କାବୁଲ,୨୦।୧୦: ଆଫଗାନିସ୍ତାନ ରାଜଧାନୀ କାବୁଲରେ ବୁଧବାର ସକାଳ ୭ଟା ୫୦ରେ ଏକ ବଡ଼ ଧରଣର ବିସ୍ଫୋରଣ ଘଟିଛି। ଏଥିରେ କେତେ ସଂଖ୍ୟକ ଲୋକ ମୃତାହତ ହୋଇଛନ୍ତି ତାହାର ସୂଚନା ଦେବାକୁ ତାଲିବାନ ରୋକ୍ ଠୋକ୍ ମନା କରି ଦେଇଛି। ବିସ୍ଫୋରଣ ପୂର୍ବରୁ ତାଲିବାନ ସୁରକ୍ଷାକର୍ମୀଙ୍କୁ ସତର୍କ କରି ଦିଆଯାଇଥିଲା। ସ୍ଥାନୀୟ ଦେହମାଜାଙ୍ଗ ଅଞ୍ଚଳରେ ଏହା ଘଟିଛି। ଦେଖଣାହାରୀଙ୍କ ଅନୁସାରେ ଏହା ଏକ କାର ବୋମା ହୋଇଥାଇପାରେ। ବିସ୍ଫୋରଣ ପରେ ତାଲିବାନ ଯାଞ୍ଚ୍ ଦଳର ଗାଡ଼ି ଘଟଣାସ୍ଥଳରେ ପହଞ୍ଚିଛି।
ତାଲିବାନ ସରକାରଙ୍କୁ ମିଳିଥିବା ସୂଚନା ଆଧାରରେ ମଙ୍ଗଳବାରଠାରୁ ସୁରକ୍ଷାକର୍ମୀଙ୍କୁ ସତର୍କ ରହିବା ଲାଗି ନିର୍ଦ୍ଦେଶ ଜାରି ହୋଇଥିଲା। ରାସ୍ତାରେ ଯାଉଥିବା ଯାନ ବାହନ ଏବଂ ସନ୍ଦିଗ୍ଧଙ୍କୁ ଅଟକ ରଖି ଯାଞ୍ଚ୍ କରାଯାଉଥିଲା। ମାତ୍ର ଶେଷରେ ବିସ୍ଫୋରଣ ଘଟିଥିଲା। ବିସ୍ଫୋରଣ ସମ୍ପର୍କରେ ସୂଚନା ପ୍ରଦାନ କରିବାକୁ ତାଲିବାନ୍ ସରକାର ମନା କରିଦେଇଛନ୍ତି।
