ନୂଆଦିଲ୍ଲୀ,୮।୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ ସାରା ଦେଶରେ ଭାଜପା ବିରୋଧୀ ଦଳକୁ ଏକତ୍ର କରି ପାଟନାରେ ବିରୋଧୀ ଏକତାର ପ୍ରଥମ ବୈଠକ ଆୟୋଜନ କରିଥିବା ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ପ୍ରଧାନମନ୍ତ୍ରୀଙ୍କୁ ଭେଟିବାକୁ ଯାଉଛନ୍ତି। ପ୍ରଧାନମନ୍ତ୍ରୀ ଏବଂ ବିହାର ମୁଖ୍ୟମନ୍ତ୍ରୀଙ୍କ ମଧ୍ୟରେ ଏହି ସାକ୍ଷାତକାର ଶନିବାର ଦିଲ୍ଲୀରେ ଅନୁଷ୍ଠିତ ହେବ। ଜି -୨୦ରାଜ୍ୟ ମୁଖ୍ୟଙ୍କ ପାଇଁ ଆୟୋଜିତ ରାତ୍ର ଭୋଜନରେ ଯୋଗଦେବା ପାଇଁ ମୁଖ୍ୟମନ୍ତ୍ରୀ ନୀତୀଶ କୁମାର ମଧ୍ୟ ଦିଲ୍ଲୀ ଯାଉଛନ୍ତି।
ମୁଖ୍ୟମନ୍ତ୍ରୀ ନୀତୀଶ କୁମାର ପ୍ରଧାନମନ୍ତ୍ରୀ ମୋଦିଙ୍କ ନିମନ୍ତ୍ରଣକୁ ଯାଉନାହାଁନ୍ତି। ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ନିମନ୍ତ୍ରଣ କ୍ରମେ ସେ ଦିଲ୍ଲୀ ଯିବେ। ଏହି ରାତ୍ର ଭୋଜନରେ ଜି -୨୦ଦେଶର ମୁଖ୍ୟ, ଆୟୋଜକ ଭାରତର ପ୍ରଧାନମନ୍ତ୍ରୀ, କେନ୍ଦ୍ର କ୍ୟାବିନେଟର ସଦସ୍ୟ, ସମସ୍ତ ରାଜ୍ୟର ମୁଖ୍ୟମନ୍ତ୍ରୀଙ୍କ ମଧ୍ୟ ଆମନ୍ତ୍ରିତ ହୋଇଛନ୍ତି।
