ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି। ଓଡ଼ିଶାରେ ୫୦ ବର୍ଷ କଂଗ୍ରେସ ଏବଂ ୨୫ ବର୍ଷ ବିଜେଡି ସରକାର ରହିଥିଲେ ମଧ୍ୟ ସେଭଳି କୌଣସି ବିକାଶ ହୋଇପାରିନାହିଁ। ଉଭୟ ସରକାର ଦୁର୍ନୀତିଗ୍ରସ୍ତ। ଏହି ସରକାରରେ ଓଡ଼ିଆ ତା’ର ସ୍ବାଭିମାନ ହରାଇଛି। ଓଡ଼ିଶାରେ ଭାଜପା ସରକାର ଆସିଲେ, ରତ୍ନଭଣ୍ଡାର ଚାବି ହଜିବା ଏବଂ ଡୁପ୍ଲିକେଟ ଚାବି ମିଳିବା ଘଟଣାର ସରଜମିନ ତଦନ୍ତ କରାଯିବ ବୋଲି ରାଜନାଥ କହିଛନ୍ତି। ଏହି ଅବସରରେ ସେ ଭୁବନେଶ୍ୱର ଲୋକ ସଭା ପ୍ରାର୍ଥୀ ଅପରାଜିତା ଷଡ଼ଙ୍ଗୀ ଓ ଖୋର୍ଦ୍ଧା ବିଧାୟକ ପ୍ରାର୍ଥୀ ପ୍ରଶାନ୍ତ ଜଗଦ୍ଦେବଙ୍କ ପାଇଁ ନିର୍ବାଚନୀ ପ୍ରଚାର କରିଛନ୍ତି।

ଜୟ ଜଗନ୍ନାଥ କହି ରାଜନାଥ ଭାଷଣ ଆରମ୍ଭ କରିଥିଲେ। ପାଇକ ବିଦ୍ରୋହର ବୀରତ୍ୱ ଗାଥା ମନେପକାଇ ଜୟୀ ରାଜଗୁରୁ, ବକ୍ସି ଜଗବନ୍ଧୁଙ୍କ ସମେତ ପଞ୍ଚପାଇକଙ୍କୁ ସେ ସ୍ମରଣ କରିଥିଲେ। ସେ କହିଥିଲେ, ଓଡ଼ିଆ ବହୁତ ଭଲ ଭାଷା। ଖୋର୍ଦ୍ଧା ବୀରତ୍ୱର ମାଟି। ୭୫ ବର୍ଷ ପରେ ଓଡ଼ିଶାରେ ଭାଜପା ସରକାର ଗଢିବାକୁ ଯାଉଛି। ଭାଜପା ଯାହା କହେ, ତାହା କରେ। ରାମଲାଲା ମନ୍ଦିର ପ୍ରତିଷ୍ଠା ପରେ ଭାରତରେ ରାମରାଜ୍ୟ ପ୍ରତିଷ୍ଠା ହେବାକୁ ଯାଉଛି। ଜାତି, ବର୍ଣ୍ଣ, ଧର୍ମ ଉପରେ ଭାଜପାର କାହା ସହ ମତାନ୍ତର ନାହିଁ। ସମସ୍ତ ବର୍ଗର ଭାରତୀୟଙ୍କ ପାଇଁ ଭାଜପା କାମ କରୁଛି। ଇନ୍ଦିରା ଗାନ୍ଧୀ ଓ ରାଜୀବ ଗାନ୍ଧୀଙ୍କଠାରୁ ମନମୋହନ ସିଂଙ୍କ ପର୍ଯ୍ୟନ୍ତ ସମସ୍ତେ ଗରିବୀ ହଟାଅ ସ୍ଲୋଗାନ ଦେଉଛନ୍ତି। ମାତ୍ର ତାହା କେବଳ ସ୍ଲୋଗାନରେ ସୀମିତ ରହିଯାଉଛି।

ଭାଜପା ସରକାର ଆସିବା ପରେ ଗରିବ କଲ୍ୟାଣ ସମେତ ଅନେକ ଲୋକାଭିମୁଖୀ ଯୋଜନା କରିଛନ୍ତି। ଦୁର୍ନୀତି, ଭ୍ରଷ୍ଟାଚାରର ମୂଳୋତ୍ପାଟନ କରିବାକୁ ହେଲେ ବ୍ୟବସ୍ଥାରେ ପରିବର୍ତ୍ତନ ଜରୁରୀ। ଦିନ ଥିଲା, ଅନ୍ତଃରାଷ୍ଟୀୟ ସ୍ତରରେ ଭାରତର ସେଭଳି କୌଣସି ଗୁରୁତ୍ୱ ନ ଥିଲା। ଆଜି ଭାରତ ବିଶ୍ୱର ୫ମ ଅର୍ଥନୈତିକ ରାଷ୍ଟ୍ରରେ ପରିଣତ ହୋଇଥିବାବେଳେ ଆଗାମୀ ବର୍ଷରେ ୩ୟ ବୃହତ ଅର୍ଥନୈତିକ ରାଷ୍ଟ ଏବଂ ୨୦୪୭ ମସିହା ବେଳକୁ ଭାରତକୁ ବିଶ୍ୱର ମହାନ ଶକ୍ତିରେ ପରିଣତ କରିବାକୁ ଚାହେଁ ଭାଜପା ସରକାର। ସେ କଂଗ୍ରେସକୁ ଟାର୍ଗେଟ କରି କହିଲେ ଯେ, ବିରୋଧୀ ସବୁବେଳେ ଦେଶର ବିକାଶରେ ବାଧା ସୃଷ୍ଟି କରିଛନ୍ତି। ଜମ୍ମୁ କଶ୍ମୀରରୁ ୩୭୦ ଧାରା, ଟ୍ରିପଲ ତଲାକ ଉଚ୍ଛେଦକୁ ନେଇ ବିରୋଧୀ ଦେଶରେ ହଙ୍ଗାମା କରିଥିଲେ।

