ଜାଲ୍‌ ତଥ୍ୟ ଦେଇ ଆବାସ ହାତେଇଥିଲେ ନାଏବ ସରପଞ୍ଚ

ରସୁଲପୁର,୫ା୧୨(ରଞ୍ଜତ ରାଉତ): ରସୁଲପୁର ବ୍ଲକ ଅନ୍ତର୍ଗତ ବାହାଦଲାପୁର ପଞ୍ଚାୟତରେ ପ୍ରଧାନମନ୍ତ୍ରୀ ଆବାସ ବଣ୍ଟନରେ ଅନିୟମିତତା ହୋଇଥିବା ଅଭିଯୋଗ ହୋଇଥିଲା। ପଞ୍ଚାୟତର ନାଏବ ସରପଞ୍ଚ ତିଳୋତ୍ତମା ନାୟକ ଜାଲ ତଥ୍ୟ ପ୍ରଦାନ କରି ଆବାସ ହାତେଇଛନ୍ତି ବୋଲି ଅଭିଯୋଗରେ ଦର୍ଶାଯାଇଥିଲା। ହିତାଧିକାରୀ ଶ୍ରୀମତୀ ନାୟକ ଏହି ପଞ୍ଚାୟତରେ କୁଆଖିଆ ବଜାର ୱାର୍ଡର ଜଣେ ବାସିନ୍ଦା ବୋଲି ଦର୍ଶାଇ ଜାଲ୍‌ପଟା ଦେଇ ଆବାସ ପାଇବା ପାଇଁ ଯୋଗ୍ୟ ବିବେଚିତ ହୋଇଥିଲେ। ତାଙ୍କୁ ବ୍ଲକ ପ୍ରଶାସନ ପକ୍ଷରୁ ଘର ନିର୍ମାଣ ପାଇଁ ପ୍ରଥମକିସ୍ତି ବାବଦକୁ ୪୦ହଜାର ଟଙ୍କା ପ୍ରଦାନ କରାଯାଇଥିଲା। ଉକ୍ତ ଅର୍ଥକୁ ବିନିଯୋଗକରି ସେ ମୁଗୁପାଳ ପଞ୍ଚାୟତର ସାରଙ୍ଗପୁର ଗ୍ରାମରେ ହିତାଧିକାରୀ ଘର ନିର୍ମାଣ କରିଥିଲେ।

ଏ ନେଇ ବାହାଦଲାପରୁ ପଞ୍ଚାୟତର ପଦ୍ମଲୋଚନ ନାୟକ ଯାଜପୁର ଜିଲାପାଳଙ୍କ ଜନ ଅଭିଯୋଗ ଶୁଣାଣି ଶିବିରରେ ଅଭିଯୋଗ କରିଥିଲେ। ଜିଲାପାଳଙ୍କ ନିର୍ଦ୍ଦେଶ ମୁତାବକ ରସୁଲପୁର ବିଡିଓ ଅବନୀକାନ୍ତ ସାହୁଙ୍କ ପକ୍ଷରୁ ଅଭିଯୋଗର ତଦନ୍ତ କରାଯାଇଥିଲା। ଏ ନେଇ ବ୍ଲକ ପକ୍ଷରୁ ଗଠନ କରାଯାଇ ଥିବା ତଦନ୍ତକାରୀ ଦଳ ବିଭିନ୍ନ ସ୍ଥାନକୁ ଯାଇ ତଦନ୍ତ କରିଥିଲେ। ଘର ହାତେଇବା ପାଇଁ ହିତାଧିକାରୀ ତଥା ନାଏବ ସରପଞ୍ଚ ନାୟକ ଅସାଧୁ ଉପାୟ ଅବଲମ୍ବନ କରିଥିବା ଧରାପଡିଛି।

