ଅଙ୍ଗୁଳିରେ କରିଛନ୍ତି ଆୟତ୍ତ

ଢେଙ୍କାନାଳ ଅଫିସ,୨୦।୨(ରତନ ନାୟାର): କାହା ପାଇଁ ବଜରଙ୍ଗୀ ତ କାହା ପାଇଁ ବିରାଜ। ପୁଣି କିଏ ଶ୍ରଦ୍ଧାରେ ଡାକନ୍ତି ଗୋବିନ୍ଦ। ନଁା ଅଲଗା, ହେଲେ ପରିଚୟ ଗୋଟିଏ। ଏବେ ସେଥିରେ ଯୋଡ଼ିହୋଇଛି କୁନି ମୃଦଙ୍ଗ ବାଦକର ସୁନାମ। ଖେଳିବୁଲିବା ବୟସରେ ପାରମ୍ପରିକ ମୃଦଙ୍ଗ ବାଦନ କଳାକୁ କରାୟତ୍ତ କରି ଢେଙ୍କାନାଳ ଜିଲାବାସୀଙ୍କ ଦୃଷ୍ଟି ଆକର୍ଷଣ କରିଥିବା ୪ବର୍ଷର ଏହି କୋମଳମତି କଳାକାରଙ୍କୁ ନେଇ ଏବେ ସବୁଠି ଚର୍ଚ୍ଚା।
ପରଜଙ୍ଗ ବ୍ଲକ ଚାନ୍ଦପୁର ପଞ୍ଚାୟତ ନୂଆବତାସିଂହ ଗ୍ରାମନିବାସୀ ତଥା ଟାଟା କନସଲ୍‌ଟାନ୍ସି ସର୍ଭିସରେ କାର୍ଯ୍ୟରତ ସଫ୍ଟଓ୍ବେର ଇଞ୍ଜିନିୟର କୃଷ୍ଣଚନ୍ଦ୍ର ପାଣି ଏବଂ ରାଜଶ୍ରୀ ସୁମିତ୍ରା ରଥଙ୍କ ଏକମାତ୍ର ପୁଅ ହେଉଛନ୍ତି ଗୋବିନ୍ଦ। ଗ୍ରାମର ସଂକୀର୍ତ୍ତନ ମଣ୍ଡଳୀର ସବୁଠାରୁ କନିଷ୍ଠ ସଦସ୍ୟ ଭାବେ ସେ ଯେତିକି ଜଣାଶୁଣା, ସେତିକି ଚର୍ଚ୍ଚିତ ମୃଦଙ୍ଗ ବାଦନ ପାଇଁ। ଅଷ୍ଟପ୍ରହର ନାମଯଜ୍ଞ, ଯାନିଯାତ୍ରା, ମେଳା, ମହୋତ୍ସବରେ ନାମସଂକୀର୍ତ୍ତନ ଆୟୋଜନ ହେଲେ ପ୍ରଥମେ ଖୋଜାପଡ଼ନ୍ତି ଗୋବିନ୍ଦ। କୋମଳମତି ଚେହେରା ଏବଂ ନିଆରା ମୃଦଙ୍ଗ ବାଦନ ଶୈଳୀ ତାଙ୍କୁ ଦେଇଛି ନୂଆ ପରିଚୟ।
ଜଣେ ଭଲ ତାବଲା ଓ ଢୋଲକ ବାଦକ ଭାବେ ବାପା କୃଷ୍ଣଚନ୍ଦ୍ରଙ୍କ ଖ୍ୟାତି ରହିଥିବାବେଳେ ଏହାଦ୍ୱାରା ପିଲାଟି ଦିନରୁ ପ୍ରଭାବିତ ହୋଇଥିଲେ ଗୋବିନ୍ଦ। ମାତ୍ର ଦୁଇବର୍ଷରୁ ବାପାଙ୍କଠାରୁ ଆରମ୍ଭ ହୋଇଥିବା ମୃଦଙ୍ଗ ବାଦନ ଯାତ୍ରା ଏବେ ଆହୁରି ପରିପକ୍ୱ ହୋଇଛି। ସେ ଭୋର୍‌ ୪ଟା ଏବଂ ସନ୍ଧ୍ୟା ୬ଟାରେ ଦୁଇଓଳି ବାପାଙ୍କ ସହ ଘରେ ଅଭ୍ୟାସ କରୁଛନ୍ତି। ଯମୁନା ଯିବାକୁ ମୋତେ ହେଇଚି ମନା… ଗୀତର ତାଳେତାଳେ ଗୋବିନ୍ଦଙ୍କ ତବଲା ବାଦନ ଗ୍ରାମରେ ଆଧ୍ୟାତ୍ମିକ ପରିବେଶ ସୃଷ୍ଟି କରୁଛି। ତାଙ୍କୁ ଜଣେ ଖ୍ୟାତିସମ୍ପନ୍ନ ତବଲା, ଢୋଲକ, ମୃଦଙ୍ଗ ବାଦକ କରିବା ଲାଗି ସମସ୍ତ ଉଦ୍ୟମ କରିବେ ବୋଲି ମା’ବାପା, ଜେଜେବାପା ବସନ୍ତ ପାଣି, ଜେଜେ ମା’ ପ୍ରତିମା ପାଣି କହିଛନ୍ତି। ସୂଚନାଯୋଗ୍ୟ, ଗୋବିନ୍ଦ ଏବେ ତାଳଚେର-ଥର୍ମାଲସ୍ଥିତ ଏଜୁକିଡ୍ସରେ ନର୍ସରିରେ ପଢୁଛନ୍ତି।

