ଭୋପାଳ,୪ ।୧୨: ମଧ୍ୟ ପ୍ରଦେଶର ଗୃହମନ୍ତ୍ରୀ ନରୋତ୍ତମ ମିଶ୍ର ପୁଣିଥରେ ରାହୁଲ ଗାନ୍ଧୀଙ୍କ ଭାରତ ଯୋଡୋ ଯାତ୍ରାକୁ ଟାର୍ଗେଟ କରିଛନ୍ତି । କଂଗ୍ରେସର ଏହି ଭାରତ ଯୋଡୋ ଯାତ୍ରାରେ ଅଭିନେତ୍ରୀ ସ୍ୱରା ଭାସ୍କର ସାମିଲ ହୋଇଥିଲେ । କଂଗ୍ରେସର ଭାରତ ଯୋଡୋ ଯାତ୍ରାରେ ଅଭିନେତ୍ରୀ ସ୍ୱରା ଭାସ୍କର ସାମିଲ ହେବାକୁ ନେଇ ନରୋତ୍ତମ ମିଶ୍ର ରବିବାର ମଧ୍ୟ ପ୍ରଦେଶର ଦତିୟାରେ କହିଛନ୍ତି, ଯେଉଁ ଯାତ୍ରାରେ ସ୍ୱରା ଭାସ୍କର ଓ କହ୍ନେୟା କୁମାରଙ୍କ ଭଳି ଲୋକେ ସାମିଲ ହେଉଛନ୍ତି ସେହି ଯାତ୍ରାରୁ କ’ଣ ଆଶା କରାଯାଇପାରେ ।
ନରୋତ୍ତମ କିଶ୍ର କହିଛନ୍ତି ଆପଣମାନେ ବୁଝିପାରୁଥିବେ ଏହି ଯାତ୍ରାର ଲକ୍ଷ୍ୟ କ’ଣ ହୋଇପାରେ । ଭାରତ ଯୋଡୋ ଯାତ୍ରାରେ ‘ପାକିସ୍ତାନ ଜିନ୍ଦାବାଦ’ ସ୍ଲୋଗାନ ଦିଆଯାଉଛି । ସତ ଶେଷରେ ସାମ୍ନାକୁ ଆସିଛି । ଏହା ପୂର୍ବରୁ ଶୁକ୍ରବାର ମଧ୍ୟ ପ୍ରଦେଶର ଗୃହମନ୍ତ୍ରୀ କହିଥିଲେ, ରାହୁଲ ଗାନ୍ଧୀ ବୁଝିଯିବା ଦରକାର ଆମ ଦେଶ ସ୍ୱରା ଭାସ୍କର, କହ୍ନେୟା କୁମାର, ସୁଶାନ୍ତ ସିଂଙ୍କ ଭଳି ବ୍ୟକ୍ତିଙ୍କ ସହ ପଦଯାତ୍ରା କଲେ ଯୋଡି ହେବ ନାହିଁ ।