ଏ ନେଇ ବ୍ଲକ ପକ୍ଷରୁ ଯାଜପୁର ଜିଲାପାଳଙ୍କ ନିକଟକୁ ପତ୍ର ଜରିଆରେ ଅବଗତ କରାଯିବା ସହ ପରବର୍ତ୍ତୀ ପଦକ୍ଷେପ ପାଇଁ ଅନୁମତି ଲୋଡା ଯାଇଛି। ତଦନ୍ତ ଚାଲିଥିବା ବେଳେ ଘର କାର୍ଯ୍ୟର ଅଗ୍ରଗତି ନ ଘଟାଇବା ପାଇଁ ପ୍ରଶାସନ ପକ୍ଷରୁ ହିତାଧିକାରୀଙ୍କୁ ବାରଣ କରାଯାଇଛି। ଜିଲାପାଳଙ୍କଠାରୁ ନିର୍ଦ୍ଦେଶ ଆସିବା ପରେ ପରବର୍ତ୍ତୀ ପଦକ୍ଷେପ ନିଆଯିବ ବୋଲି ପଞ୍ଚାୟତ ନିର୍ବାହୀ ଅଧିକାରୀ ନିକୁଞ୍ଜ ବିହାରୀ ରାଉତଙ୍କ ସୂତ୍ରରୁ ଜଣାପଡିଛି। ହିତାଧିକାରୀଙ୍କୁ ନୋଟିସ ଜାରି କରାଯାଇ ତାଙ୍କ ଠାରୁ ପ୍ରଥମକିସ୍ତି ଅର୍ଥକୁ ଫେରାଇ ଆଣିବାକୁ ପଦକ୍ଷେପ ନିଆଯିବ ବୋଲି ସୂଚନା ମିଳିଛି।

ଘଟଣାରୁ ପ୍ରକାଶ ଯେ ହିତାଧିକାରୀ ତିଳୋତ୍ତମା ନାୟକ ଏହି ବ୍ଲକର ଭୋଟକା ପଞ୍ଚାୟତ ଅରଡା ଗ୍ରାମର ମୂଳ ବାସିନ୍ଦା ଅଟନ୍ତି ା ଏହି ପଞ୍ଚାୟତର ଭୋଟର ତାଲିକାରେ ତାଙ୍କର ନାମ ରହିଛି। ୧୫ବର୍ଷରୁ ଊର୍ଦ୍ଧ୍ୱ ହେବ ସେ ମୁଗୁପାଳ ପଞ୍ଚାୟତର ସାରଙ୍ଗପୁର ଗ୍ରାମରେ ସ୍ଥାୟୀ ଭାବେ ରହି ଆସୁଛନ୍ତି। ସେଠାରେ ତାଙ୍କ ନାମରେ ଘରବାଡି ଜମି ରହିଛି। ସେ ଘର ହାତେଇ ଥିବା କୁଆଖିଆ ୱାର୍ଡରେ ତାଙ୍କ ନାମରେ ଘରବାଡି ଜମି ନାହିଁ। ଏହାଛଡା ହିତାଧିକାରୀ ସାରଙ୍ଗପୁର ଗ୍ରାମର ସ୍ଥାୟୀ ବାସିନ୍ଦା ବୋଲି ଜନଗଣନା ସର୍ଭେ ତାଲିକାରୁ ସ୍ପଷ୍ଟ ହୋଇଛି। ସେ ଚଞ୍ଚକତା କରି କୁଆଖିଆ ୱାର୍ଡରେ ଜାଲ ଆଧାର, ଭୋଟର ପରିଚୟପତ୍ର ଓ ଘରବାଡି ପଟା ପ୍ରଦାନ କରିଥିଲେ। ଆବାସ ପାଇଁ ଯୋଗ୍ୟ ହିତାଧିକାରୀ ଚୟନ କରିବା ପାଇଁ ଗଠିତ ୩ଜଣିଆ କମିଟିଙ୍କୁ ହିତାଧିକାରୀଙ୍କ ପ୍ରମାଣପତ୍ର ପ୍ରଦାନ କରାଯାଇଥିଲା। କମିଟିକୁ ହସ୍ତଗତ ହୋଇଥିବା ଘରବାଡି ପଟ୍ଟା, ଆଧାରକାର୍ଡ, ବ୍ୟାଙ୍କଜମାଖାତାକୁ ସଠିକ୍‌ ଭାବରେ ଯାଂଚ କରାନଯାଇ ହିତାଧିକାରୀଙ୍କୁ ଯୋଗ୍ୟ କରିଦିଆଯାଇ ଥିଲା। ଏହି ଦିଗରେ ଅଭିଯୋଗ ହେବାପରେ ବ୍ଲକ ପକ୍ଷରୁ ୫ଜଣିଆ ତଦନ୍ତକାରୀ ଦଳ ଗଠନ କରାଯାଇ ତଦନ୍ତ କରାଯାଇଥିଲା। ତଦନ୍ତରେ ଜାଲିଆତି ଧରାପଡିବା ପରେ ହିତାଧିକାରୀଙ୍କ ପାଇଁ ଅଡୁଆ ପରିସ୍ଥିତି ସୃଷ୍ଟି ହୋଇଛି।

