ନୂଆଦିଲ୍ଲୀ,୧୫।୫: ଭାରତୀୟ ଅଧିନାୟକ ବିରାଟ କୋହଲିଙ୍କ ନାମ ବିଶ୍ୱର ଶ୍ରେଷ୍ଠ ବ୍ୟାଟ୍ସମ୍ୟାନଙ୍କ ମଧ୍ୟରେ ଗଣନା କରାଯାଏ। ହେଲେ କିଛି ଲୋକ ବିରାଟ ଅଥବା ଟିମ୍ ଇଣ୍ଡିଆର ସଫଳତାକୁ ସହି ପାରନ୍ତି ନାହିଁ। ସେଭଳି ଜଣେ ହେଲେ ଇଂଲଣ୍ଡର ପୂର୍ବତନ ଅଧିନାୟକ ମାଇକେଲ ଭାଓନ। ଏବେ ସେ ବିରାଟଙ୍କୁ ନେଇ କଟୁ ମନ୍ତବ୍ୟ ଦେଇଛନ୍ତି।
ଦୁନିଆର ଚାରିଜଣ ଚର୍ଚ୍ଚିତ ବ୍ୟାଟ୍ସମ୍ୟାନ(ଫାବ୍-୪) ନାମରେ ଜଣାଶୁଣା- ବିରାଟ, କେନ୍ ଓ୍ବିଲିୟମ୍ସନ, ଜୋ ରୁଟ୍ ଏବଂ ଷ୍ଟିଭ୍ ସ୍ମିଥ୍ଙ୍କ ମଧ୍ୟରୁ କିଏ ସର୍ବୋତ୍ତମ ନେଇ ବିତର୍କ ଲାଗିଲେ ଉତ୍ତର କହିବା ମୁସ୍କିଲ। ହେଲେ ଭାଓନ ‘ସ୍ପାକ୍ ସ୍ପୋର୍ଟ’ ସହ କଥାବାର୍ତ୍ତାରେ ଏନେଇ ପ୍ରତିକ୍ରିୟା ରଖିଥିଲେ। ଏଥିରେ ସେ ବିରାଟଙ୍କ ସହ ଭାରତୀୟ କ୍ରିକେଟ ଟିମ୍ର ସମାଲୋଚନା କରିଛନ୍ତି।
ଭାଓନ୍ କହିଛନ୍ତି, ଯଦି ଓ୍ବିଲିୟମ୍ସନ ଜଣେ ଭାରତୀୟ ହୋଇଥାନ୍ତେ ତେବେ ତାଙ୍କୁ ଦୁନିଆର ଶ୍ରେଷ୍ଠ ବ୍ୟାଟ୍ସମ୍ୟାନ ବୋଲି କୁହାଯାଇଥାନ୍ତା। କିନ୍ତୁ ଏପରି ନୁହେଁ। ବିରାଟ ମହାନ ନୁହନ୍ତି। ହେଲେ ଆପଣ ତାହା କହିପାରିବେ ନାହିଁ। କାରଣ ଯଦି ଏଭଳି ଆପଣ କହିବେ ତେବେ ସୋସିଆଲ ମିଡିଆରେ ଟ୍ରୋଲ ହେବେ। କେବଳ କିଛି କ୍ଲିକ୍ ଏବଂ ଲାଇକ୍ ନଚେତ କିଛି ଫଲୋଅର୍ସଙ୍କ ପାଇଁ ବିରାଟଙ୍କୁ ସର୍ବୋତ୍ତମ ବୋଲି କୁହାଯାଏ। ହେଲେ ଓ୍ବିଲିୟମସନ ସମସ୍ତ ଫର୍ମାଟରେ ଉଲ୍ଲେଖନୀୟ ପ୍ରଦର୍ଶନ କରିଆସିଛନ୍ତି। ସେ ବିରାଟଙ୍କଠାରୁ କମ୍ ନୁହନ୍ତି। କେବଳ ସୋସିଆଲ ମିଡିଆରେ ଲୋକପ୍ରିୟତା ଯୋଗୁ ଏପରି ହେଉଛି। ଏପରିକି ବିରାଟଙ୍କ ରୋଜଗାରକୁ ନେଇ ମଧ୍ୟ ସେ କଟାକ୍ଷ କରିଛନ୍ତି।
