କରୋନା ମହାମାରୀ ଏବେ ସାରା ବିଶ୍ୱକୁ ଅସ୍ତବ୍ୟସ୍ତ କରି ରଖିଛି । ବିଶେଷ କରି ଆମେରିକା ଓ ଭାରତରେ ଏହା ମୁଣ୍ଡବ୍ୟଥାର କାରଣ ପାଲଟିଛି । ନିକଟରେ କରାଯାଇଥିବା ଏକ ଗବେଷଣାରୁ ଜଣାପଡିଛି ଯେ ଯଦି ଅତିକମ୍ରେ ୭୦ ପ୍ରତିଶତ ଲୋକ ମାସ୍କ ବ୍ୟବହାର କରନ୍ତି ତେବେ କରୋନା ଭଳି ମହାମାରୀକୁ ଦୂରେଇ ଦେଇ ହେବ । ସିଙ୍ଗାପୁରର ରାଷ୍ଟ୍ରୀୟ ବିଶ୍ୱବିଦ୍ୟାଳୟର ଏହି ଗବେଷଣା ଅନୁଯାୟୀ ବିଶେଷ କରି ସର୍ଜିକାଲ ମାସ୍କ, କପଡା ମାସ୍କ ଓ ଏନ୍ ୯୫ ମାସ୍କ ବ୍ୟବହାର କଲେ ବି ମହାମାରୀକୁ ଦୂରେଇ ଦେଇ ହେବ । ବିଶେଷଜ୍ଞଙ୍କ କହିବା କଥା ହେଲା କରୋନା ମହାମାରୀ ବିଶେଷ କରି ଆମ ପାଟିରୁ ଓ ନାକରୁ ବାହାରୁ ଥିବା ଡ୍ରପଲେଟ୍ସ ଦ୍ୱାରା ବ୍ୟାପୁଥିବାରୁ ଆମକୁ ମାସ୍କ ପିନ୍ଧିବା ଜରୁରୀ । ତାହାପୁଣି ଜନଗହଳି ସ୍ଥାନରେ ଯେଉଁମାନେ ଅଧିକ ସମୟ କାଟୁଛନ୍ତି ସେମାନେ ମାସ୍କ ପିନ୍ଧିବା ଆବଶ୍ୟକ । ନିୟମିତ ଏହି ଅଭ୍ୟ।।ସ ହିଁ ଆମକୁ କରୋନା ଭଳି ମହାମାରୀଠାରୁ ଦୂରେଇ ରଖିବ ବୋଲି ଗବେଷକମାନେ କହିଛନ୍ତି । ସୂଚନାଯୋଗ୍ୟ, କରୋନା ଭାଇରସକୁ ଏବେ ବର୍ଷେ ପୂରଣ ହେବାକୁ ଯାଉଛି । ଚାଇନାର ଉହାନ ସହରରେ ପ୍ରଥମେ ୨୦୧୯ରେ ଏହି ଭାଇରସ ଦେଖା ଦେଇଥିବା ବେଳେ ଖୁକ୍ କମ୍ ସମୟ ମଧ୍ୟରେ ଏହା ସାରା ବିଶ୍ୱକୁ ତା’ କବଳକୁ ନେଇଯାଇଛି । ଏଥିରେ ଆକ୍ରାନ୍ତ ହୋଇ କୋଟି କୋଟି ଲୋକ ପ୍ରାଣ ହରାଇଥିବା ବେଳେ ଏବେବି ଅନେକେ ଏହି ଭାଇରସ କବଳରେ ପଡି ଚିକିତ୍ସିତ ହେଉଛନ୍ତି । ଛୋଟ ପିଲା ବୟସ୍କ ଏହାଦ୍ୱାରା ବିଶେଷ ମାତ୍ରାରେ ପ୍ରଭାବିତ ହୋଇଛନ୍ତି । ଏହାକୁ ଦୂରେଇବା ପାଇଁ ପ୍ରାୟ ସମସ୍ତ ବିକାଶଶୀଳ ଦେଇ ଭ୍ୟାକ୍ସିନ ପ୍ରସ୍ତୁତି କାମରେ ଲାଗି ପଡିଥିବା ବେଳେ ୨୦୨୧ ସୁଦ୍ଧା ଏହା ଉପଲବ୍ଧ ହେବ ବୋଲି କୁହାଯାଉଛି । ଅନ୍ୟପଟେ ଆଉ କେତେଜଣ ବିଶେଷଜ୍ଞଙ୍କ ମତ ରହିଛି କରୋନା ମହାମାରୀ ସହ ଆମକୁ ପାଖାପାଖି ୩ ବର୍ଷ କଟିବାକୁ ପଡିବ ।