ଏ ସମ୍ପର୍କରେ ହିତାଧିକାରୀ ନାୟକଙ୍କୁ ପଚାରିବାରୁ ସେ ପ୍ରଧାନମନ୍ତ୍ରୀ ଆବାସ ଘର ପାଇଛନ୍ତି। ପ୍ରଥମକିସ୍ତି ବାବଦକୁ ୪୦ହଜାର ଟଙ୍କା ତାଙ୍କ ଜମାଖାତାକୁ ଆସିଛି ବୋଲି ସ୍ବୀକାର କରିଛନ୍ତି। ଏ ନେଇ ଅଭିଯୋଗ ହୋଇଛି ବୋଲି ସେ ଜାଣିବାକୁ ପାଇଛନ୍ତି। ମାତ୍ର ତାଙ୍କୁ ଏଯାଏଁ ବ୍ଲକ ପ୍ରଶାସନ ପକ୍ଷରୁ ଏ ନେଇ କୌଣସି ସୂଚନା ଦିଆଯାଇ ନାହିଁ ବୋଲି ପ୍ରତିକ୍ରିୟାରେ ପ୍ରକାଶ କରିଛନ୍ତି।

ନିର୍ବାହୀ ଅଧିକାରୀ ରାଉତଙ୍କ ମତରେ ସେ ସରକାରୀ ଘର ହାତେଇବା ପାଇଁ ଯେଉଁ ପ୍ରମାଣପତ୍ର ଦେଇଥିଲେ ତାକୁ ଆଧାରକରି ଘର ଆବଣ୍ଟନ କରାଯାଇ କାର୍ଯ୍ୟାଦେଶ ଓ ପ୍ରଥମକିସ୍ତି ପ୍ରଦାନ କରାଯାଇଛି। ଅଭିଯୋଗ ଆସିବା ପରେ ତାଙ୍କୁ ଦ୍ୱିତୀୟକିସ୍ତି ପ୍ରଦାନ କରାଯାଇ ନାହିଁ ବୋଲି ମତ ରଖିଛନ୍ତି। ଏହାଛଡା ନାୟକ ବାହାଦଲାପୁର ପଂଚାୟତର ସ୍ଥାୟୀ ବାସିନ୍ଦା ନୁହଁନ୍ତି। ସେ ଭୋଟର ତାଲିକାରେ ତାଙ୍କ ନାମକୁ ଚଞ୍ଚକତା କରି ନାମ ପଞ୍ଜିକରଣ କରିଛନ୍ତି। ସେ କୁଆଖିଆ ୱାର୍ଡରୁ ୱାର୍ଡ ମେମ୍ବର ହୋଇ ନାଏବ ସରପଞ୍ଚ ହୋଇଛନ୍ତି। ଯାହାକି ସମ୍ପୂର୍ଣ୍ଣ ବେଆଇନ। ତାଙ୍କର ନାଏବ ସରପଞ୍ଚ ପଦବୀକୁ ରଦ୍ଦ କରାଯାଇ ତାଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଭିଯୋଗକାରୀ ପଦ୍ମଲୋଚନ ନାୟକ ଦାବି କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଭାଜପାରେ ଯୋଗଦେଲେ ଆଇଏଏସ ଟପର୍‌

ଭୁବନେଶ୍ୱର,୩।୩: ପଦ୍ମ ଧରିଛନ୍ତି ଆଇଏଏସ ଟପର୍‌। ରବିବାର ରାଜ୍ୟ କାର୍ଯ୍ୟାଳୟଠାରେ ଅନୁଷ୍ଠିତ ମିଶ୍ରଣ ପର୍ବରେ ପୂର୍ବତନ ଆଇଏଏସ ଟପର୍‌ ତଥା ବିଶିଷ୍ଟ ସାହିତି୍ୟକ ଡ. ହୃଷୀକେଶ...

ନିର୍ବାଚନ ପୂର୍ବରୁ ସୁରକ୍ଷା ପ୍ରସ୍ତୁତି: ରାଜଧାନୀରେ କେନ୍ଦ୍ରୀୟ ଫୋର୍ସର ଫ୍ଲାଗମାର୍ଚ୍ଚ

ଭୁବନେଶ୍ୱର,୩।୩ (ସୂର୍ଯ୍ୟକାନ୍ତ ବେହେରା): ଆଗକୁ ସାଧାରଣ ନିର୍ବାଚନ ହେବାକୁ ଯାଉଛି । ଏନେଇ ତାରିଖ ଘୋଷଣା ହୋଇନଥିଲେ ମଧ୍ୟ ନିର୍ବାଚନ ହାୱା ଚାରି ଆଡେ ଦେଖିବାକୁ...

ବିଜେଡି ଛାଡୁଛନ୍ତି ବଡ ବଡ ନେତା, ପୁଣି ଦଳ ଛାଡିଲେ ଆଉ ଜଣେ Ex MLA

କେନ୍ଦୁଝର,୩।୩: ବିଜେଡିକୁ ପୁଣି ଝଟ୍‌କା। ଦଳ ଛାଡିଲେ ଆଉ ଜଣେ ପୂର୍ବତନ ବିଧାୟକ। ତେଲକୋଇ ବିଧାୟକ ପ୍ରେମାନନ୍ଦ ନାୟକ ଶଙ୍ଖ ଛାଡିଛନ୍ତି। ଶଙ୍ଖ ଛାଡି ପ୍ରେମାନନ୍ଦ...

ସ୍ବାମୀ ମୃତ୍ୟୁର ୧୦ ବର୍ଷ ପରେ ବି ମହିଳାଙ୍କୁ ମିଳୁନି ବିଧବା ଭତ୍ତା

କେନ୍ଦୁଝର,୩।୩ ( ନରେଶ ଚନ୍ଦ୍ର ପଟ୍ଟନାୟକ): କେନ୍ଦ୍ର ଓ ରାଜ୍ୟ ସରକାର ଗରିବ ଲୋକଙ୍କ କଲ୍ୟାଣ ନିମନ୍ତେ ବିଭିନ୍ନ ଯୋଜନା ପ୍ରସ୍ତୁତ କରି କାର୍ଯ୍ୟକାରୀ କରୁଥିଲେ...

କେନ୍ଦ୍ରାପଡାବାସୀଙ୍କୁ ସରକାରଙ୍କ ବଡ ଉପହାର, ଗଡିବ ମେମୁ ଟ୍ରେନ

ଭୁବନେଶ୍ୱର,୩।୩: ନିର୍ବାଚନ ପୂର୍ବରୁ ବଡ ଉପହାର ଦେଲେ ରାଜ୍ୟ ସରକାର। ବହୁ ପ୍ରତିକ୍ଷୀତ ପରାଦୀପ-ହରିଦାସପୁର ରେଳ ଲାଇନରେ ଗଡିବ ଯାତ୍ରୀବାହୀ ଟ୍ରେନ। ପାରାଦୀପରୁ କେନ୍ଦ୍ରାପଡ ଦେଇ...

ବରଯାତ୍ରୀଙ୍କୁ ଧରି ଫେରୁଥିବାବେଳେ ବ୍ରେକ୍‌ ଫେଲ ହେଲା ବସ୍‌

ଗଜପତି,୩।୩: ବରଯାତ୍ରୀଙ୍କୁ ଧରି ଫେରୁଥିଲେ ବେଳେ ବ୍ରେକ ଫେଲ ହେଲା ବସ। ଭାରସାମ୍ୟ ହରାଇ ବସ ରାସ୍ତା ପାର୍ଶ୍ୱରେ ଥିବା ବିରାଟକାୟ ପଥରରେ ପିଟି ହୋଇଯାଇଛି।...

ନିର୍ମାଣ ଶ୍ରମିକଙ୍କ ପେନ୍‌ସନ୍‌ ବୃଦ୍ଧି କଲେ ରାଜ୍ୟ ସରକାର

ଭୁବନେଶ୍ୱର,୩।୩(ଅସମାପିକା ସାହୁ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରବିବାର ନିର୍ମାଣ ଶ୍ରମିକମାନଙ୍କ ପେନ୍‌ସନ୍‌ ବୃଦ୍ଧି ଘୋଷଣା କରିଛନ୍ତି। ମୁଖ୍ୟମନ୍ତ୍ରୀଙ୍କ ଘୋଷଣା ଅନୁଯାୟୀ ‘ଓଡିଶା କୋଠାବାଡି ଓ ଅନ୍ୟାନ୍ୟ...

ହକ୍‌ ପାଇଁ ଆଦିବାସୀଙ୍କ ମେଳି

ମୋରଡ଼ା,୩ା୩(ସ୍ମାରକ ମାଜୀ): ମୟୂରଭଞ୍ଜ ଜିଲା ମୋରଡ଼ା ବ୍ଲକ ଅଧୀନ ଜୁଆଳିଭଙ୍ଗା ପଞ୍ଚାୟତର ମାକୁନ୍ଦ ଗ୍ରାମର ଜାହିରା ପୀଠ ନିକଟରେ ଶତାଧିକ ଆଦିବାସୀ ସମ୍ପ୍ରଦାୟର ଲୋକେ ମେଳି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri