ନୂଆଦିଲ୍ଲୀ, ୨୩।୦୮: ଭାରତ ପାଇଁ ଅଲିମ୍ପିକ୍ରେ ସ଼୍ବର୍ଣ୍ଣ ଏବଂ ରୌପ୍ୟ ପଦକ ଆଣିଥିବା ଜଭେଲିନ୍ ଷ୍ଟାର ନୀରଜ ଚୋପ୍ରା ୨୨ ଅଗଷ୍ଟରୁ ଲୁସାନେ ଡାଇମଣ୍ଡ ଲିଗ୍ରେ ଭାଗ ନେଇଛନ୍ତି । ନୀରଜଙ୍କୁ ଏହି ଲିଗ୍ରେ ପୁଣିଥରେ ଆକ୍ସନ ମୋଡ୍ରେ ଦେଖିବାକୁ ମିଳିଛି । ନୀରଜ ଏହି ଲିଗ୍ରେ ୮୯.୪୯ ମିଟର ଥ୍ରୋ କରିଥିଲେ । ଯାହାକି ଚଳିତ ସିଜନରେ ଏପର୍ଯ୍ୟନ୍ତ ତାଙ୍କର ସର୍ବୋତ୍ତମ ଥ୍ରୋ ଥିଲା । ତେବେ ଏହି ଥ୍ରୋ ସତ୍ତ଼୍େବ ଡାଇମଣ୍ଡ ଲିଗ ଫାଇନାଲରେ ନୀରଜ ତାଙ୍କ ସ୍ଥାନ ସୁରକ୍ଷିତ କରିପାରିନଥିଲେ। ଲୁସାନେରେ ଆୟୋଜିତ ଇଭେଣ୍ଟରେ ମୋଟ ୭ ପଏଣ୍ଟ ପାଇ ପଏଣ୍ଟ ଟେବୁଲରେ ବର୍ତ୍ତମାନ ସେ ତୃତୀୟ ସ୍ଥାନରେ ଅଛନ୍ତି।
ଫାଇନାଲ୍ରେ ନୀରଜଙ୍କ ପୂର୍ବରୁ ଅନ୍ୟ ଦୁଇ ଆଥ୍ଲେଟ୍ ପହଞ୍ଚିଛନ୍ତି । ୧୪ ପଏଣ୍ଟ ସହ ଡାଇମଣ୍ଡ ପଏଣ୍ଟ ଟେବୁଲରେ ନୀରଜ ଚୋପ୍ରା ଚତୁର୍ଥ ସ୍ଥାନରେ ଥିବାବେଳେ ଆଣ୍ଡରସନ ପିଟର୍ସ ୯୦.୬୧ ମିଟର ଥ୍ରୋ ସହ ଲୁସାନେ ଡାଇମଣ୍ଡ ଲିଗରେ ପ୍ରଥମ ସ୍ଥାନ ଅଧିକାର କରିଛନ୍ତି ଏବଂ ଫାଇନାଲ ପାଇଁ ମଧ୍ୟ ସ୍ଥାନ ସୁରକ୍ଷିତ କରିଛନ୍ତି । ଜୋକିଭ୍ ଭାଲଡିଚ ୧୬ ପଏଣ୍ଟ ସହ ପଏଣ୍ଟ ଟେବୁଲରେ ଦ୍ୱିତୀୟ ସ୍ଥାନରେ ଅଛନ୍ତି ଏବଂ ସେ ମଧ୍ୟ ତାଙ୍କ ସ୍ଥାନ ନିଶ୍ଚିତ କରିଛନ୍ତି । ନୀରଜଙ୍କ ବ୍ୟତୀତ ଜୁଲିଆନ ୱେବର ମଧ୍ୟ ୧୪ ପଏଣ୍ଟରେ ଅଛନ୍ତି ଏବଂ ସେ ମଧ୍ୟ ଫାଇନାଲରେ ପ୍ରବେଶ କରିବାକୁ ଦୌଡ଼ରେ ଅଛନ୍ତି । ଲୁସାନେ ଡାଇମଣ୍ଡ ଲିଗରେ ନୀରଜ ୮୨-୮୨ ମିଟରର ପ୍ରଥମ ଚାରିଟି ଥ୍ରୋ ଫିଙ୍ଗିଥିଲେ, ଏହା ପରେ ସେ ୮୫.୫୮ ମିଟରର ପଞ୍ଚମ ଥ୍ରୋ ଫିଙ୍ଗିଥିଲେ ଏବଂ ୮୯.୪୯ର ଶେଷ ଥ୍ରୋ ସହିତ ସେ ଲୁସାନେରେ ତୃତୀୟ ସ୍ଥାନରେ ରହିଛନ୍ତି ।
