ଚିତ୍ରକୋଣ୍ଡା ,୦୭/୧: ଘରେ ଘରେ ପୁଷ୍ଟି ପ୍ରୟାସ ଶନିବାର ଓଡିଶା ସରକାର ଆରମ୍ଭ କରିଛନ୍ତି। ରାଜ୍ୟ ସରକାରଙ୍କ ନ୍ୟୁଟ୍ରେଶନ ଆଟ ଡୋରଷ୍ଟେପ(ଘରେ ଘରେ ପୃଷ୍ଟି) ପ୍ରଥମେ ଶନିବାର ମାଲକାନଗିରି ଜିଲା ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳ ପାପରମେଟଲା ଗ୍ରାମ ପଂଚାୟତର ଯନ୍ତାପାଇ ଗ୍ରାମରେ ଶୁଭାରମ୍ଭ କରାଯାଇଛି। ଏହାକୁ ଶୁଭାରମ୍ଭ କରିଛନ୍ତି କୃଷି, ମସ୍ୟ ଓ ପଶୁ ସଂପଦ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ । ଏହି ଯନ୍ତାପାଇ ଠାରେ ମାଣ୍ଡିଆ ମଣ୍ଡି ଶୁଭାରମ୍ଭ କରାଯାଇଛି।
ତତସହିତ ପୁଷ୍ଟି କର ଖାଦ୍ୟ ଯୋଗାଉ ଥିବା ଶସ୍ୟ,ପନିପରିବା ଗଛ ସ୍ୱାଭିମାନ ଅଞ୍ଚଳ ବାସୀଙ୍କୁ ପ୍ରଦାନ କରାଯାଇଛି।ଏହି କାର୍ଯ୍ୟକ୍ରମ ରେ ପ୍ରିନ୍ସପାଲ ସେକ୍ରେଟାରୀ ଅରବିନ୍ଦ ପାଢ଼ୀ,କୃଷି ବିଭାଗୀୟ ନିର୍ଦ୍ଦେଶ ପ୍ରେମଚନ୍ଦ ଚୌଧୁରୀ,ଉଦ୍ୟାନ କୃଷି ନିର୍ଦ୍ଦେଶକ ରୋହିତ ଲେଙ୍କା,ନବରଙ୍ଗପୁର ଏମ୍ପି ରମେଶ ମାଝୀ,ଚିତ୍ରକୋଣ୍ଡା ବିଧାୟକ ପୂର୍ଣଚନ୍ଦ ବାକା, ଜିଲାପାଳ ବିଶାଲ ସିଙ୍ଗ,ଜିଲା ପରିଷଦ ଅଧକ୍ଷା ସମାରି ତାଙ୍ଗୁଲ, ଚିତ୍ରକୋଣ୍ଡା ବ୍ଲକ ଅଧକ୍ଷା ସୁଶ୍ରୀ ରାଜେଶ୍ୱରୀ ଖିଲ ସନ୍ମାନିତ ଅତିଥିଭାବେ ଉପସ୍ଥିତ ଥିଲେ। ପୁଷ୍ଟି ହୀନତା ଦୂର କରିବା ଘରେ ଘରେ ପୃଷ୍ଟି ପ୍ରୟାସ ଆରମ୍ଭ କରାଯାଇଛି। ଶିଶୁଙ୍କୁ ସ୍ତନ୍ୟପାନ କରାଉଥିବା ମହିଳା ଓ ଗର୍ଭବତୀ ମହିଳାମାନଙ୍କୁ ଆଖି ଆଗରେ ରଖି ସ୍ୱାଭିମାନଅଞ୍ଚଳରେ ପୁଷ୍ଟିହୀନତା ଦୂର କରିହେବ ବୋଲି ଲକ୍ଷ୍ୟ ରହିଛି । ମନ୍ତ୍ରୀଙ୍କ ଗ୍ରସ୍ତ ଅବସରରେ ଜିଲା ପ୍ରଶାସନ ତରଫରୁ ସ୍ୱାଭିମାନ ଅଞ୍ଚଳର ସ୍ୱତନ୍ତ୍ର କାର୍ଯ୍ୟକ୍ରମ ୩୦ ଗୋଟି ଘୋଡ଼ାଙ୍କୁ ନେଇ ଘୋଡ଼ା ଚାଳକ ସମେତ ଘୋଡ଼ା ଦୌଡ଼ ପ୍ରତିଯୋଗିତା କରାଯାଇଥିଲା ଯାହାକି ଆଜିର ଆକର୍ଷଣ ହୋଇଥିଲା ।