ସଙ୍ଗୀତ ସ୍କୁଲରେ ପଢ଼ାଇବାକୁ ଚିନ୍ତା କରିଛୁ
ଛୋଟ ବୟସରୁ ଗୋବିନ୍ଦ ଗୀତର ତାଳେତାଳେ ମୃଦଙ୍ଗ ବଜାଇବା ଦେଖି ଖୁସି ଲାଗୁଛି। ପୁଅର ଇଚ୍ଛାଶକ୍ତି ଦେଖି ଭବିଷ୍ୟତରେ ତାକୁ କୌଣସି ଏକ ସଙ୍ଗୀତ ସ୍କୁଲରେ ପଢ଼ାଇବା ପାଇଁ ଚିନ୍ତା କରିଛୁ ା
-ରାଜଶ୍ରୀ ସୁମିତ୍ରା ରଥ, ମା’
ଭଲ କଳାକାର କରିବା ପାଇଁ ଉଦ୍ୟମ କରିବୁ
ଗୋବିନ୍ଦ ୨ବର୍ଷରୁ ମୃଦଙ୍ଗ ବଜାଇବା ଆରମ୍ଭ କରିଛି। ନାମ ସଂକୀର୍ତ୍ତନରେ ସାମିଲ ହେଉଛି। ପାଠ ପଢ଼ାଇବା ସହ ତାକୁ ଜଣେ ଭଲ କଳାକାର କରିବା ପାଇଁ ସବୁ ପ୍ରକାର ଉଦ୍ୟମ କରିବୁ ା
-କୃ୍‌ଷ୍ଣଚନ୍ଦ୍ର ପାଣି, ବାପା
ନିଜ ନାମକୁ ସାର୍ଥକ କରିଛି
ପିଲାଟି ଦିନରୁ ଆଧ୍ୟାତ୍ମିକତା ଲକ୍ଷଣ ଥିବା ଦେଖି ତା’ର ନାମ ଗୋବିନ୍ଦ ଓ ବଜରଙ୍ଗୀ ଦେଇଥିଲି। ସେ ନିଜ ନାମକୁ ସାର୍ଥକ କରିଛି। ତାକୁ ଭଲ କଳାକାର କରିବା ପାଇଁ ଭୁବନେଶ୍ୱରରେ ଯାଇ ରହିବୁ ବୋଲି ଚିନ୍ତା କରିଛୁ।
-ବସନ୍ତ କୁମାର ପାଣି, ଜେଜେବାପା
ଇଚ୍ଛାଶକ୍ତି ଦେଖି ଉତ୍ସାହିତ କରୁ
ଗ୍ରାମର ଭାଗବତ ଗୃହରେ କୀର୍ତ୍ତନ ହେଲେ ଗୋବିନ୍ଦ ଆସି ପାଖରେ ବସେ। ଆମ ସହ ଗିନି ବଜାଏ। ଏବେ ସେ ଭଲ ମୃଦଙ୍ଗ ବଜାଉଛି। କୁନି ବୟସରୁ ଏଭଳି ଇଚ୍ଛାଶକ୍ତି ଦେଖି ଆମେ ସବୁବେଳେ ଉତ୍ସାହିତ କରୁ।
-ସୁଧାକର ବିଶ୍ୱାଳ, ଗ୍ରାମବାସୀ


Enter your email to get our daily news in your inbox.

All Right Reserved By Dharitri.Com

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?