ନୂଆଦିଲ୍ଲୀ,୨।୬: ସୋସିଆଲ ମିଡିଆ ଜଗତର ସବୁଠାରୁ ବଡ଼ କମ୍ପାନୀ ‘ମେଟା’ (Meta) ର ଆର୍ଟିଫିସିଆଲ ଇଣ୍ଟେଲିଜେନ୍ସ ବା Meta AI ର ଏକ ସାଂଘାତିକ ସୁରକ୍ଷା ତ୍ରୁଟି ପଦାକୁ ଆସିଛି। ହ୍ୟାକରମାନେ କୌଣସି ଜଟିଳ କୋଡିଂ କିମ୍ୱା ସାଇବର ଆଟାକ ନକରି, କେବଳ ସାଧାରଣ ଭାବେ Meta AI କୁ ଇନଷ୍ଟାଗ୍ରାମ ଆକାଉଣ୍ଟଗୁଡ଼ିକର ପାସୱାର୍ଡ ମାଗିଥିଲେ। ଆଶ୍ଚର୍ଯ୍ୟର କଥା ହେଉଛି, AI ଚାଟବୋଟ୍ ସହଜରେ ସେହି ସିକେଟ୍ର ପାସୱାର୍ଡଗୁଡ଼ିକୁ ହ୍ୟାକରମାନଙ୍କୁ ସାମ୍ନାରେ ପ୍ରକାଶ କରିଦେଇଥିଲା।
ମେଟା AI ର ଏହି ବଡ଼ ଦୁର୍ୱଳତାର ସୁଯୋଗ ନେଇ ହ୍ୟାକରମାନେ ଅନେକ ବଡ଼ ବଡ଼ ସେଲିବ୍ରିଟି ଏବଂ ପ୍ରଭାବଶାଳୀ ବ୍ୟକ୍ତିଙ୍କ ଆକାଉଣ୍ଟକୁ ନିଜ ନିୟନ୍ତ୍ରଣକୁ ନେଇଛନ୍ତି। ଦି ଇଣ୍ଡିପେଣ୍ଡେଣ୍ଟର ରିପୋର୍ଟ ଅନୁସାରେ, ଆମେରିକାର ପୂର୍ୱତନ ରାଷ୍ଟ୍ରପତି ବାରାକ ଓବାମାଙ୍କ ହ଼୍ବାଇଟ ହାଉସ ସମୟର ପୂର୍ୱତନ ଅଫିସିଆଲ ଆକାଉଣ୍ଟ ମଧ୍ୟ ଏହି ସୁରକ୍ଷା ତ୍ରୁଟି ଯୋଗୁଁ ହ୍ୟାକ ହୋଇଯାଇଛି। ଏହି ସାଂଘାତିକ ସୁରକ୍ଷା ତ୍ରୁଟି ଯୋଗୁଁ ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମାଙ୍କ ଅଫିସିଆଲ୍ ଆକାଉଣ୍ଟ ସମେତ ବିଶ୍ୱର ପ୍ରସିଦ୍ଧ ବିଉଟି ବ୍ରାଣ୍ଡ୍ ‘ସେଫୋରା’ (Sephora) ଏବଂ ଅନେକ ନାମୀଦାମୀ ସେଲିବ୍ରିଟିଙ୍କ ଇନଷ୍ଟାଗ୍ରାମ ପ୍ରୋଫାଇଲ୍ ହ୍ୟାକ୍ ହୋଇଯାଇଛି।
ସାଧାରଣତଃ କୌଣସି ବି AI ସିଷ୍ଟମ ବ୍ୟକ୍ତିଗତ ତଥ୍ୟ କିମ୍ୱା ସିକ୍ରେଟ ପାସୱାର୍ଡ ଲିକ ନକରିବା ପାଇଁ ପ୍ରୋଗ୍ରାମିଂ କରାଯାଇଥାଏ। କିନ୍ତୁ Meta AI କିଭଳି ଏତେ ସହଜରେ ୟୁଜର୍ସଙ୍କ ସୁରକ୍ଷା ସହ ଜଡ଼ିତ ସମ୍ୱେଦନଶୀଳ ତଥ୍ୟ ହ୍ୟାକରଙ୍କୁ ହସ୍ତାନ୍ତର କଲା, ତାହାକୁ ନେଇ ଏବେ ସାରା ବିଶ୍ୱରେ ଚର୍ଚ୍ଚା ଜୋର୍ ଧରିଛି। ଏହି ଘଟଣା ସୋସିଆଲ ମିଡିଆ ବ୍ୟବହାରକାରୀଙ୍କ ଗୋପନୀୟତା ଓ ସାଇବର ସୁରକ୍ଷା ଉପରେ ଏକ ବଡ଼ ପ୍ରଶ୍ନବାଚୀ ସୃଷ୍ଟି କରିଛି।
