ଶାରଜା,୧।୧୦:ଆଇପିଏଲ ୨୦୨୧ରେ ଆଉ ଏକ ରେକର୍ଡ କରିଛନ୍ତି ମହେନ୍ଦ୍ର ସିଂ ଧୋନୀ। ସିଜିନର ୪୪ତମ ମ୍ୟାଚରେ ଚେନ୍ନାଇ ସୁପର କିଙ୍ଗ୍ସର ଅଧିନାୟକ ଧୋନୀ ଗୁରୁବାର ଶାରଜାଠାରେ ସନରାଇଜର୍ସ ହାଇଦ୍ରାବାଦ ବିପକ୍ଷ କ୍ୟାଚ ରେକର୍ଡ କରିଛନ୍ତି। ଏହି ଟି -୨୦ ଲିଗରେ ଫ୍ରାଞ୍ଚାଇଜ ପାଇଁ ୧୦୦ଟି କ୍ୟାଚ ପୂରଣ କରିବାରେ ସେ ପ୍ରଥମ ଖେଳାଳି ହୋଇଛନ୍ତି। ଚେନ୍ନାଇ ହାଇଦ୍ରାବାଦକୁ ୬ ଉଇକେଟରେ ପରାସ୍ତ କରିଛି ଏବଂ ବିଜୟ ସହ ସିଜିନର ପ୍ରଥମ ଦଳଭାବେ ପ୍ଲେ ଅଫରେ ପହଞ୍ଚିଛି ସିଏସକେ। ଚେନ୍ନାଇ ଦଳର ସୁରେଶ ରାଇନା୯୮ କ୍ୟାଚ୍ ଏବଂ କିରନ ପୋଲାର୍ଡ ମୁମ୍ବାଇ ଇଣ୍ଡିଆନ୍ସ ପାଇଁ ୯୪ଟି କ୍ୟାଚ୍ ନେଇଛନ୍ତି।
ଆଇପିଏଲରେ ଜଣେ ଉଇକେଟ କିପର ସର୍ବାଧିକ ଖେଳାଳିଙ୍କୁ ଆଉଟ୍ କରିବା ତାଲିକାର ଶୀର୍ଷରେ ଏମଏସ ଧୋନୀ ରହିଛନ୍ତି। ନିକଟରେ ସେ ପୂର୍ବତନ କୋଲକାତା ନାଇଟ ରାଇଡର୍ସ ଅଧିନାୟକ ଦୀନେଶ କାର୍ତ୍ତିକଙ୍କୁ ଅତିକ୍ରମ କରିଛନ୍ତି। ଧୋନୀ ଉଇକେଟ ରକ୍ଷକ ଭାବରେ ୨୧୫ ମ୍ୟାଚରେ ୧୫୮ ବ୍ୟାଟ୍ସମ୍ୟାନଙ୍କ ପାଭିଲିୟନକୁ ପଠାଇଛନ୍ତି। କାର୍ତ୍ତିକଙ୍କ ୨୦୭ ବ୍ୟାଟ୍ସମ୍ୟାନଙ୍କୁ ଆଉଟ୍ କରିଛନ୍ତି। ଏହି ଟି -୨୦ ଲିଗରେ ଧୋନୀ ଉଇକେଟ କିପର ଭାବରେ ୧୧୯ କ୍ୟାଚ ଏବଂ ୩୯ ଷ୍ଟମ୍ପିଂ କରିଛନ୍ତି।
