ନୂଆପଡ଼ା,୧୭ା୬ (ମକାରୁ ବେମାଲ):ନୂଆପଡ଼ା ଜିଲା ଗସ୍ତରେ ଆସିଥିବା ଗ୍ରାମ୍ୟ ଉନ୍ନୟନ ଓ ପଞ୍ଚାୟତିରାଜ ମନ୍ତ୍ରୀ ରବି ନାରାୟଣ ନାଏକଙ୍କୁ ଚାଷୀଙ୍କ ପ୍ରଶ୍ନବାଣର ସମ୍ମୁଖୀନ ହେବାକୁ ପଡିଛି। ଜିଲାରେ ରବି ଧାନ କ୍ରୟ ପାଇଁ ମଣ୍ଡି ଆରମ୍ଭରୁ ଅଚଳାବସ୍ଥା ଦେଖାଦେଇଛି। ଏହାକୁ ନେଇ ସଦର ବ୍ଲକର ୮ ପ୍ୟାକ୍ସ ଅନ୍ତର୍ଗତ ୨୧ ଗଁାର ହଜାର ସଂଖ୍ୟାରେ ଚାଷୀ ଜିଲାପାଳଙ୍କ କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ କରିଥିଲେ। ଉପଜିଲାପାଳ ସୁର୍ମି ସୋରେନ ପହଞ୍ଚତ୍ ଚାଷୀଙ୍କ ସହ ଆଲୋଚନା କରିଥିଲେ। କିନ୍ତୁ ଚାଷୀମାନେ ଜିଲାପାଳ ନଚେତ ନୂଆପଡା ଗସ୍ତରେ ଆସିଥିବା ମନ୍ତ୍ରୀ ନାଏକ ଆସି ଆଲୋଚନା କରନ୍ତୁ ବୋଲି ଅଡି ବସିଥିଲେ। ମୁଣ୍ଡଫଟା ଟାଣ ଖରାରେ ଜିଲାପାଳ କିମ୍ବା ମନ୍ତ୍ରୀ ବିକ୍ଷୋଭ ସ୍ଥଳରେ ନ ପହଞ୍ଚତ୍ବାରୁ ଚାଷୀ ଉତ୍ତ୍ୟକ୍ତ ହୋଇ ୩୫୩ ନମ୍ବର ଜାତୀୟ ରାଜପଥ ଅବରୋଧ କରିଥିଲେ। ଏଥିଯୋଗୁ ସାଧାରଣ ଜୀବନ ଯାତ୍ରା ବ୍ୟାହତ ହୋଇଥିଲା। ଗୋଟିଏ ପଟେ ଚାଷୀ ଖରାରେ ରାଜରାସ୍ତାରେ ବସିଥିବା ବେଳେ ଅନ୍ୟପଟେ ମନ୍ତ୍ରୀ ଏସି ରୁମରେ ସରକାରଙ୍କ ବିକାଶ କଥା ଗାଇ ଚାଲିଥିଲେ। ପ୍ରାୟ ୩ଘଣ୍ଟା ପରେ ମନ୍ତ୍ରୀ କିଛି ଚାଷୀ ନେତାଙ୍କୁ ନିଜ ସଭାସ୍ଥଳକୁ ଡାକି ଆଲୋଚନା କରିଥିଲେ। ବୁଧବାରଠାରୁ ଜିଲାର ସମସ୍ତ ମଣ୍ଡିରେ ଜଣେ ଲେଖାଏ ଜିଲାସ୍ତରୀୟ ଅଧିକାରୀ ରହି ସମସ୍ତ ଚାଷୀଙ୍କ ଧାନ ଉଠାଣ କରାଯିବ ବୋଲି କହିଥିଲେ। ଚାଷୀଙ୍କ ପକ୍ଷରୁ କୁହାଯାଇଥିଲା ଯେ, ଜୁନ ୧୬ରୁ ଖରିଫ ଚାଷ ଆରମ୍ଭ ହୋଇଥାଏ। ଏପର୍ଯ୍ୟନ୍ତ ସମସ୍ତ ଚାଷୀଙ୍କ ଟୋକନ ଆସିନାହିଁ କିମ୍ବା ଟୋକନ ଆସିଥିବା ଚାଷୀଙ୍କ ଧାନ ଉଠାଣ ହୋଇ ନାହିଁ ା ସେଥିରେ ପୁଣି ୫ରୁ ୭କିଲୋଗ୍ରାମ କଟନି କରାଯାଉଛି। ଧାନ ବିକ୍ରି ହୋଇ ନ ଥିବାରୁ କୋଉଠୁ ଟଙ୍କା ଆଣି ଚାଷ କରିବୁ ବୋଲି ମନ୍ତ୍ରୀଙ୍କୁ ପ୍ରଶ୍ନ କରିଥିଲେ ା ଚାଷୀ ସମସ୍ୟା ସମାଧାନ ନ ହେବା ପର୍ଯ୍ୟନ୍ତ ରାସ୍ତାରୁ ହଟିବୁ ନାହିଁ ବୋଲି ଅଡି ବସିଥିଲେ। ୪ ଘଣ୍ଟା ପରେ ମନ୍ତ୍ରୀ ନାଏକଙ୍କ ସହ ଜିଲାପାଳ ମଧୁସୂଦନ ଦାଶ ଓ ଅନ୍ୟ ଅଧିକାରୀ ଧାରଣାସ୍ଥଳରେ ପହଞ୍ଚତ୍ ଚାଷୀଙ୍କ ସହିତ ଆଲୋଚନା କରିଥିଲେ। ବୁଧବାରଠାରୁ ଜିଲାର ସବୁ ମଣ୍ଡିର ଧାନ ଉଠାଣ କରାଯିବ ା ଯେଉ ମିଲର ଧାନ ଉଠାଇବା ପାଇଁ ନ ଗଲେ ତାଙ୍କ ଉପରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି ା ମନ୍ତ୍ରୀଙ୍କ ପ୍ରତିଶ୍ରୁତି ପାଇଲା ପରେ ଅପରାହ୍ନ ୨ଟା ଧାରଣା ପ୍ରତ୍ୟାହୃତ ହୋଇଥିଲା। ହେଲେ ୫ ଦିନ ଭିତରେ ସବୁ ଚାଷୀଙ୍କ ଧାନ ଉଠାଣ ନ ହେଲେ ଆଗାମୀ ଦିନରେ ପୁଣି ଆନ୍ଦୋଳନକୁ ଓହ୍ଲାଇବୁ ବୋଲି ଚେତାବନୀ ଦେଇଛନ୍ତି। ଏ ସଂକ୍ରାନ୍ତରେ ମନ୍ତ୍ରୀ ନାଏକଙ୍କୁ ପଚାରିବାରୁ ଚାଷୀଙ୍କ କୌଣସି ସମସ୍ୟା ନାହିଁ। ଆମ ସରକାର ଚାଷୀଙ୍କ ସରକାର, ଚାଷୀମାନଙ୍କ ପାଇଁ ସବୁବେଳେ ଅଛି ଓ ରହିବ ବୋଲି ପ୍ରତିକ୍ରିୟା ରଖିଥିଲେ ା
Dharitri – Odisha’s No.1 Odia Daily
