ନୂଆଗାଁ,୮।୨(ଡି.ଏନ.ଏ.): ନୟାଗଡ଼ ଜିଲା ନୂଆଗାଁ ବ୍ଲକରେ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା (ଏମ୍ଜିଏନ୍ଆରଇଜିଏସ୍)ରେ ସୁଧାର ଆସୁନାହିଁ । ଫଳରେ ଏହି ଯୋଜନାର ସବୁ ଆଇନକାନୁନକୁ ଉଲ୍ଲଂଘନ କରି ବିଭିନ୍ନ ଉପାୟରେ ଠିକାଦାରଙ୍କଠାରୁ ଆରମ୍ଭ କରି ବିଭାଗୀୟ ଅଧିକାରୀମାନେ ମିଳିମିଶି ଅନୁଦାନ ଆତ୍ମସାତ୍ କରୁଛନ୍ତି । ଏପରି ଅଭିଯୋଗ ବାରମ୍ବାର ହେଉଥିଲେ ମଧ୍ୟ ଉଚ୍ଚପଦସ୍ଥ ଅଧିକାରୀମାନେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁ ନ ଥିବା ଅଭିଯୋଗ ହୋଇଛି ।
ନୂଆଗାଁ ବ୍ଲକରେ ଏମ୍ଜିଏନ୍ଆରଇଜିଏସ୍ ଅନେକ କାମ ହେଉଛି । ଏହି ସବୁ କାମ ପାଇଁ କେନ୍ଦ୍ର ସରକାର ଏକାଧିକ ନିୟମ କାନୁନ ରଖିଥିଲେ ମଧ୍ୟ କୌଣସି ଗୋଟିଏ ମାନିବାକୁ ନାରାଜ ନାହାନ୍ତି ବିଭାଗୀୟ ଅଧିକାରୀ ଓ କର୍ମଚାରୀ । କାର୍ଯ୍ୟସ୍ଥଳୀରେ ଗୋଟିଏ ପ୍ରକାର କାମ ହେଉଥିବା ବେଳେ ଅଫିସ କାଗଜପତ୍ରରେ ସବୁ ଓଲଟା ଦେଖିବାକୁ ମିଳୁଛି । ଉକ୍ତ ଯୋଜନାରେ ଶ୍ରମିକମାନଙ୍କ ରୋଜଗାର ଉପରେ ଗୁରୁତ୍ୱ ଦିଆଯାଇଛି ା ହେଲେ ଶ୍ରମିକଙ୍କ ବଦଳରେ ମେଶିନରେ କାମ କରାଯାଇ ଅନୁଦାନ ହରିଲୁଟ କରାଯାଉଛି ା ଏଠାରେ କାପ୍ତାପଲି ପଞ୍ଚାୟତକୁ ଉଦାହରଣ ଭାବେ ନିଆଯାଇଛି ା ସେଠାରେ କାମ ନ ହୋଇ ୨ ବର୍ଷ ତଳର ପୁରୁଣା କାମକୁ ଦେଖାଇ ଏମ୍ଜିଏନ୍ଆରଇଜିଏସ୍ ଅନୁଦାନ ଆତ୍ମସାତ୍ ହୋଇଥିବା ଅଭିଯୋଗ ହେଉଛି ।
