ମସ୍କୋ,୭ ।୩: ରୁଷିଆ-ୟୁକ୍ରେନ ଯୁଦ୍ଧ ୧୨ ଦିନରେ ପହଞ୍ଚିଲାଣି । ଏବେ ରୁଷିଆ ପକ୍ଷରୁ ୟୁକ୍ରେନର ବିଭିନ୍ନ ସହରରେ ଅତ୍ୟଧିକ ମାତ୍ରାରେ ଆକ୍ରମଣ କରାଯାଉଛି । ହେଲେ ଯୁଦ୍ଧ ନୁହେଁ ଆମେ ଶାନ୍ତି ଚାହୁଁ ବୋଲି କେତେଜଣ ରୁଷିଆବାସୀ କହିଛନ୍ତି । ଯୁଦ୍ଧକୁ ବିରୋଧ କରି ଏମୋନେ ରୁଷିଆରେ ପ୍ରଦର୍ଶନ ବି କରିଛନ୍ତି । ଗଣମାଧ୍ୟମର ସୂଚନା ଅନୁଯାୟୀ, ରୁଷିଆ-ୟୁକ୍ରେନ ଯୁଦ୍ଧକୁ ବିରୋଧ କରୁଥିବା ପ୍ରଦର୍ଶନକାରୀଙ୍କ ମଧ୍ୟରୁ ଏପର୍ଯ୍ୟନ୍ତ ୪୩୦୦ରୁ ଊର୍ଦ୍ଧ୍ୱ ଲୋକଙ୍କୁ ଅଟକ ରଖ।।ଇଛି । ଅନ୍ୟପଟେ ଏହି ଯୁଦ୍ଧରେ ଉଭୟ ଦେଶର ହଜାର ହଜାର ସେନା ପ୍ରାଣ ହରାଇବା ସହ ଶହ ଶହ ୟୁକ୍ରେନ ନାଗରିକଙ୍କର ମୃତ୍ୟୁ ହେଲାଣି ଓ ଉଭୟ ଦେଶର ବହୁ ଧନ କ୍ଷତି ହେଲାଣି । ଏପଟେ ଯୁଦ୍ଧ ବନ୍ଦ କରିବାକୁ ନେଇ କୌଣସି ସମାଧାନ ଏପର୍ଯ୍ୟନ୍ତ ବାହାରି ପାରୁ ନାହିଁ । ତେଣୁ ଏହାର ପ୍ରଭାବ ଏବେ ଧିରେ ଧିରେ ସାରା ବିଶ୍ୱରେ ପଡିବାକୁ ଆରମ୍ଭ କଲାଣି । ବିଶ୍ୱଅର୍ଥନୀତି ଦୋହଲିବାକୁ ଯାଉଥିବା ବେଳେ ଅତ୍ୟାବଶ୍ୟକ ସାମଗ୍ରୀର ଦର ବୃଦ୍ଧି ସାଧାରଣ ଖାଉଟିଙ୍କ ଚିନ୍ତା ବଢାଇଲାଣି ।
