ନୂଆଦିଲ୍ଲୀ,୧୧।୫: ଶ୍ରେୟାସ ଆୟରଙ୍କ ଅନୁପସ୍ଥିତିରେ ନୀତୀଶ ରାଣା ଆଇପିଏଲ ୨୦୨୩ରେ କୋଲକାତା ନାଇଟ ରାଇଡର୍ସ (କେକେଆର)ର ଅଧିନାୟକତ୍ୱ ଭାର ସମ୍ଭାଳିଛନ୍ତି। ଆୟରଙ୍କ ପିଠିରେ ଆଘାତ ହେତୁ ଆଇପିଏଲ ୧୬ରେ ଖେଳିପାରିନାହାନ୍ତି। ତେବେ ନୀତୀଶ ରାଣାଙ୍କ ଅଧିନାୟକତ୍ୱରେ କେକେଆର ଏ ପର୍ଯ୍ୟନ୍ତ ୧୧ ଟି ମ୍ୟାଚ ଖେଳିଛି ଯେଉଁଥିରେ ଦଳ ୫ ଟି ମ୍ୟାଚ ଜିତିଛି ଏବଂ ୬ଟି ମ୍ୟାଚ ହାରିଛି। ଟୁର୍ନାମେଣ୍ଟରେ ନୀତୀଶଙ୍କ ଅଧିନାୟକତ୍ୱକୁ ନେଇ ଦଳର ମାଲିକ ଶାହାରୁଖ ଖାନ ବହୁତ ଖୁସିଥିବା ନଜର ଆସିଛନ୍ତି। ଅଧିନାୟକ ନୀତୀଶ ନିଜେ ଏହା ଖୁଲାସା କରିଛନ୍ତି।
ଷ୍ଟାର ସ୍ପୋର୍ଟସ ସହ କଥାବାର୍ତ୍ତା କରି ନୀତୀଶ ରାଣା କହିଛନ୍ତି, ଶାହରୁଖ ଖାନ ତାଙ୍କ ଅଧିନାୟକତ୍ୱକୁ ପ୍ରଶଂସା କରିଛନ୍ତି। ନିକଟରେ ଶାହରୁଖ ଖାନଙ୍କର ଏକ କଲ ଆସିଥିଲା। ସେ କହିଥିଲେ, ଭରଷା ରଖ। ଆପଣ ଜଣେ ଅଧିନାୟକ ଭାବରେ ଭଲ କାର୍ଯ୍ୟ କରୁଛନ୍ତି। ଅଧିକ ସନ୍ଦେହ ଆଣିବାର ଆବଶ୍ୟକତା ନାହିଁ । ଯାହା ଭାବୁଛନ୍ତି ତାହା କରନ୍ତୁ, ମୁଁ ତୁମକୁ ସମର୍ଥନ କରୁଛି।
କୋଲକାତା ନାଇଟ ରାଇଡର୍ସ ପଏଣ୍ଟ ଟେବୁଲରେ ଷଷ୍ଠ ସ୍ଥାନରେ ରହିଛି। ୧୧ଟି ମ୍ୟାଚରେ ଦଳର ୫ଟି ବିଜୟ ସହ ୧୦ ପଏଣ୍ଟ ଏବଂ -୦.୦୭୯ ନେଟ ନେ ରେଟ୍ଟ ଅଛି।ଦଳ ଏ ପର୍ଯ୍ୟନ୍ତ ମୋଟ ତିନିଟି ଲିଗ ମ୍ୟାଚ ଖେଳିବା ବାକି ଅଛି। ସମସ୍ତ ତିନୋଟି ମ୍ୟାଚ ଜିତିବା ଦ୍ୱାରା କେକେଆର୍ ପ୍ଲେ ଅଫ ଟିକେଟ କାଟିବ। କୋଲକାତା ସେମାନଙ୍କର ପରବର୍ତ୍ତୀ ମ୍ୟାଚ ଆଜି ଅର୍ଥାତ୍ ଗୁରୁବାର ରାଜସ୍ଥାନ ରୟାଲ୍ସ ବିପକ୍ଷରେ ନିଜ ଘରୋଇ ଷ୍ଟାଡିୟମ ଇଡେନ ଗାର୍ଡେନ୍ସରେ ଖେଳିବ।