କାପ୍ତାପଲି ପଞ୍ଚାୟତର ବଡତାମନାଡୁ ଆଦିବାସୀ ଗ୍ରାମଟି ପାହାଡ଼ ତଳେ ରହିଛି । ବର୍ଷାଦିନେ ଗ୍ରାମରେ ପାହାଡ଼ ପାଣି ପଶି ଗ୍ରାମଟି ବାହ୍ୟ ଜଗତରୁ ବିଛିନ୍ନ ଥାଏ । ତେଣୁ ଗ୍ରାମର ସୁରକ୍ଷା ଦୃଷ୍ଟିରୁ ପାଣି ଗାଁ ଭିତରକୁ ନ ପଶିବା ପାଇଁ ପାହାଡ଼ ତଳେ ଟ୍ରେଞ୍ଚ ଖୋଳିବା ପାଇଁ ଏହି ଯୋଜନାରେ ୪ା୧ା୨୦୨୧ରେ ୮ ଲକ୍ଷ ୩୩ ହଜାର ଟଙ୍କା ମଞ୍ଜୁର ହୋଇଥିଲା ା ଏହାପରେ ୧ା୮ା୨୦୨୧ରେ ଜେସିବିରେ କାମ ଆରମ୍ଭ କରାଯାଇଥିଲା । ସେହି କାମ ବାବଦକୁ ଠିକାଦାର ପ୍ରାୟ ୩ ଲକ୍ଷ ୨୦ ହଜାର ଟଙ୍କା ବିଲ କରି ନେଇଥିଲେ । କିନ୍ତୁ ଚଳିତ ବର୍ଷ କୌଣସି କାମ ନ କରି ସେହି ୨ବର୍ଷ ପୂର୍ବରୁ ପୁରୁଣା କାମକୁ ଦେଖାଇ ଅନୁଦାନ ଲୁଟିବାରେ ଲାଗିଛନ୍ତି କେତେଜଣ ବିଭାଗୀୟ କର୍ମଚାରୀ ଓ ଅଧିକାରୀ । ୨ ବର୍ଷର ପୁରୁଣା କାମ ପାଇଁ ଉକ୍ତ ସ୍ଥାନରେ ଜଙ୍ଗଲ ସୃଷ୍ଟି ହୋଇଥିବା ବେଳେ ଗତ ୧୨ା୧ା୨୩ ରୁ ୧୮ା୧ା୨୩ ରିଖ ପର୍ଯ୍ୟନ୍ତ ଶ୍ରମିକଙ୍କ ଜବ୍ କାର୍ଡ ମାଧ୍ୟମରେ ପ୍ରାୟ ୬୭ ହଜାର ଟଙ୍କା ଆତ୍ମସାତ୍ ହୋଇଥିବା ଅଭିଯୋଗ ହୋଇଛି । ଉକ୍ତ କାର୍ଯ୍ୟର ବିଲ ପାଇଁ ୨୬ ପ୍ରତିଶତରୁ ୨୮ ପ୍ରତିଶତ ପିସି ଦିଆଯାଉଛି ସାଧାରଣରେ ଚର୍ଚ୍ଚା ଜୋର ଧରିଛି ା ପିସି ଦେଲେ ସବୁ ସମ୍ଭବ ବୋଲି ଜଣେ ଠିକାଦାର ନିଜର ନାମ ଗୋପନ ରଖି କହିଛନ୍ତି ା କାର୍ଯ୍ୟ କରିବା ଏବଂ ବିଲ୍ ବାବଦରେ କାପ୍ତାପଲି ପଞ୍ଚାୟତ ନିର୍ବାହୀ ଅଧିକାରୀ ସସ୍ମିତ ଶୁଭଦର୍ଶନ ମହାପାତ୍ରଙ୍କୁ ପଚାରିବାରେ ମୁଁ ୫ ମାସ ହେଲା ଉକ୍ତ ପଞ୍ଚାୟତରେ ଯୋଗଦେଇ କାମ କରୁଛି ା କେଉଁ ବିଲ ହେଉଛି ତାହା ମୁଁ ଜାଣି ନାହିଁ ।
ସବୁ ଜିଆରଏସ୍ କରୁଛନ୍ତି ବୋଲି ସେ କହିଛନ୍ତି ା ମତାମତ ପାଇଁ ଜିଆରଏସ୍ ସୁଶ୍ରୀ ପଲ୍ଲବିଙ୍କୁ ଫୋନ କରିଥିଲେ ମଧ୍ୟ ସେ ଉଠାଇ ନ ଥିଲେ । ନୂଆଗାଁ ବିଡିଓ ପ୍ରମୋଦ କୁମାର ନାୟକଙ୍କୁ ପଚାରିବାରେ ପୂର୍ବରୁ ଯଦି ବିଲ ହୋଇ ନ ଥିବ ତେବେ ଏବେ ବିଲ ହେଉଥିବ ବୋଲି କହିଛନ୍ତି ା
