ବାଉଁଶୁଣୀ,୧୪।୩(ଡି.ଏନ୍.ଏ.): ବୌଦ୍ଧ ଜିଲା ବାଉଁଶୁଣି ଥାନା ସିଙ୍ଗାରୀ ନିକଟରେ ସ୍ବତନ୍ତ୍ର ସ୍କ୍ବାଡ ଏସ୍.ଟି.ଏଫ୍. ଟିମ ଦ୍ବାରା ଶନିବାର ଚଢ଼ାଉ ହୋଇ ଗଞ୍ଜେଇ ଜବତ ହୋଇଛି। ଏକ ଓ ୦୫ ଏ.ଜେଡି. ୬୫୫୩ ନମ୍ବର ବିଶିଷ୍ଟ ଏକ ଗାଡ଼ିକୁ ଜବତ କରି ୭୨ କିଲୋଗ୍ରାମ ୨୦୦ ଗ୍ରାମ ଗଞ୍ଜେଇ ଜବତ କରିଥିବା ଜଣାପଡିଛି । ଘଟଣାରେ ସମ୍ପୃକ୍ତ ଦୁଇଜଣ ଯୁବକ ରମେଶ ଚନ୍ଦ୍ର କୌଶଲ୍ୟା (ବିଷମ କଟକ) ଓ ଲକ୍ଷ୍ମଣ ଜାଲ (କୋରାପୁଟ )ଙ୍କୁ ଏସ୍ଟିଏଫ ଟିମ ଗିରଫ କରିଥିବା ବେଳେ ଶ୍ରୀକୃଷ୍ଣ ଖଟୁଆ (ହିଲୁଙ୍ଗ) ଚିତ୍ତରଞ୍ଜନ ପଲେଇ (ଢେଙ୍କାନାଳ) ଓ ବିଷ୍ଣୁ ଫେରାର ଅଛନ୍ତି ବୋଲି ଜଣାପଡିଛି ।ଏ ସମ୍ପର୍କରେ ବାଉଁଶୁଣି ଥାନାରେ କେସ ନମ୍ବର୍ ୩୧/୨୧ରେ ଏକ ମାମଲା ରୁଜୁ କରାଯାଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବ ବୋଲି ବାଉଁଶୁଣି ଥାନା ଅଧିକାରୀ ସୁବାସ ଚନ୍ଦ୍ର ରାୟଗୁରୁ ସୂଚନା ଦେଇଛନ୍ତି । ଏହି ଗଞ୍ଜେଇର ଆନୁମାନିକ ମୁଲ୍ୟ ୨ ଲକ୍ଷରୁ ଉଦ୍ଧର୍ବ ହେବ ବୋଲି ଥାନା ଅଧିକାରୀ କହିଛନ୍ତି ।
