ଭାଗଲପୁର,୨୪।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିହାରର ଭାଗଲପୁରରେ ପହଞ୍ଚି ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନାର ୧୯ତମ କିସ୍ତି ଜାରି କରିଛନ୍ତି। ଏହାସହ ବିଭିନ୍ନ ବିକାଶମୂଳକ ପ୍ରକଳ୍ପର ଉଦଘାଟନ କରିଛନ୍ତି। ଏହି ଅବସରରେ ପ୍ରଧାନମନ୍ତ୍ରୀ ମୋଦି ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ନିଜର ପ୍ରିୟ ବୋଲି କହିଥିଲେ। କେବଳ ଏତିକି ନୁହେଁ, ପ୍ରଧାନମନ୍ତ୍ରୀ ମୋଦି ପ୍ରୟାଗରାଜ ମହାକୁମ୍ଭକୁ ନେଇ ଲାଲୁ ଯାଦବଙ୍କୁ ମଧ୍ୟ ଟାର୍ଗେଟ କରିଥିଲେ।
ପ୍ରଧାନମନ୍ତ୍ରୀ ମୋଦି ମହାକୁମ୍ଭକୁ ନେଇ କହିଛନ୍ତି, ମହାକୁମ୍ଭ ଚାଲିଛି କିନ୍ତୁ ଏହି ଜଙ୍ଗଲ ରାଜର ଲୋକମାନେ ମହାକୁମ୍ଭର ଅପବ୍ୟବହାର କରୁଛନ୍ତି, ରାମ ମନ୍ଦିର ପ୍ରତି ଅସମ୍ମାନ କରୁଥିବା ଲୋକମାନେ ମହାକୁମ୍ଭକୁ ଅଭିଶାପ ଦେବାର କୌଣସି ସୁଯୋଗ ଛାଡ଼ୁନାହାଁନ୍ତି। ମହାକୁମ୍ଭକୁ ଅଭିଶାପ ଦେଉଥିବା ଲୋକଙ୍କୁ ବିହାର କେବେ କ୍ଷମା କରିବ ନାହିଁ। କିଛି ଦିନ ପୂର୍ବରୁ ଲାଲୁ ଯାଦବ କୁମ୍ଭ ବିଷୟରେ କହିଥିଲେ, କୁମ୍ଭର ଅର୍ଥ ବେକାର।
ଭାଗଲପୁରରେ ପ୍ରଧାନମନ୍ତ୍ରୀ ମୋଦି ଆହୁରି ମଧ୍ୟ କହିଛନ୍ତି, ମୁଁ ଲାଲକିଲ୍ଲାରୁ କହିଛି ଯେ ବିକଶିତ ଭାରତରେ ଚାରୋଟି ମଜଭୁତ ସ୍ତମ୍ଭ ଅଛି। ଏହି ସ୍ତମ୍ଭଗୁଡ଼ିକ ହେଉଛି – ଗରିବ, ଚାଷୀ, ମହିଳା ଏବଂ ଯୁବକ। ଏନଡିଏ ସରକାର, ତାହା କେନ୍ଦ୍ରରେ ହେଉ କିମ୍ବା ରାଜ୍ୟରେ, କୃଷକ କଲ୍ୟାଣ ଆମର ପ୍ରାଥମିକତା।
ଲାଲୁ ଯାଦବଙ୍କୁ କଟାକ୍ଷ କରି ପ୍ରଧାନମନ୍ତ୍ରୀ ମୋଦି କହିଛନ୍ତି, ପୂର୍ବରୁ ଚାଷୀମାନେ ସଙ୍କଟରେ ଘେରି ରହିଥିଲେ, ଯେଉଁମାନେ ପଶୁ ଚାରା ଖାଇପାରନ୍ତି ସେମାନେ କେବେ ଏହି ପରିସ୍ଥିତିକୁ ବଦଳାଇ ପାରିବେ ନାହିଁ। ଏନଡିଏ ସରକାର ଏହି ପରିସ୍ଥିତିକୁ ବଦଳାଇ ଦେଇଛନ୍ତି। ବିଗତ ବର୍ଷଗୁଡ଼ିକରେ, ଆମେ ଚାଷୀମାନଙ୍କୁ ଶହ ଶହ ଆଧୁନିକ ପ୍ରକାରର ବିହନ ଦେଇଛୁ। ପୂର୍ବରୁ, ଚାଷୀମାନେ ୟୁରିଆ ପାଇଁ ମାଡ଼ ଖାଇଥିଲେ ଏବଂ ୟୁରିଆର କଳାବଜାରୀ ହେଉଥିଲା। ଆଜି ଚାଷୀମାନେ ପର୍ଯ୍ୟାପ୍ତ ସାର ପାଉଛନ୍ତି।
ଏହି ଅବସରରେ ମୁଖ୍ୟମନ୍ତ୍ରୀ ନୀତୀଶ କୁମାର କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଭାଗଲପୁରରେ ଆମ ମଧ୍ୟରେ ସୌଭାଗ୍ୟର କଥା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମାଧ୍ୟମରେ କିଷାନ ସମ୍ମାନ ନିଧିର ରାଶି ସେମାନଙ୍କ ଆକାଉଣ୍ଟକୁ ପଠାଯାଉଛି। ଏଥିରେ ବିହାରର ୭୬ ହଜାରରୁ ଅଧିକ ଚାଷୀ ସାମିଲ ଅଛନ୍ତି। ଆମେ ୨୪ ନଭେମ୍ବର ୨୦୦୫ରେ କ୍ଷମତାକୁ ଆସିଲୁ ଏବଂ ସେବେଠାରୁ ଆମେ ବିହାରର ବିକାଶ ପାଇଁ କାମ କରିଆସୁଛୁ।
