ଘର ସଫା କରିବା ପାଇଁ ବିଭିନ୍ନ ଏଜେନ୍ସି ଅଛି, ଯାହା ସୁଇପର ସୁବିଧା ଯୋଗାଇଥାଏ। ମାତ୍ର ଆଜିକାଲି ଏକ କମ୍ପାନୀ ଏହାର ଅଜବ ଅଫର ଯୋଗୁ ଚର୍ଚ୍ଚାରେ ରହିଛି। ଜାଣି ଆଶ୍ଚର୍ଯ୍ୟ ହେବେ ଏହି କମ୍ପାନୀ ଘରେ ସଫାସୁତରା ପାଇଁ ଲଗ୍ଜରୀ, ଟପ୍ଲେସ୍ ଏବଂ ସମ୍ପୂର୍ଣ୍ଣ ଉଲଗ୍ନ ହେବାର ସେବା ଯୋଗାଉଛି।
‘ଦ ନେକେଡ୍ କ୍ଲିନିଙ୍ଗ୍’ ନାମକ ଏହି କମ୍ପାନୀ ଇଂଲଣ୍ଡର ପ୍ଲାଇମାଉଥ୍ରେ ଅବସ୍ଥିତ। କମ୍ପାନୀର ନିର୍ଦ୍ଦେଶକ ହେଉଛନ୍ତି ନିକ୍କି ବେଲ୍ଟନ ଏବଂ ଲିଏନ୍ ବ୍ଲୁମ୍ୟାନ୍। ବିଶେଷକରି ଏହି କମ୍ପାନୀର ସୁବିଧା ବ୍ରିଟେନରେ ସକ୍ରିୟ ଅଟେ। ନିକ୍କି କୁହନ୍ତି, ଖୁବ୍ଶୀଘ୍ର ଏହାର ଫ୍ରାଞ୍ଚାଇଜ୍ ଅନ୍ୟ ଦେଶରେ ପହଞ୍ଚିବ। ଏହି ସେବା ଆମେରିକା, କାନାଡା, ନେଦରଲ୍ୟାଣ୍ଡ୍ ଏବଂ ଅଷ୍ଟ୍ରେଲିଆରେ ଆରମ୍ଭ ହେବ।
ଏପରି ସେବା ପାଇଁ ସାରା ବିଶ୍ୱବାସୀ ବେଶ୍ ଉତ୍ସୁକ ଥିବା ନିକ୍କି କହିଛନ୍ତି। ଲକ୍ଡାଉନ୍ ପରେ ଏହି ସେବା ପାଇବା ପାଇଁ ଲୋକଙ୍କର ବେଶ୍ ଚାହିଦା ରହିଛି। ସୋସିଆଲ ମିଡିଆରେ ଏହି ସେବା ଉବଲବ୍ଧ କରାଉଥିବା ନିକ୍କି ଏବଂ ତାଙ୍କ ସହଯୋଗୀଙ୍କୁ ଟ୍ରୋଲ ହେବାକୁ ପଡିଛି। ଟ୍ରୋଲ ହେଲେ ମଧ୍ୟ ତାଙ୍କ କମ୍ପାନୀ ପ୍ରତି ଲୋକେ ଆଗ୍ରହ ପ୍ରକାଶ କରୁଥିବା ନିକ୍କି କୁହନ୍ତି। ଏହି କମ୍ପାନୀ ଘଣ୍ଟାକୁ ୬,୭୦୦ ଟଙ୍କା ଏବଂ ଟପ୍ଲେସ୍ ସଫେଇ କର୍ମଚାରୀ ପାଇଁ ୮୫୦୦ ଟଙ୍କା ନେଇଥାଏ।
