ବାହାନଗା, ୩ା୨(ଡି.ଏନ.ଏ.) ବାଲେଶ୍ୱର ଜିଲା ବାହାନଗା ବ୍ଲକ ତାହାରପୁର ଗ୍ରାମର କିଛି ଲେବର କାର୍ଡଧାରୀଙ୍କୁ ଆବାସ ଯୋଜନାରେ ଘର କରିଦେବାକୁ କହି ଜଣେ ବ୍ୟକ୍ତି କିଛି ଲୋକଙ୍କଠାରୁ ୩୦ହଜାରରୁ ଊର୍ଦ୍ଧ୍ୱ ଟଙ୍କା ୨ବର୍ଷ ଧରି ହଡପ କରିନେଇଥିବା ବୁଧବାର ଖନ୍ତାପଡା ଥାନାରେ ଅଭିଯୋଗ ହୋଇଛି। ତାହାରପୁର ଗ୍ରାମର ସୁଶାନ୍ତ ମହାନ୍ତି ସେହି ଗ୍ରାମର ଲେବରକାର୍ଡଧାରୀମାନଙ୍କୁ ସେମାନଙ୍କ ଲେବରକାର୍ଡ ମାଧ୍ୟମରେ ସରକାରଙ୍କ ଆବାସ ଯୋଜନାରେ ଘର ଯୋଗାଇ ଦେବାକୁ କହି ୫ହଜାର ୩ଶହ ଟଙ୍କା ଲେଖାଏଁ ମୋଟ ୩୦ହଜାରରୁ ଅଧିକ ଟଙ୍କା ନେଇଯାଇଛନ୍ତି। ଦୀର୍ଘଦିନ ଧରି କୌଣସି ଘର ନ ମିଳିବାରୁ ସୁଶାନ୍ତଙ୍କୁ ଟଙ୍କା ଦେଇଥିବା ଦିଲୀପ ରାୟ, ଉମେଶ ରାଉତ, ମନୋରମା ରାଉତ ଓ ଗୋଲାପ ରାୟ ପ୍ରମୁଖ ଟଙ୍କା ଫେରସ୍ତ ମାଗିବାରୁ ତାଙ୍କୁ ଧମକଚମକ ଦେବା ସହିତ ମିଥ୍ୟା କେସ୍ରେ ଫସାଇ ଦେବାକୁ କହି ଡରାଉଥିବା ମହିଳା ଓ ପୁରୁଷମାନେ ବୁଧବାର ଅଭିଯୋଗରେ ଦର୍ଶାଇଛନ୍ତି। ଖନ୍ତାପଡା ଥାନା ପୋଲିସ୍ ଅଭିଯୋଗ ପାଇବା ପରେ ତଦନ୍ତ ଚଳାଇଛି।
