ଭୁବନେଶ୍ୱର,୯।୪: ପୁଣିଥରେ ଭିକେ. ପାଣ୍ଡିଆନଙ୍କ ସପକ୍ଷରେ ବାହାରିଲେ ନବୀନ ପଟ୍ଟନାୟକ। ବୁଧବାର ନବୀନ ଗଣମାଧ୍ୟମ ଆଗରେ ନିଜର ପ୍ରତିକ୍ରୀୟା ରଖି ଘଟଣା ସମ୍ପର୍କରେ ଏବଂ ପାଣ୍ଡିଆନଙ୍କ ସପକ୍ଷରେ ବୟାନ ଦେଇଛନ୍ତି।
ନବୀନ କହିଛନ୍ତି, “ମୁଁ ଏଠାରେ କହିବାକୁ ଚାହୁଁଛି ଯେ ଦଳୀୟ ସଦସ୍ୟଙ୍କ ଦ୍ୱାରା ହୋଟେଲରେ ହେଉଥିବା କୌଣସି ବଡ଼ ବୈଠକକୁ ମୁଁ ବିରୋଧ କରେ। ସେମାନଙ୍କର ଦଳୀୟ କାର୍ଯ୍ୟାଳୟ ‘ଶଙ୍ଖ ଭବନ’ ଅଛି, ଯାହା ଏକ ବଡ଼ ସ୍ଥାନ ଯେଉଁଠାରେ ସେମାନଙ୍କୁ କୁହାଯାଇଛି ଯେ ସେମାନେ ସେମାନଙ୍କର ବୈଠକ କରିବା ଉଚିତ ଏବଂ ସେମାନେ ତାହା କରିବା ଉଚିତ। ମୁଁ ଏଠାରେ ସ୍ପଷ୍ଟ ଭାବରେ କହିବାକୁ ଚାହୁଁଛି ଯେ ପୂର୍ବତନ ବିଧାୟକ ପ୍ରବତ ତ୍ରିପାଠିଙ୍କୁ କିଛି ବର୍ଷ ପୂର୍ବରୁ ବିଜେଡିରୁ ବହିଷ୍କାର କରାଯାଇଥିଲା କାରଣ ସେ ଚିଟ୍-ଫଣ୍ଡ ମାମଲାରେ ଅଭିଯୁକ୍ତ ଥିଲେ ଏବଂ କିଛି ବର୍ଷ ଜେଲରେ ବିତାଇଛନ୍ତି। ମୁଁ ପୁଣି ଥରେ ସ୍ପଷ୍ଟ କରିବାକୁ ଚାହୁଁଛି ଯେ ସେ ଦଳର ନୁହଁନ୍ତି। ମୁଁ ଏହା ମଧ୍ୟ ସ୍ପଷ୍ଟ ଭାବରେ କହିବାକୁ ଚାହୁଁଛି ଯେ କାର୍ତ୍ତିକେୟନ ପାଣ୍ଡିଆନ ଅତୀତରେ କେବଳ ରାଜ୍ୟ ପାଇଁ ନୁହେଁ ବରଂ ଦଳ ପାଇଁ ବହୁତ ଭଲ କାମ କରିଛନ୍ତି। ତେଣୁ, ତାଙ୍କୁ କୌଣସି ବିଷୟରେ ସମାଲୋଚନା କିମ୍ବା ଦୋଷ ଦିଆଯିବା ଉଚିତ୍ ନୁହେଁ। ଏହା ସହିତ, ସେ 10 ମାସରୁ ଅଧିକ ସମୟ ପୂର୍ବରୁ ଦଳ ଛାଡିଥିଲେ ଏବଂ ଦଳର କୌଣସି କାର୍ଯ୍ୟରେ ସାମିଲ ନାହାଁନ୍ତି।”
VIDEO | Bhubaneswar: “I would like to state here that I disapprove of any meetings in hotels held by party members. They have Bhavan, which is a large building,” says former Odisha CM and BJD supremo Naveen Patnaik on several party leaders holding a meeting at a hotel.
(Full… pic.twitter.com/cfp5QmQzNA
— Press Trust of India (@PTI_News) April 9, 2025
ରାଜ୍ୟ ସଭାରେ ଓ୍ବକ୍ଫ ବିଲ୍କୁ ନେଇ ବିଜେଡି ଶେଷ ମୁହୂର୍ତ୍ତରେ ରଖିଥିବା ନିଜର ଆଭିମୁଖ୍ୟ ପାଇଁ ଦଳ ଭିତରେ ଦ୍ଵନ୍ଦ ସୃଷ୍ଟି କରିଛି। ଦଳର ଅନେକ ନେତା ଖୋଲାଖୋଲି ଏହାକୁ ବିରୋଧ କରୁଥିବା ବେଳେ ଗଣମାଧ୍ୟମ ଆଗରେ ମଧ୍ୟ ନାନା ମନ୍ତବ୍ୟ ଦେଇଥିଲେ।
ଏହାରି ମଧ୍ୟରେ ରାଜ୍ୟ ସଭା ଏମପି ଦେବାଶିଷ ସାମନ୍ତରାୟଙ୍କ ସହିତ ଅନେକ ନେତା ପାଣ୍ଡିଆନଙ୍କୁ ଏଥିପାଇଁ ଟାର୍ଗେଟ କରିଥିଲେ। ଏହାପରେ କିଛି ଯୁବନେତା ପାଣ୍ଡିଆନଙ୍କ ସପକ୍ଷରେ ମଧ୍ୟ ଆସିଥିଲେ। ଏହାପରେ ଦୁଇ ପକ୍ଷଙ୍କ ମଧ୍ୟେ ନାନା କଥା ସବୁ କୁହାଯାଇଥିଲା। ଏପରିକି ବରିଷ୍ଠ ଏବଂ ଯୁବନେତାମାନେ ମଧ୍ୟ ଯାଇ ନବୀନଙ୍କୁ ଭେଟିଥିଲେ। ବୁଧବାର ନବୀନ ଗଣମାଧ୍ୟମ ଆଗରେ ନିଜର ପ୍ରତିକ୍ରୀୟା ରଖି ଘଟଣା ସମ୍ପର୍କରେ ଏବଂ ପାଣ୍ଡିଆନଙ୍କ ସପକ୍ଷରେ ବୟାନ ଦେଇଛନ୍ତି।