ଭାରତ ପାଇଁ ଯାହା ପ୍ରଯୁଜ୍ୟ, ତାହା ଭାଜପା କରିବ। ପାକ୍‌ ଅଧିକୃତ କଶ୍ମୀର ଅଧିବାସୀ ଏବେ ପାକିସ୍ତାନର ବଶତା ସ୍ବୀକାର କରିବା ପରିବର୍ତ୍ତେ ଭାରତ ସହ ଯୋଡ଼ିହେବାକୁ ଚାହୁଁଛନ୍ତି। ଅନ୍ତଃରାଷ୍ଟ୍ରୀୟ ସ୍ତରରେ ସର୍ଭେ ରିପୋର୍ଟ କହୁଛି, ଭାଜପା ବହୁମତରେ ବିଜୟ ହାସଲ କରି ଦେଶରେ ପୁଣି ସରକାର ଗଢ଼ିବ। ଓଡ଼ିଶାରେ ଭାଜପା ସରକାର ଗଢିବାକୁ ହେଲେ ଜନତାଙ୍କ ସହଯୋଗ ଜରୁରୀ। ଅପରାଜିତାଙ୍କ ସମ୍ପର୍କରେ ଇସାରା ଦେଇ ଭୁବନେଶ୍ୱର କେବଳ ସାଂସଦ ବାଛୁନାହିଁ, ବରଂ ବଡ଼ ଦାୟିତ୍ୱ ଦେବାକୁ ଯାଉଛି ବୋଲି ସେ ପ୍ରକାଶ କରିଥିଲେ। ଏମ୍‌ପି ପ୍ରାର୍ଥୀ ଏବଂ ସମସ୍ତ ବିଧାୟକ ପ୍ରାର୍ଥୀଙ୍କୁ ଭୋଟ ଦେଇ ଜିତାଇବାକୁ ସେ ଆହ୍ବାନ ଦେଇଥିଲେ। ସଭାରେ ଏମ୍‌ପି ପ୍ରାର୍ଥୀ ଅପରାଜିତା ଷଡ଼ଙ୍ଗୀ, ବିଧାୟକ ପ୍ରାର୍ଥୀ ପ୍ରଶାନ୍ତ ଜଗଦ୍ଦେବଙ୍କ ସମେତ ଜିଲା ଭାଜପା ସଭାପତି ରଶ୍ମି ମହାପାତ୍ର, ବରିଷ୍ଠ ନେତ୍ରୀ ବାସନ୍ତୀ ମହାପାତ୍ର, କୁନିଲତା ସ୍ବାଇଁ, ଲୋକ ସଭା ପ୍ରଭାରୀ ଜୀବନ ସାହୁ, ନିର୍ବାଚନମଣ୍ଡଳୀ ସଂଯୋଜକ ଦୀପକ ହୋତା ପ୍ରମୁଖ ମଞ୍ଚାସୀନ ଥିଲେ।


Enter your email to get our daily news in your inbox.

All Right Reserved By Dharitri.Com

ଆରମ୍ଭ ହେଲା ବିଜେଡି ବିଧାୟକ ଦଳ ବୈଠକ, ହୋଇପାରେ ବଡ଼ ଘୋଷଣା

ଭୁବନେଶ୍ୱର,୧୯ା୬: ବୁଧବାର ଅପରାହ୍ନରେ ଶଙ୍ଖ ଭବନରେ ବିଜେଡି ବିଧାୟକ ଦଳ ବୈଠକ ବସିଛି। ଦଳର ସଭାପତି ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବସିଥିବା ଏହି ବୈଠକରେ କିଏ...

ସାର୍ବଜନୀନ ହେବ ରତ୍ନଭଣ୍ଡାର ରିପୋର୍ଟ

ଭୁବନେଶ୍ୱର,୧୯ା୬: ରତ୍ନଭଣ୍ଡାରର ରହସ୍ୟ ଜାଣିବାକୁ ରାଜ୍ୟବାସୀଙ୍କ ମଧ୍ୟରେ ଖୁବ୍‌ ଉତ୍କଣ୍ଠା ରହିଥିବା ବେଳେ ଖୁବ୍‌ଶୀଘ୍ର ଏହା ଉପରୁ ପରଦା ହଟିବାକୁ ଯାଉଛି। ଆସନ୍ତା ଜୁଲାଇ ୮ରେ...

