ମୁମ୍ବାଇ ଇଣ୍ଡିଆନ୍ସର ବିସ୍ଫୋରକ ବ୍ୟାଟ୍ସମ୍ୟାନ ସୂର୍ଯ୍ୟକୁମାର ଯାଦବ ଆଇପିଏଲର ଚଳିତ ସିଜନରେ ଚମତ୍କାର ପ୍ରଦର୍ଶନ କରିଛନ୍ତି। ସେ ଏପର୍ଯ୍ୟନ୍ତ ୧୩ଟି ମ୍ୟାଚରେ ୩୭୪ ରନ ସଂଗ୍ରହ କରିଛନ୍ତି। ସୂର୍ଯ୍ୟକୁମାରଙ୍କ ବ୍ୟକ୍ତିଗତ ଜୀବନ ବିଷୟରେ କହିବାକୁ ଗଲେ ତାଙ୍କ ସ୍ତ୍ରୀ ଦେଭିଶା ଜଣେ ନୃତ୍ୟ ଶିକ୍ଷକ। ସେ ମୁମ୍ବାଇରେ ନୃତ୍ୟ ଶିକ୍ଷକ ଭାବରେ କ୍ୟାରିଅର୍ ଆରମ୍ଭ କରିଥିଲେ। ୨୦୧୩ରୁ ୨୦୧୫ ପର୍ଯ୍ୟନ୍ତ ଦେଭିଶା ଏନଜିଓ ଦି ଲାଇଟହାଉସ ପ୍ରୋଜେକ୍ଟ ପାଇଁ ସ୍ବେଚ୍ଛାସେବୀ ଭାବରେ କାର୍ଯ୍ୟ କରିଥିଲେ। ସେ ଭ୍ରମଣ ଏବଂ ପହଁରିବାକୁ ମଧ୍ୟ ଭଲ ପାଆନ୍ତି। ଦେଭିଶା ମୁମ୍ବାଇର ଏକ କଲେଜରେ ଅଧ୍ୟୟନ କରିଥିଲେ। ସେ ଏମବିଏ ଡିଗ୍ରୀ ହାସଲ କରିଛନ୍ତି। ସ୍ବାମୀ ସୂର୍ଯ୍ୟଙ୍କ ନାମରେ ଦେଭିଶା ତାଙ୍କ ବେକରେ ଏକ ଟାଟୁ କରିଛନ୍ତି। ଦୁହେଁ ୨୦୧୬, ଜୁଲାଇ ୭ରେ ବିବାହ କରିଥିଲେ। ତାଙ୍କ ବାପା ହୋଟେଲ ବ୍ୟବସାୟ ସହିତ ଜଡିତ। ଏହି ସିଜିନରେ ସୂର୍ଯ୍ୟକୁମାର ମୁମ୍ବାଇ ପାଇଁ ତୃତୀୟ ସ୍ଥାନରେ ବ୍ୟାଟିଂ କରୁଛନ୍ତି। ଚଳିତ ଆଇପିଏଲରେ ଭଲ ପ୍ରଦର୍ଶନ କରିଥିଲେ ମଧ୍ୟ ଅଷ୍ଟ୍ରେଲିଆ ଗସ୍ତ ପାଇଁ ସେ ଟିମ ଇଣ୍ଡିଆରେ ସ୍ଥାନ ପାଇନାହାଁନ୍ତି। ଏହାକୁ ନେଇ ଅନେକ ପୂର୍ବତନ କ୍ରିକେଟର୍ ପ୍ରଶ୍ନ ଉଠାଇଛନ୍ତି।
