ରାସ୍ତାରେ ଗଲାବେଳେ ଯଦି କାହାକୁ ଦୁଇ ପାଦରେ ଭିନ୍ନ ଭିନ୍ନ ପ୍ରକାରର ସୁଜ୍ ତଥା ସ୍ୟାଣ୍ଡେଲ ପିନ୍ଧିଥିବା ଦେଖନ୍ତି ତେବେ ତାଙ୍କ କାନରେ ଫୁସ୍ ଫୁସ୍ ହେଇ କହିବେନି ଯେ, ଆପଣ ଭୁଲ୍ରେ ଅଲଗା ଅଲଗା ପ୍ରକାରର ଜୋତା ପିନ୍ଧିଛନ୍ତି ବୋଲି। କାରଣ ଏବେ ଚାଲିଛି ମିସ୍ମ୍ୟାଚ୍ ସୁଜ୍ର ଟ୍ରେଣ୍ଡ। ଟ୍ରେଣ୍ଡି ଲୁକ୍ ଦେଉଥିବା ଏହି ଫ୍ୟାଶନ୍କୁ ସେଲିବ୍ରିଟିମାନେ ବେଶ୍ ଆପଣାଉଛନ୍ତି। ଆଉ ଏବେ ସାଧାରଣରେ ବି ଏହି ଫ୍ୟାଶନ୍ ଧୀରେ ଧୀରେ ସାମିଲ ହେବାକୁ ଲାଗିଲାଣି…
ଆରମ୍ଭ କେଉଁଠୁ: ଫ୍ୟାଶନ କେବେ କେଉଁଠୁ ଆରମ୍ଭ ହୁଏ କହି ହୁଏନା। ତେବେ ମିସ୍ମ୍ୟାଚ୍ ଫ୍ୟାଶନ୍ ହଲିଉଡ୍ରୁ ଆସିଛି। ଯେତେବେଳେ କିଛି ସୁପର୍ମଡେଲ୍ ଏଭଳି ମିସ୍ମ୍ୟାଚ୍ ସୁଜ୍ ପିନ୍ଧି ର଼୍ୟାମ୍ପରେ ଚାଲିଲେ ଏହା ଫ୍ୟାଶନ୍ ଟ୍ରେଣ୍ଡରେ ପରିଣତ ହୋଇଗଲା। ଏହାପରେ ବଲିଉଡ୍ରେ ବି ଏହି ଟ୍ରେଣ୍ଡ ଦେଖିବାକୁ ମିଳିଲା। ଜେନେଲିୟା ଡି’ସୁଜାଙ୍କଠୁ ଆରମ୍ଭ କରି ଅନନ୍ୟା ପାଣ୍ଡେ, ବରୁଣ ଧଓ୍ବନ ଏହି ମିସ୍ମ୍ୟାଚ୍ ସୁଜ୍ ଫ୍ୟାଶନ୍କୁ ଆପଣେଇଛନ୍ତି। ଆଉ ପାଇଛନ୍ତି ଟ୍ରେଣ୍ଡି ଲୁକ୍।
କେମିତି ପିନ୍ଧିବେ
*ମିସ୍ମ୍ୟାଚ୍ ସୁଜ୍ ସହ ସିମ୍ପଲ ଲୁକ୍ ଭଲ ଲାଗେ। ଲୁକ୍ ଯେତେ ସିମ୍ପଲ୍ ହୁଏ ଆପଣ ସେତିକି ଷ୍ଟାଇଲିଶ୍ ଓ ସୁନ୍ଦର ଲାଗିବେ। ତେଣୁ ଅଧିକ ଆସେରିଜ୍ କ୍ୟାରି ନ କଲେ ଭଲ।
*ମିସ୍ମ୍ୟାଚ୍ ସୁଜ୍ ସବୁବେଳେ ଅପୋଜିଟ୍ କଲର୍ ଯେମିତି କି ଗୋଟିଏ ସୁଜ୍ ଧଳାରଙ୍ଗର ହେଲେ ଅନ୍ୟଟି ରେଡ୍ ଅବା ପିଙ୍କ କଲର୍ର ହେବା ଜରୁରୀ।