ରତ୍ନଭଣ୍ଡାର ଖୋଲିବା ନେଇ ଏମିତି କହିଲେ ଧର୍ମେନ୍ଦ୍ର ପ୍ରଧାନ

ଭୁବନେଶ୍ୱର,୧୯ା୬: ଆସନ୍ତା ଜୁଲାଇ ୮ରେ ଶ୍ରୀମନ୍ଦିର ରତ୍ନଭଣ୍ଡାର ଖୋଲାଯିବ। ଏନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ତାଙ୍କ ସୋସିଆଲ ମିଡିଆ ‘ଏକ୍ସ’ ହ୍ୟାଣ୍ଡେଲରେ ଏକ ପୋଷ୍ଟ କରିଛନ୍ତି।...

ବାଲେଶ୍ୱରରେ ଚାଲିଛି କର୍ଫ୍ୟୁ, ହେଲେ କାହିଁକି ବନ୍ଦ ହେଲା ଇଣ୍ଟରନେଟ୍‌

ବାଲେଶ୍ୱର,୧୯।୬(ମାନସ ବିଶ୍ୱାଳ): ଅଶାନ୍ତ ହୋଇପଡିଛି ବାଲେଶ୍ୱର। ନାଳରେ ପ୍ରବାହିତ ଲାଲ ରଙ୍ଗର ପାଣିକୁ ନେଇ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ହୋଇଛି। ଯାହାପରେ ବାଲେଶ୍ୱରରେ ୧୪୪...

ପ୍ରକାଶ ପାଇଲା OSSTET ରେଜଲ୍ଟ, ଜାଣନ୍ତୁ କେମିତି କରିବେ ଡାଉନ୍‌ଲୋଡ୍‌

କଟକ,୧୯ା୬(କାର୍ତ୍ତିକ ସାହୁ): ବୁଧବାର ପ୍ରକାଶ ପାଇଛି ଓଏସ୍‌ଏସ୍‌ଟିଇଟି ରେଜଲ୍ଟ। (ODISHA SECONDARY SCHOOL TEACHER ELIGIBILITY TEST)। ଏହି ରେଜଲ୍ଟ ଜାଣିବା ପାଇଁ www.bseodisha.ac.inରେ ଲଗ୍‌...

ଜୁଲାଇ ୮ରେ ଖୋଲିବ ରତ୍ନ ଭଣ୍ଡାର, ଭଣ୍ଡାରରେ ରହିଛି ଏତେ ସୁନା-ରୁପା ଅଳଙ୍କାର!

ଭୁବନେଶ୍ୱର,୧୯।୬: ଖୋଲିବ କାଳିଆର ରତ୍ନ ଭଣ୍ଡାର। ଓଡ଼ିଶାରେ ନୂଆ ସରକାର ଶପଥ ନେବା ପରେ ଏବେ ଜୁଲାଇ ୮ରେ ରତ୍ନ ଭଣ୍ଡାର ଖୋଲିବା ନେଇ ନିଷ୍ପତ୍ତି...

ରାଜ୍ୟରେ ମୌସୁମୀ ବାୟୁ ସକ୍ରିୟ, ଆସନ୍ତା ୨୪ଘଣ୍ଟା ମଧ୍ୟରେ ୧୫ଟି ଜିଲ୍ଲା ପାଇଁ ସତର୍କ ସୂଚନା

ଭୁବନେଶ୍ୱର, ୧୯।୬: ଦକ୍ଷିଣ ପଶ୍ଚିମ ମୌସୁମୀ ବାୟୁ ଓଡ଼ିଶାରେ ସକ୍ରିୟ ରହିଛି । ଆସନ୍ତା ୩ରୁ ୪ ଦିନ ମଧ୍ୟରେ ରାଜ୍ୟର ଆଉକିଛି ଅଞ୍ଚଳକୁ ମୌସୁମୀ...

ମୁଖ୍ୟମନ୍ତ୍ରୀଙ୍କ ବଡ଼ କାର୍ଯ୍ୟାନୁଷ୍ଠାନ, CMOରୁ ୨୨ ଅଧିକାରୀ ବିଦା

ଭୁବନେଶ୍ୱର,୧୯।୬: ଓଡ଼ିଶାରେ ଭାଜପା ପ୍ରଥମ ଥର ଲାଗି ସରକାର ଗଢ଼ିଛି। ନୂଆ ସରକାର ଆସିବା ପରେ ପ୍ରଶାସନିକ ସ୍ଥରରେ ବ୍ୟାପକ ପରିବର୍ତ୍ତନ ଦେଖିବାକୁ ମିଳୁଛି ।...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri