ସର୍ବସାଧାରଣରେ ହାତ ଧରିବା ଅନ୍ଦାଜରୁ ଜଣାପଡ଼ିଥାଏ ପ୍ରେମୀଯୁଗଳଙ୍କ ସମ୍ପର୍କର ଗଭୀରତା ବିଷୟରେ। କଥାଟି ଅଖାଡୁଆ ଲାଗିପାରୁଥାଏ ହେଲେ ସତ। ରାସ୍ତାରେ ଚାଲୁଥିବା ସମୟରେ ହେଉ କି ସମସ୍ତଙ୍କ ସମ୍ମୁଖରେ ଆପଣଙ୍କ ପାର୍ଟନର କିଭଳି ଢ଼ଙ୍ଗରେ ଆପଣଙ୍କ ହାତ ଧରୁଛନ୍ତି ସେଥିରୁ ତାଙ୍କ ଭଲପାଇବାର ଗଭୀରତା ବିଷୟରେ ଜଣାପଡିଥାଏ। କାରଣ ଯେତେବେଳେ ଜଣେ ବ୍ୟକ୍ତି ନିଜର ଭାବନାକୁ ପ୍ରକାଶ କରିପାରେ ନାହିଁ ସେତେବେଳେ ଶରୀରର ଅଙ୍ଗଭଙ୍ଗୀ ଦ୍ୱାରା ପ୍ରକାଶ କରିଥାଏ। ଏନେଇ ମନସ୍ତତ୍ତ୍ୱବିତ୍ ରାଧିକା ଦାମନଙ୍କ କହିବା କଥା ଉଭୟ କପୁଲ ପରସ୍ପର ଭିତରେ କିଭଳି ବଣ୍ଡିଂ ଶେୟାର କରୁଛନ୍ତି ତାହା ହାତ ଧରିବା ଶୈଳୀରୁ ଜଣାପଡ଼ିଯିବ। ଯଦିଓ ହାତ ଧରିବା ଏକ ସରଳ ଅଙ୍ଗଭଙ୍ଗୀ। କିନ୍ତୁ ଏହା ପାର୍ଟନର ଚିନ୍ତାଧାରା ଓ ଭାବନାକୁ ପରିପ୍ରକାଶ କରିଥାଏ। ତେବେ ଆସନ୍ତୁ ଜାଣିବା ଏହି ବିଷୟରେ।
* ଯଦି ଜଣକର ହାତ ଉପରେ ଅନ୍ୟଜଣକର ରହିଛି, ତେବେ ସେହି ସମ୍ପର୍କ ଖୁବ୍ ଶକ୍ତିଶାଳୀ ବୋଲି ସୂଚାଇଥାଏ। ଏଥିସହ ଆପଣଙ୍କ ସାଥୀ ଆପଣଙ୍କ ପାଇଁ ଖୁବ ରକ୍ଷଣଶୀଳ ବା ପ୍ରତିରକ୍ଷାକାରୀ ବୋଲି ଜଣାଯାଏ।
* ଯଦି ଆପଣଙ୍କ ସାଥୀ ଆପଣଙ୍କ ଆଙ୍ଗୁଠି ମଧ୍ୟରେ ନିଜ ଆଙ୍ଗୁଠିକୁ ଇଣ୍ଟରଲକ୍ କରୁଛନ୍ତି। ତେବେ ଏହା ଦର୍ଶାଉଛି ଯେ, ଆପଣ ଦୁହିଁଙ୍କର ସମ୍ପର୍କ ଦୃଢ଼ ଓ ଗଭୀର। ଏଥିରୁ ଆପଣଙ୍କ ମଧ୍ୟରେ ଥିବା ଗଭୀର ଭଲପାଇବାକୁ ଦର୍ଶାଇଥାଏ।
*ସେହିପରି ଯଦି ସମସ୍ତ ଆଙ୍ଗୁଳିଗୁଡ଼ିକ ପରସ୍ପର ମଧ୍ୟରେ ଛନ୍ଦି ହୋଇଥାନ୍ତି ତେବେ ଏହା ଦର୍ଶାଇଥାଏ ଯେ, ଆପଣ ଖୁବ ରାଗୀ ଓ ଜିଦ୍ଦି। ସବୁବେଳେ ଆପଣଙ୍କ ପାର୍ଟନର ଆପଣଙ୍କ କଥା ଶୁଣନ୍ତୁ ବୋଲି ଇଛା କରିଥଶନ୍ତି। ହାତ ଧରିବାର ଏଭଳି ଶୈଳୀ ଆପଣଙ୍କ ସମ୍ପର୍କର ନିବିଡ଼ଡା ଓ ଆବଶ୍ୟକତାକୁ ଦର୍ଶାଇଥାଏ।