*ଷ୍ଟାଇଲ୍ ସମାନ କିନ୍ତୁ କଲର୍ ଭିନ୍ନ ଥିବା ମିସ୍ମ୍ୟାଚ୍ ସୁଜ୍ ଟ୍ରେଣ୍ଡି ଲୁକ୍ ଦିଏ। ହେଲେ ଭିନ୍ନ ଷ୍ଟାଇଲ୍ ଅର୍ଥାତ୍ ହିଲ୍ ସହ ସ୍ନିକର୍ ପିନ୍ଧିଲେ ହାସ୍ୟାସ୍ପଦ ପରିସ୍ଥିତିର ସମ୍ମୁଖୀନ ହୋଇପାରନ୍ତି। ତେଣୁ କେବେ ବି ଭିନ୍ନ ଷ୍ଟାଇଲ୍ର ସୁଜ୍ ବାଛନ୍ତୁ ନାହିଁ।
*କେବଳ ସେତିକି ନୁହେଁ ମିସ୍ମ୍ୟାଚ୍ ସୁଜ୍ ଆପଣଙ୍କ ପୋଷାକ ସହ ଏଭଳି ମ୍ୟାଚ୍ ହେବା ଜରୁରୀ ଯେ, ତାହା ଫ୍ୟାଶନ୍ ବ୍ଲଣ୍ଡର୍ ଲାଗିବ ନାହିଁ।
* ଅଧିକ ପ୍ରିଣ୍ଟ୍ ଥିବା ପୋଷାକ ସହ ସିମ୍ପଲ ମିସ୍ମ୍ୟାଚ୍ ଜୋତା ପିନ୍ଧନ୍ତୁ। ଆଉ ଗୋଟିଏ ଦୁଇଟି କଲର୍ ଥିବା ପୋଷାକରେ ଡ୍ରେସ୍ ରଙ୍ଗ ସହ ମ୍ୟାଚ୍ କରୁଥିବା ମିସ୍ମ୍ୟାଚ୍ ଜୋତା ଅବା ମଲ୍ଟି କଲର୍ ମିସ୍ମ୍ୟାଚ୍ ସୁଜ୍ ପିନ୍ଧିପାରିବେ।
* ମଡର୍ନ ଆଉଟ୍ ଫିଟ୍ ସହ ମିସ୍ମ୍ୟାଚ୍ ସୁଜ୍କୁ ପେୟାର୍ କଲେ ଭଲ ଲାଗେ। ଏଥ୍ନିକ୍ ତଥା ଟ୍ରାଡିଶନାଲ୍ ଗେଟ୍ଅପ୍ରେ ଏହା ଭଲ ଲାଗେ ନାହିଁ।
*ପ୍ରିଣ୍ଟ ଲଭର୍ ହୋଇଥିଲେ ଗୋଟିଏ ସୁଜ୍ ପୋଲ୍କା ଡଟ୍ ହେବାବେଳେ ଅନ୍ୟଟି ଷ୍ଟ୍ରାଇପ୍ ପ୍ୟାଟର୍ନର ପିନ୍ଧିପାରିବେ।
* ଲାଇଟ୍ କଲର୍ ପୋଷାକ ସହ ଡିପ୍ କଲର୍ ମିସ୍ମ୍ୟାଚ୍ ସୁଜ୍ କ୍ୟାରି କରିପାରିବେ।
* ମିସ୍ମ୍ୟାଚ୍ ଷ୍ଟ୍ରାଇପ୍ ସ୍ୟାଣ୍ଡେଲ ସହ ମିନି ଡ୍ରେସ୍, ନି’ ଲେନ୍ଥ ଡ୍ରେସ୍ ଭଲ ଲାଗେ। ଏହି ଷ୍ଟାଇଲକୁ ବି ଆପଣେଇପାରିବେ।
* ଆଙ୍କେଲ ଲେନ୍ଥର ମିସ୍ମ୍ୟାଚ୍ ବୁଟ୍ ବେଶ୍ ଟ୍ରେଣ୍ଡି ଲୁକ୍ ଦିଏ। ଏହାକୁ ଜିନ୍ସ, ଟି-ସର୍ଟ, ମିନି ଡ୍ରେସ୍ ସହ ପେୟାର କରିପାରିବେ।
