ବାଂଲାଦେଶ, ୨୪।୪: ପୂର୍ବତନ ବିଚାରପତି ତଥା ବରିଷ୍ଠ ରାଜନେତା ମହମ୍ମଦ ଶାହାବୁଦ୍ଦିନ ବାଂଲାଦେଶର ୨୨ତମ ରାଷ୍ଟ୍ରପତି ଭାବେ ଶପଥ ଗ୍ରହଣ କରିଛନ୍ତି। ବଙ୍ଗଭବନର ଐତିହାସିକ ଦରବାର ହଲ୍ରେ ବାଚସ୍ପତି ଶିରେନ ଶର୍ମିନ ଚୌଧୁରୀ ୭୩ବର୍ଷିୟ ଶାହାବୁଦ୍ଦିନଙ୍କୁ ଶପଥ ପାଠ କରେଇଛନ୍ତିି। ରାଜକୀୟ ସମାରୋହରେ ପ୍ରଧାନମନ୍ତ୍ରୀ ଶେଖ ହସିନା, ତାଙ୍କ ମନ୍ତ୍ରୀମଣ୍ଡଳ ଏବଂ ନୂଆ ରାଷ୍ଟ୍ରପତିଙ୍କ ପରିବାରର ସଦସ୍ୟଙ୍କ ବ୍ୟତୀତ ବିଭିନ୍ନ ରାଜନେତା, ସୁପ୍ରିମକୋର୍ଟର ବିଚାରପତି ଏବଂ ବରିଷ୍ଠ ନାଗରିକ ଏବଂ ସାମରିକ ଅଧିକାରୀମାନେ ଉପସ୍ଥିତ ଥିଲେ। ଶପଥ ଗ୍ରହଣ ସମାରୋହ ପରେ ଶାହାବୁଦ୍ଦିନ ରାଷ୍ଟ୍ରପତି ପଦର ଦସ୍ତାବିଜରେ ଦସ୍ତଖତ କରିଥିଲେ।
ସୂଚନାଯୋଗ୍ୟ, ଶାହାବୁଦ୍ଦିନଙ୍କୁ ଫେବୃଆରୀରେ ବାଂଲାଦେଶର ନୂତନ ରାଷ୍ଟ୍ରପତି ଭାବେ ମନୋନୀତ କରାଯାଇଥିଲା। ଏଠାରେ କହି ରଖୁଛୁ କି, ସଂସଦରେ ୩୫୦ ସଦସ୍ୟ ବିଶିଷ୍ଟ ସିଟ୍ରୁ ଅବାମୀ ଲିଗ ପାଖରେ ୩୦୫ଟି ସିଟ୍ ରହିଛି। ଏହି ସଂଖ୍ୟା ଗରିଷ୍ଠତା ଯୋଗୁ ମହମ୍ମଦ ଶାହାବୁଦ୍ଦିନ ଚୁପୁଙ୍କୁ ରାଷ୍ଟ୍ରପତି ଭାବେ ମନୋନୀତ କରାଯାଇଥିଲା। ସେ ର୍ନିଦ୍ୱନ୍ଦ ଭାବେ ନିର୍ବାଚିତ ହୋଇଥିଲେ।
ସଂସଦର ବିରୋଧୀ ଦଳ ରାଷ୍ଟ୍ରପତି ପଦ ପାଇଁଁ କାହାକୁ ବି ମନୋନୀତ କରି ନ ଥିଲେ। ତେଣୁ ଶାହାବୁଦ୍ଦିନଙ୍କ ର୍ନିଦ୍ୱନ୍ଦ ଭାବେ ନିର୍ବାଚନ ଜିତିଥିଲେ। ତେବେ ପୂର୍ବ ରାଷ୍ଟ୍ରପତି ମହମ୍ମଦ ଅବଦୁଲ ହମିଦଙ୍କ କାର୍ଯ୍ୟକାଳ ସୋମବାର ଶେଷ ହୋଇଛି।
ଶାହାବୁଦ୍ଦିନ ବାଂଲାଦେଶର ପବନା ଜିଲାରେ ଜନ୍ମଗ୍ରହଣ କରିଥିଲେ। ସେ ୧୯୬୦ ଦଶକ ଶେଷ ତଥା ୧୯୭୦ ଦଶକ ଆରମ୍ଭରୁ ଅବାମୀ ଲିଗ୍ର ଛାତ୍ର ନେତା ଥିଲେ। କେବଳ ଏତିକି ନୁହେଁ, ଶାହାବୁଦ୍ଦିନ ୧୯୭୧ରେ ମୁକ୍ତି ସଂଗ୍ରାମରେ ଭାଗ ନେଇଥିଲେ। ଅଗଷ୍ଟ ୧୫ ୧୯୭୫ରେ ବାଂଲାଦେଶର ପ୍ରତିଷ୍ଠାତା ବଙ୍ଗବନ୍ଧୁ ଶେଖ ମୁଜିବୁର ରହମାନ ଏବଂ ତାଙ୍କ ପରିବାର ସଦସ୍ୟଙ୍କ ହତ୍ୟାକୁ ବିରୋଧ ପ୍ରଦର୍ଶନ କରିଥିବାରୁ ତାଙ୍କୁ ବନ୍ଦୀ କରାଯାଇଥିଲା। ଏହା ଯୋଗୁ ଆୱାମୀ ଲିଗ ସରକାର ଭାଙ୍ଗିି ଯାଇଥିଲା। ୧୯୮୨ ମସିହାରେ ସେ ଦେଶର ନ୍ୟାୟିକ ସେବାରେ ଯୋଗ ଦେଇଥିଲେ। ପରେ୧୯୯୬ ନିର୍ବାଚନରେ ଅବାମୀ ଲିଗ କ୍ଷମତାକୁ ଫେରଥିଲା। ପରେ ସେ ରାଜନୀତିରେ ପାଦ ଥାପିଥିଲେ। ପ୍ରଥମେ ସେ ଅବାମୀ ଲିଗ୍ର ପରାମର୍ଶଦାତା ପରିଷଦର ସଦସ୍ୟ ହୋଇଥିଲେ। ବର୍ତ୍ତମାନ ସେ ଦେଶର ରାଷ୍ଟ୍ରପତି ହୋଇଛନ୍ତି। ମହମ୍ମଦ ଶାହାବୁଦ୍ଦିନଙ୍କ ପରିବାରରେ ପତ୍ନୀ ରେବିକା ଏବଂ ତାଙ୍କର ଗୋଟିଏ ପୁଅ ଅଛନ୍ତି। ପତ୍ନୀ ରେବିକା ସୁଲତାନା ସରକାରଙ୍କ ପୂର୍ବତନ ଯୁଗ୍ମ ସଚିବ ଥି
