ଫ୍ଲୋରିଡା,୨୨।୪:ବକ୍ସିଂ ଦୁନିଆରେ ମାଇକ ଟାଇସନ ଏକ ବଡ ନାମ। ତାଙ୍କ କ୍ୟାରିୟରରେ ଏହି ସେ ବଡ଼ ବଡ଼ ବକ୍ସରଙ୍କୁ ପାଣି ପିଆଇ ଦେଇଛନ୍ତି। କିନ୍ତୁ ବକ୍ସିଂ ରିଙ୍ଗ ବାହାରେ ମାଇକ ବେଶ୍ ସାଧାରଣ ଜଣାପଡନ୍ତି। କିନ୍ତୁ ନିକଟରେ ମାଇକ ଟାଇସନଙ୍କ ଏକ ଭାଇରାଲ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଏହି ଭିଡିଓରେ ସେ ବିମାନରେ ବସିଥିବା ଜଣେ ସାଥୀ ଯାତ୍ରୀଙ୍କୁ ମୁଥ ମାରୁଥିବା ଦେଖାଯାଇଛି। ବିମାନରେ ଯାତ୍ରା କରୁଥିବା ଜଣେ ବ୍ୟକ୍ତି ତାଙ୍କୁ ବାରମ୍ବାର ହଇରାଣ କରୁଥିଲେ। ଏହା ପରେ ମାଇକ ରାଗିଯାଇ ତାଙ୍କୁ ମୁଥ ମାରିଥିଲେ।
ମାଇକ ଟାଇସନ ଏକ ବିମାନରେ ଫ୍ଲୋରିଡା ଯାଉଥିଲେ। ମାଇକ ତାଙ୍କ ସିଟରେ ବସିଥିଲେ। ତା’ପରେ ପଛରେ ବସିଥିବା ଜଣେ ବ୍ୟକ୍ତି ତାଙ୍କ ସହିତ ନିରନ୍ତର କଥା ହେବାକୁ ଚେଷ୍ଟା କରିଥିଲେ। ସାଧାରଣତଃ କୌଣସି ବଡ ବ୍ୟକ୍ତିଙ୍କୁ ଦେଖିବା ପରେ ପ୍ରଶଂସକମାନେ ଏହା କରନ୍ତି। କିନ୍ତୁ ଏହି ଯାତ୍ରୀ ଏକ ସମୟରେ ନିଜର ସୀମା ଭୁଲିଗଲେ ଏବଂ ସେ କ୍ରମାଗତ ଭାବରେ ଆଗରେ ବସିଥିବା ମାଇକକୁ ହଇରାଣ କରିବାକୁ ଲାଗିଲେ। ସେ ତାଙ୍କ ବନ୍ଧୁଙ୍କୁ ମାଇକର ଏକ ଭିଡିଓ କରିବାକୁ ମଧ୍ୟ କହିଥିଲେ।
ମାଇକ ଟାଇସନ ରାଗିଯାଇ ସେହି ବ୍ୟକ୍ତିଙ୍କ ମୁହଁରେ ଗୋଟିଏ ପରେ ଗୋଟିଏ ମୁଥ ମାରିବାକୁ ଲାଗିଲେ। ମାଇକ ସେହି ବ୍ୟକ୍ତିଙ୍କ ମୁହଁରେ ଏତେ ମୁଥ ମାରିଥିଲେ ଯେ, ତାଙ୍କର ରକ୍ତ ମଧ୍ୟ ବାହାରିବାକୁ ଲାଗିଲା। ବିମାନରେ ବସିଥିବା ଅନ୍ୟ ଲୋକମାନେ ମାଇକ ଟାଇସନଙ୍କୁ ଶାନ୍ତ କରିଥିଲେ।
https://twitter.com/ChaudharyParvez/status/1517328185158881281
