କଥାରେ ଅଛି କୁଦୃଷ୍ଟି ପଡ଼ିଲେ କିଛି ବି ଉଧାଏ ନାହିଁ। ମଣିଷର ଘର, ପଦୋନ୍ନତି, ଦୋକାନଠାରୁ ଆରମ୍ଭ କରି ଅନେକ ଜିନିଷ ଉପରେ ଖରାପ ନଜର ପଡ଼ିଥାଏ। ବିଶେଷକରି ଛୋଟ କଅଁଳ ଶିଶୁଙ୍କୁ ଦୃଷ୍ଟି ଲାଗେ ବୋଲି କୁହାଯାଏ। ଏପରି ହେଲେ ସେମାନେ ଅସୁସ୍ଥ ହୋଇପଡ଼ନ୍ତି। ଖାଇବାପିଇବା ଛାଡ଼ି ଦେଇ ଚିଡ୍ଚିଡା ହୋଇଯାଆନ୍ତି। ଜ୍ୟୋତିଷ ଶାସ୍ତ୍ରରେ ଏହି କୁଦୃଷ୍ଟିର ପ୍ରତିକାର ବିଷୟରେ ଅନେକ କିଛି କୁହାଯାଇଛି। ଆସନ୍ତୁ ଜାଣିବା:
-ପିଲା ଚିଡ୍ଚିଡା ହେଉଥିଲେ ଏବଂ କାନ୍ଦିବା ବନ୍ଦ କରୁ ନ ଥିଲେ, ଆପଣ ଏକ ତମ୍ବା ଢ଼ାଳରେ ପାଣି ଏବଂ ଫୁଲ ରଖନ୍ତୁ। ଏହାକୁ ନେଇ ପିଲାର ମୁଣ୍ଡରୁ ନେଇ ପାଦ ଯାଏ ୧୧ ଥର ବୁଲାଇ ନିଅନ୍ତୁ। ପରେ ଏହି ପାଣିକୁ ଏକ କୁଣ୍ଡରେ ପକାନ୍ତୁ। ଏହାଫଳରେ ଦୃଷ୍ଟିଦୋଷର ପ୍ରଭାବ କମିଯାଇଥାଏ।
-ଶୁଖିଲା ଲାଲ ଲଙ୍କା:
ଜ୍ୟୋତିଷ ଅନୁଯାୟୀ ଶୁଖିଲା ନାଲି ଲଙ୍କାକୁ ପିଲାର ଉପରେ ତିନି ଥର ବୁଲାଇ ନିଅନ୍ତୁ। ଏହାପରେ ଲଙ୍କାଗୁଡ଼ିକୁ ପୋଡ଼ି ଦିଅନ୍ତୁ। ଏହାଫଳରେ ଧିରେ ଧିରେ ନଜର ଦୋଷ ହ୍ରାସ ପାଇବ।
-ଶିଶୁର ବିକାଶରେ ବାଧା ହେଉଥିଲେ ଫିଟିକିରି ଏବଂ ସୋରିଷକୁ ପିଲା ଉପରେ ସାତ ଥର ବୁଲାଇ ନେଇ ନିଆଁରେ ଜଳାଇ ଦିଅନ୍ତୁ। ଏହାଦ୍ୱାରା ପିଲାର ଦୃଷ୍ଟି କଟିଯାଇଥାଏ।
-ଶିଶୁ କ୍ଷୀର ପିଉ ନ ଥିଲେ, କାନ୍ଦୁଥିଲେ, ଚିଡ୍ଚିଡା ହେଉଥିଲେ, ତାର ପ୍ରତିକାର ପାଇଁ ଶନିବାର ଦିନ କଞ୍ଚା କ୍ଷୀରକୁ ନେଇ ତାଙ୍କ ମୁଣ୍ଡରୁ ପାଦ ଯାଏ ବୁଲାଇ ନିଅନ୍ତୁ। ପରେ ଏହି କ୍ଷୀରକୁ କୁକୁରକୁ ଖାଇବାକୁ ଦିଅନ୍ତୁ। ଏହାଦ୍ୱାରା ଶିଶୁଟି ପୁଣି ଥରେ ମା’ କ୍ଷୀର ପିଇବ।
