କଲମ୍ବିଆ,୨୪।୩: କଲମ୍ବିଆରେ ଏକ ବଡ଼ ବାୟୁସେନା ବିମାନ ଦୁର୍ଘଟଣା ଘଟିଛି । ପ୍ରତିରକ୍ଷା ମନ୍ତ୍ରଣାଳୟ ଅନୁଯାୟୀ, ୧୨୫ ଜଣ ସୈନିକଙ୍କୁ ନେଇ ଯାଉଥିବା ଏକ ବିମାନ ପୁଏର୍ଟୋ ଲେଗୁଇଜାମୋ ନିକଟରେ ଉଡ଼ାଣ ଭରିବା ସମୟରେ ଦୁର୍ଘଟଣାଗ୍ରସ୍ତ ହୋଇଛି । ଦୁର୍ଘଟଣାରେ ୬୬ ଜଣ ସୈନିକଙ୍କ ମୃତ୍ୟୁ ନିଶ୍ଚିତ ହୋଇଛି ଏବଂ ମୃତ୍ୟୁ ସଂଖ୍ୟା ବୃଦ୍ଧି ପାଇପାରେ ବୋଲି କୁହାଯାଉଛି । ୪୮ ଜଣ ସୈନିକ ଆହତ ହୋଇଛନ୍ତି, ସେମାନଙ୍କ ମଧ୍ୟରୁ ଅନେକଙ୍କ ଅବସ୍ଥା ଗୁରୁତର ରହିଛି । ପେରୁ ସୀମା ନିକଟରେ ଏକ C-୧୩୦ ହରକ୍ୟୁଲିସ୍ ବିମାନ ଉଡାଣ ଭରିବା ପରେ ଏହି ଦୁର୍ଘଟଣା ହୋଇଛି ।
ସ୍ଥାନୀୟ ଗଣମାଧ୍ୟମରୁ ମିଳିଥିବା ଫଟୋଗୁଡ଼ିକ ଦୁର୍ଘଟଣାସ୍ଥଳରୁ ଧୂଆଁ ବାହାରୁଥିବା ଦେଖାଯାଉଛି। ଏହି ସମୟରେ, ସୈନିକମାନଙ୍କୁ ନେଇ ଏକ ଟ୍ରକ ଦୁର୍ଘଟଣାସ୍ଥଳକୁ ଯାଉଥିବା ଦେଖାଯାଇଛି । ଅଧିକାରୀମାନେ କହିଛନ୍ତି ଯେ ଦୁର୍ଘଟଣାର କାରଣ ଅସ୍ପଷ୍ଟ ରହିଛି। ରିପୋର୍ଟ ଅନୁଯାୟୀ, ବିମାନରେ ୧୨୫ ଜଣ ସୈନିକ ଥିଲେ ଏବଂ ସହରରୁ ପ୍ରାୟ ୩ କିଲୋମିଟର ଦୂରରେ ଏହି ଦୁର୍ଘଟଣା ଘଟିଥିଲା। ଆମେରିକୀୟ ପ୍ରତିରକ୍ଷା ନିର୍ମାଣକାରୀ କମ୍ପାନୀ ଲକହିଡ୍ ମାର୍ଟିନ୍ ଏପର୍ଯ୍ୟନ୍ତ ଏହି ଘଟଣା ସମ୍ପର୍କରେ କୌଣସି ପ୍ରତିକ୍ରିୟା ଦେଇନାହିଁ ।
❗️Colombian Air Force C-130 Hercules Crashes Near Peru Border, Reportedly With 100+ Personnel Onboard – Local Media
The Defense Minister has confirmed the incident, but did not specify the number of passengers.
The C-130 Hercules is a tactical transport aircraft manufactured… pic.twitter.com/DRG1goE7XP
— RT_India (@RT_India_news) March 23, 2026
ଦୁର୍ଘଟଣାର ଖବର ପାଇ ରାଷ୍ଟ୍ରପତି ଗୁସ୍ତାଭୋ ପେଟ୍ରୋ ଶୋକ ପ୍ରକାଶ କରିଛନ୍ତି । ସଶସ୍ତ୍ର ବାହିନୀର ଆଧୁନିକୀକରଣରେ ବିଳମ୍ବ ପାଇଁ ଦାୟୀ ଅଧିକାରୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯିବ ଏବଂ ଆଉ କୌଣସି ବିଳମ୍ବକୁ ବରଦାସ୍ତ କରାଯିବ ନାହିଁ ବୋଲି କହିଥିଲେ । C-୧୩୦ ହରକ୍ୟୁଲେସ୍ ବିମାନ ୧୯୫୦ ଦଶକରେ ନିର୍ମିତ ହୋଇଥିଲା। କଲମ୍ବିଆ ସେଗୁଡ଼ିକୁ ୧୯୬୦ ଦଶକରେ ଅଧିଗ୍ରହଣ କରିଥିଲା ଏବଂ ପରବର୍ତ୍ତୀ ସମୟରେ ସେଗୁଡ଼ିକୁ ଯୁକ୍ତରାଷ୍ଟ୍ରରୁ ପ୍ରାପ୍ତ ଅତିରିକ୍ତ ଉପକରଣ ବ୍ୟବହାର କରି ଅପଗ୍ରେଡ୍ କରାଯାଇଥିଲା।
