ମୁମ୍ବାଇ: ବଲିଉଡ୍ର ସୁନ୍ଦରୀ ଅଭିନେତ୍ରୀ ତଥା ଅନିଲ କପୁରଙ୍କ ଲଳନା ସୋନମ କପୁର ଇଣ୍ଡଷ୍ଟ୍ରିରେ ଜଣେ ପରିଚିତ ଅଭିନେତ୍ରୀ। ସେ ତାଙ୍କ କ୍ୟାରିୟରରେ ଏ ପର୍ଯ୍ୟନ୍ତ ଅନେକ ହିଟ୍ ଫିଲ୍ମ ଦେଇଛନ୍ତି। ସୋନମ ତାଙ୍କ ଫିଲ୍ମ ପାଇଁ ଯେତିକି ପରିଚିତ ନୁହନ୍ତି, ତାଙ୍କ ପୋଷାକ ପାଇଁ ବେଶ୍ ଜଣାଶୁଣା। ତାଙ୍କୁ ବଲିଉଡ୍ର ଫ୍ୟାଶନନିଷ୍ଟ କୁହାଯାଏ। ସୋସିଆଲ ମିଡିଆରେ ସୋନମ ଫଟୋ ଶେୟାର କରିବା ମାତ୍ରେ ଏହା ପ୍ରଶଂସକଙ୍କୁ ଏକପ୍ରକାର ପାଗଳ କରିଦିଏ।
ସୋନମ ତାଙ୍କ ଇନ୍ଷ୍ଟାଗ୍ରାମରେ ଦୁଇଟି ଫଟୋ ଶେୟାର କରିଛନ୍ତି। ଏହି ଫଟୋରେ ସେ ବହୁତ ଗ୍ଲାମରସ ଦିଶୁଛନ୍ତି। ଫଟୋରେ ସେ ଏକ କଳାରଙ୍ଗର ଡ୍ରେସ୍ ପିନ୍ଧି ଖୁବ୍ ଆକର୍ଷଣୀୟା ଦେଖାଯାଉଛନ୍ତି। ଏଥିସହିତ ସେ ଡାଏମଣ୍ଡର ଏକ ହାର ପିନ୍ଧିଥିବା ନଜର ଆସିଛନ୍ତି। ଫଟୋକୁ ପ୍ରଶଂସକମାନେ ପସନ୍ଦ ବି କରିଛନ୍ତି।
ଏ ତ ଗଲା ସୋନମଙ୍କ ବ୍ୟକ୍ତିଗତ କଥା। ଯଦି ତାଙ୍କ ଓ୍ବାର୍କଫ୍ରଣ୍ଟ୍ କଥା ଦେଖିବା ତେବେ ଶେଷଥର ପାଇଁ ସେ ତାଙ୍କ ପିତାଙ୍କ ଓ୍ବେବ୍ ସିରିଜ୍ ‘ଏକେ ଭର୍ସେସ ଏକେ’ରେ ନଜର ଆସିଥିଲେ। ସୋନମ ଫିଲ୍ମ ‘ସାଓ୍ବରିଆ’ ଜରିଆରେ ବଲିଉଡ୍ରେ ଡେବ୍ୟୁ କରିଥିଲେ। ଏହା ବ୍ୟତୀତ ସେ ‘ଦିଲ୍ଲୀ-୬’, ଖୁବ୍ ସୁରତ, ପ୍ରେମ୍ ରତନ୍ ଧନ ପାଓ୍ବେ’, ନୀରଜା, ରନ୍ଝାନା ଆଦି ଫିଲ୍ମରେ ଖୁବ୍ ନିଖୁଣ ଅଭିନୟ କରିଛନ୍ତି।
