ନୂଆଦିଲ୍ଲୀ,୪ା୬: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅପରେଶନ ସିନ୍ଦୁର ବିମାନ ଆକ୍ରମଣକୁ ରାତିସାରା ନୀରିକ୍ଷଣ କରୁଥିଲେ। ଏଥିସହିତ ପାକିସ୍ତାନର ପରମାଣୁ ବ୍ଲାକମେଲକୁ ଖାତିର ନ କରି କିପରି ଆତଙ୍କବାଦୀ ଆଡ୍ଡା ଉପରେ ଭାରତ ଆକ୍ରମଣ କଲା, ତାହାକୁ କେନ୍ଦ୍ର ମନ୍ତ୍ରୀ ଜିତେନ୍ଦ୍ର ସିଂହ ପ୍ରକାଶ କରିଛନ୍ତି।
ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ ରାଷ୍ଟ୍ରମନ୍ତ୍ରୀ ସିଂହ, ମେ ୭ ତାରିଖ ରାତିରେ ଘଟଣା ବିଷୟରେ କହିଥିଲେ, ଯେତେବେଳେ ଭାରତ ପାକିସ୍ତାନ ଏବଂ ପାକିସ୍ତାନ ଅଧିକୃତ କାଶ୍ମୀରରେ ନଅଟି ସ୍ଥାନରେ ଆକ୍ରମଣ କରି ଜୈଶ-ଏ-ମହମ୍ମଦ ଏବଂ ଲସ୍କର-ଏ-ତୋଇବାର ଆତଙ୍କବାଦୀ ଘାଟିକୁ ଟାର୍ଗେଟ କରିଥିଲା।
“ଯେତେବେଳେ ଏହି ପରିସ୍ଥିତି ଘଟିଲା, ଆପଣ ଜାଣନ୍ତି, ସେ ପ୍ରଧାନମନ୍ତ୍ରୀ ତାଙ୍କ ଗସ୍ତ ବାତିଲ କରି ରାତିସାରା, ମିନିଟ୍ ମିନିଟ୍ ନୀରିକ୍ଷଣ କରୁଥିଲେ। ”ମୁ ଭାବୁନି ସେ କେବେ ହଡ଼ବଡେ଼ଇ ଯାଉଥିବେ, କାରଣ ତାଙ୍କର ଅତି ସୁନ୍ଦର ଆତ୍ମସଂଯମ ଅଛି ବୋଲି ସିଂହ କହିଥିଲେ।
ମନ୍ତ୍ରୀ କହିଛନ୍ତି ଯେ ପ୍ରଧାନମନ୍ତ୍ରୀ ଅଧିକାଂଶ ରାତି କାମ କରନ୍ତି। “କିନ୍ତୁ ଏହା ଏପରି କିଛି ଥିଲା ଯାହାକୁ ସେ ସମ୍ପୂର୍ଣ୍ଣ ନୀରିକ୍ଷଣ କରୁଥିଲେ।”
ପରିସ୍ଥିତି ବିକଶିତ ହେବା ଏବଂ ସଂଘର୍ଷ ଉତ୍ତେଜନା ବୃଦ୍ଧି ପାଇବା ସମୟରେ ପ୍ରଧାନମନ୍ତ୍ରୀଙ୍କ ନିଷ୍ପତ୍ତି ନେବା ସମ୍ପର୍କରେ ଏକ ପ୍ରଶ୍ନର ଉତ୍ତରରେ ଶ୍ରୀ ସିଂହ କହିଛନ୍ତି, “ତାଙ୍କ କାରଣରୁ ବର୍ଣ୍ଣନା ବଦଳିଛି କାରଣ ପ୍ରଥମ ଥର ପାଇଁ ପ୍ରତିରକ୍ଷା ବାହିନୀଙ୍କୁ ସେମାନଙ୍କ ବ୍ୟକ୍ତିଗତ ଜ୍ଞାନ ଏବଂ ବିବେକ ଆଧାରରେ ନିଷ୍ପତ୍ତି ନେବାର ସ୍ଵାଧୀନତା ମିଳିଛି, ଯାହା ପୂର୍ବରୁ କେବେ ହୋଇନଥିଲା।”
ଓପରେସନ୍ ସିନ୍ଦୁର, ପହଲଗାମ ଆତଙ୍କବାଦୀ ଆକ୍ରମଣ ପରେ ଭାରତର ପ୍ରତିଆକ୍ରମଣ, ସଠିକ ଏବଂ ସଂଯମୀ ଥିଲା। କେବଳ ଆତଙ୍କବାଦୀ ଭିତ୍ତିଭୂମିକୁ ଟାର୍ଗେଟ କରାଯାଇଥିଲା ଏବଂ ଭାରତ ସ୍ପଷ୍ଟ କରିଥିଲା ଯେ ନାଗରିକ ଏବଂ ସାମରିକ ସ୍ଥାପନା ଟାର୍ଗେଟରେ ନାହିଁ। ତଥାପି, ପାକିସ୍ତାନ ଭାରତର ପଶ୍ଚିମ ସୀମାକୁ ଶତାଧିକ ଡ୍ରୋନ ନିକ୍ଷେପ କରି ନାଗରିକ ଏବଂ ସାମରିକ ଅଞ୍ଚଳକୁ ଟାର୍ଗେଟ କରି ପ୍ରତିକ୍ରିୟା ଜଣାଇଥିଲା। ଭାରତ ପାକିସ୍ତାନର ମୁଖ୍ୟ ସାମରିକ ସ୍ଥାପନା, ବିମାନଘାଟି ସମେତ, ଆଘାତ କରି ପ୍ରତିଶୋଧ ନେଇଥିଲା। ଏହି ପ୍ରତିକ୍ରିୟା ମଧ୍ୟ ମାପାଯାଇଥିଲା, ଭାରୀ କ୍ଷତି କରିବା ବଦଳରେ ଏକ ବାର୍ତ୍ତା ପଠାଇବା ପାଇଁ ଉଦ୍ଦିଷ୍ଟ ଥିଲା। ଅନ୍ତିମରେ, ଇସଲାମାବାଦ ଭାରୀ କ୍ଷତି ଭୋଗିବା ପରେ ଯୋଗାଯୋଗ କରିବା ପରେ ଏକ ଯୁଦ୍ଧବିରାମ ଉପରେ ସହମତି ହୋଇଥିଲା।
